ខេត្តកណ្ដាល ៖ សពបុរសម្នាក់ត្រូវបានសាច់ញាតិប្រទះឃើញស្លាប់ផ្កាប់មុខក្នុងអាងទឹកនៅក្នុងបន្ទប់ទឹក កាលពីម៉ោង៤និង៤០នាទីរសៀល ថ្ងៃទី២៥ ខែមីនា ឆ្នាំ២០១៨ ស្ថិតនៅក្នុងភូមិព្រែកប៉ុក ឃុំព្រែកស្តី ស្រុកកោះធំ…
ខេត្តកណ្ដាល ៖ សពបុរសម្នាក់ត្រូវបានសាច់ញាតិប្រទះឃើញស្លាប់ផ្កាប់មុខក្នុងអាងទឹកនៅក្នុងបន្ទប់ទឹក កាលពីម៉ោង៤និង៤០នាទីរសៀល ថ្ងៃទី២៥ ខែមីនា ឆ្នាំ២០១៨ ស្ថិតនៅក្នុងភូមិព្រែកប៉ុក ឃុំព្រែកស្តី ស្រុកកោះធំ ខេត្តកណ្តាល បង្កឱ្យមានការភ្ញាក់ផ្អើល ។
មន្ត្រីនគរបាលស្រុកកោះធំបានឱ្យដឹងថា ជនរងគ្រោះឈ្មោះ ជឹម ធា ភេទប្រុស អាយុ៣៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅៗ ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល ។ យោងតាមការឆ្លើយបំភ្លឺរបស់ឈ្មោះ ឃឹម ហឿន ត្រូវជាបងជនរងគ្រោះ និងឈ្មោះ ផាត់ ប៉េង ត្រូវជាបងជីដូនមួយជនរងគ្រោះបានឱ្យដឹងថា ជនរងគ្រោះឈ្មោះ ឃឹម ធា ជាមនុស្សញៀនស្រា ផឹកជាប្រចាំ ម្តាយឪពុក ស្លាប់ចោលហើយរស់នៅជាមួយបងប្អូនម្តងនៅជាមួយអ្នកនេះម្តងនៅជាមួយអ្នកនោះ ។ លុះនៅថ្ងៃកើតហេតុជនរងគ្រោះបានផឹកស្រាស្រវឹងរួចដើរចេញពីផ្ទះបង ភូមិព្រែកធន់ ឃុំព្រែកថ្មី មកផ្ទះបងប្អូននៅភូមិព្រែកប៉ុក ឃុំព្រែកស្តី ។
លុះមកដល់ផ្ទះឈ្មោះ ផាត់ ប៉េង ត្រូវជាបងជីដូនមួយដោយម្ចាស់ផ្ទះមិននៅគេមិនដឹងថា ជនរងគ្រោះចូលក្នុងបន្ទប់ទឹក ហើយខ្ទាស់គន្លឹះទ្វាររបន្ទប់ទឹកពីខាងក្នុងតាំងពីពេលណាមកទេ ។ លុះនៅវេលាម៉ោង៤និង៤០នាទីរសៀលថ្ងៃដដែលឈ្មោះ ផាត់ ប៉េង មកពីចំការវិញឃើញបន្ទប់ទឹកបិទទ្វារក៏ចូលទៅបើកតែត្រូវជាប់គន្លឹះពីខាងក្នុងក៏នៅរងចាំដើម្បីចូលបោកគក់ខោអាវដោយចាំយូរពេកមិនឃើញបើទ្វារ ក៏ឈរអើតមើលតាមចន្លោះឥដ្ឋខ្យល់ក៏ឃើញមានមនុស្សស្លាប់ថ្កាប់មុខក្នុងអាងទឹកបន្ទប់ទឹក ។ ក្រោយពីឃើញហេតុការណ៍ដូចនេះក៏ប្រាប់បងប្អូនជិតខាង និងរាយការណ៍ជូនសមត្ថកិច្ច ។
បន្ទាប់ពីទទួលបានព័ត៌កម្លាំងជំនាញអធិការដ្ឋានដឹកនាំដោយលោកវរសេនីយ៍ត្រី អ៊ុយ ឈាង អធិការរងសហការណ៍ជាមួយប៉ុស្តិ៍នគរបាលរដ្ឋបាល អាជ្ញាធរភូមិ-ឃុំ លោកគ្រូពេទ្យ និងក្រុមគ្រួសារជនរងគ្រោះដើម្បីគាស់គន្លឹះទ្វារបន្ទប់ទឹកមើលទើបដឹងថា ជនរងគ្រោះឈ្មោះ ជឹម ធា រួចគណៈកម្មការចម្រុះបានធ្វើការពិនិត្យកន្លែងកើតហេតុ និងពិនិត្យសាកសពឃើញថា ជនរងគ្រោះមានស្នាមរលាត់កោសសើរស្បែកចុងភ្នែកខាងស្តាំ និងពកលើចិញ្ចើមខាងស្តាំទំហំប៉ុនមេដៃតាមការសន្និដ្ឋានជនរងគ្រោះអាចរអិលជើងដួលប៉ះនឹងអាងទឹកក្រៅពីនេះពុំមានស្លាកស្នាមអ្វីគួរឱ្យកត់សម្គាល់ទៀតឡើយ ។ តាមការសន្និដ្ឋានរបស់លោកគ្រូពេទ្យជនរងគ្រោះពិតជារអិលជើងដួលផ្កាប់មុខចូលក្នុងអាងទឹកបណ្តាលឱ្យលង់ស្លាប់ប្រាកដមែន ៕
ចែករំលែកព័តមាននេះ