រាជធានីភ្នំពេញ ៖ ជនសង្ស័យដែលជាភេទទីបីចំនួន៣នាក់ ត្រូវកម្លាំងសមត្ថកិច្ចប៉ុស្តិ៍នគរបាលទំនប់ទឹក ឃាត់ខ្លួនយកទៅធ្វើការសាកសួរ បន្ទាប់ពីធ្វើសកម្មភាពលួចយកទូរស័ព្ទពីជនរងគ្រោះដែលស្រវឹងដេកក្នុងរថយន្ត ហេតុការណ៍ឃាត់ខ្លួននេះបានធ្វើឡើងនៅម៉ោង២និង១០នាទីរំលងអធ្រាត្រឈានចូលថ្ងៃទី៣០ មីនា នៅចំណុចផ្លូវ១៨៣កែងនិងផ្លូវម៉ៅសេងទុង សង្កាត់ទំនប់ទឹក…
រាជធានីភ្នំពេញ ៖ ជនសង្ស័យដែលជាភេទទីបីចំនួន៣នាក់ ត្រូវកម្លាំងសមត្ថកិច្ចប៉ុស្តិ៍នគរបាលទំនប់ទឹក ឃាត់ខ្លួនយកទៅធ្វើការសាកសួរ បន្ទាប់ពីធ្វើសកម្មភាពលួចយកទូរស័ព្ទពីជនរងគ្រោះដែលស្រវឹងដេកក្នុងរថយន្ត ហេតុការណ៍ឃាត់ខ្លួននេះបានធ្វើឡើងនៅម៉ោង២និង១០នាទីរំលងអធ្រាត្រឈានចូលថ្ងៃទី៣០ មីនា នៅចំណុចផ្លូវ១៨៣កែងនិងផ្លូវម៉ៅសេងទុង សង្កាត់ទំនប់ទឹក ខណ្ឌចំការមន ។
ជនសង្ស័យខាងលើ១-ឈ្មោះ សុខ ការ ភេទទីបី អាយុ២៣ឆ្នាំ មុខរបរជាងអ៊ុតសក់ ស្នាក់នៅគីឡូម៉ែត្រលេខ៦ ខណ្ឌឬស្សីកែវ ២-ឈ្មោះ យ៉ា ភេទទីបី មុខរបរជាងអ៊ុតសក់ ស្នាក់នៅខណ្ឌព្រែកព្នៅ ៣-ឈ្មោះ កេ សា ភេទទីបី អាយុ២៣ឆ្នាំ មុខរបរជាងអ៊ុតសក់ ស្នាក់នៅសង្កាត់ជ្រោយចង្វា ខណ្ឌជ្រោយចង្វា ចំណែកវត្ថុតាងដកហូតបានម៉ូតូម៉ាក ZOOMMER X ពណ៌ខ្មៅលាយក្រហម ពាក់ស្លាកលេខភ្នំពេញ 1GR-1791 មួយគ្រឿងជារបស់ជនសង្ស័យ និងទូរស័ព្ទម៉ាក iphone 6 plus ពណ៌ទឹកមាសមួយគ្រឿងជារបស់ជនរងគ្រោះ ។
តាមសម្តីលោកមេប៉ុស្តិ៍ទំនប់ទឹកបានឱ្យដឹងថា មុននឹងឃាត់ខ្លួនជនសង្ស័យទាំងនេះ គឺកម្លាំងសមត្ថកិច្ចរបស់លោកធ្វើការល្បាតក្នុងមូលដ្ឋាន ដើម្បីទប់ស្កាត់បទល្មើសផ្សេងៗ ខណៈមកដល់ចំណុចផ្លូវ៤៣០ ក្រោយមន្ទីរពេទ្យមិត្តភាពខ្មែរសូរវៀត ស្រាប់តែឃើញក្រុមជនសង្ស័យជាភេទបីបានជិះម៉ូតូម៉ាក ZOOMER X មកធ្វើសកម្មភាពលួកយកទូរស័ព្ទដៃរបស់ជនរងគ្រោះម្នាក់ដែលស្រវឹងដេកនៅក្នុងរថយន្តឡិចស៊ីសមួយគ្រឿង។ ដោយឃើញបែបនេះ សមត្ថកិច្ចជិះម៉ូតូទៅជិត ស្រាប់តែបុរសដេកលក់ដឹងខ្លួន រួចស្រែកថា«ចោរៗ» ធ្វើឱ្យជនសង្ស័យទាំងនោះភ័យជិះម៉ូតូរត់គេចខ្លួន រហូតដល់ចំណុចខាងលើ ក៏ត្រូវសមត្ថកិច្ចឃាត់ខ្លួន ព្រមទាំងដកហូតទូរស័ព្ទម៉ាក iphone 6 plus មួយគ្រឿងជារបស់ជនរងគ្រោះ ទើបសមត្ថកិច្ចនាំខ្លួនយកទៅធ្វើការសាកសួរនៅប៉ុស្តិ៍នគបាលទំនប់ទឹកតែម្តង ។
នៅចំពោះមុខសមត្ថកិច្ចក្រុមជនសង្ស័យសារភាពថា ពួកគេពិតជាបានធ្វើសកម្មភាពលួចយកទូរស័ព្ទរបស់ជនរងគ្រោះដែលដេកក្នុងរថយន្តពិតប្រាកដមែន ។ ក្រោយពេលកើតហេតុ បន្ទាប់ពីសាកសួររួច ជនសង្ស័យត្រូវសមត្ថកិច្ចឃុំបណ្តោះអាសន្នសិន រង់ចាំជនរងគ្រោះមកដាក់ពាក្យបណ្តឹង ទើបចាត់ការបន្តទៀត៕
ចែករំលែកព័តមាននេះ