ទំនប់ប្រព័ន្ធធារាសាស្ត្រនៅក្នុងស្រុកគោលដៅចំនួន២គឺស្រុកឆ្លួង និងស្រុកចិត្របុរី

ថ្ងៃទី ២៨ ខែ មីនា ឆ្នាំ ២០១៨

ម៉ោង ១៣:៥៣

ខេត្តក្រចេះ ៖ ទំនប់ប្រព័ន្ធធារាសាស្ត្រនៅក្នុងស្រុកគោលដៅចំនួន២គឺស្រុកឆ្លួង និងស្រុកចិត្របុរី ចំងាយជាច្រើនពាន់ម៉ែត្រដែលធ្វើការជួសជុល និងស្ដារជាប្រឡាយ និងត្រូវឲ្យប្រជាកិសករប្រើប្រាស់ជាផ្លូវការ ថ្ងៃទី២៦ ខែមីនា ឆ្នាំ២០១៨ ។

បើតាមប្រធានមន្ទីរធនធានទឹកលោក ហេង រ័ត្នម៉ូលីដា និងឧតុនិយមខេត្តបានឲ្យដឹងថា ប្រព័ន្ធធារាសាស្ត្រនេះ គឺកសាងឡើងក្នុងគោលបំណងឆ្លើយតប និងផលប៉ះពាល់ពីការប្រែប្រួលអាកាសធាតុ ពីអាជ្ញាធរសហការជាមួយអង្គការសង្គ្រោះសត្វព្រៃក្រោមជំនួយ ឧបត្ថម្ភពីអង្គការឌឺជោហានីទ័រ ប្រទេសអាល្លឺម៉ង់ សម្រេចធ្វើការជួសជុលស្ដារឡើងវិញប្រព័ន្ធធារាសាស្ត្រជាប្រយោជន៏ សម្រាប់ប្រជាកសិករបង្កបង្កើនផលនៅក្នុងស្រុកគោលដៅគឺ ស្រុកចិត្របុរី ក្នុងឃុំបុសលាវ ជួសជុលខ្នងទំនប់នៅប្រព័ន្ធធារាសាស្ត្រ បឹងគ្រុំ ប្រវែង៣៥០ម៉ែត្រ ស្ដារប្រឡាយ៩ខ្សែប្រវែង៧២៦៩ម៉ែត្រ សង់លូបេតុង៥កន្លែង ។

អភិបាលស្រុកចិត្របុរីលោក ហង់ ចាន់ឌី បានឲ្យដឹងដែរថា ការសម្ពោធឱ្យប្រើប្រាស់ ជាផ្លូវការនូវប្រព័ន្ធធារាសាស្ត្រក្នុងស្រុកគោលដៅទាំង២ជាសមិទ្ធផលដ៏គួរឱ្យមានមោទនៈភាពរបស់គម្រោងសម្រាប់ខេត្តក្រចេះ ជាពិសេសប្រជាកសិកររបស់យើងដែលជាអ្នកទទួល ផលផ្ទាល់ក្នុងការរួមចំណែកសម្រាប់បង្កើនផលិតផលកសិកម្មរបស់ប្រជាកសិករដ៏មានប្រសិទ្ធភាពខ្ពស់ ៕