ម្ចាស់ចាប់បានចោរម្នាក់កា.ច់កម៉ូតូ តែត្រូវបក្ខពួកផ្ទុះអាវុ.ធរំដោះរត់គេចខ្លួនបាត់អស់
- ភ្នំពេញ
រាជធានីភ្នំពេញ ៖ ជនសង្ស័យ៣នាក់ធ្វើសកម្មភាពលួ.ចកាច់កម៉ូតូមួយគ្រឿងម៉ាកនិច មិនបាន
រាជធានីភ្នំពេញ ៖ ជនសង្ស័យ៣នាក់ធ្វើសកម្មភាពលួ.ចកាច់កម៉ូតូមួយគ្រឿងម៉ាកនិច មិនបាន
រាជធានីភ្នំពេញ ៖ ជនសង្ស័យ៣នាក់ធ្វើសកម្មភាពលួ.ចកាច់កម៉ូតូមួយគ្រឿងម៉ាកនិច មិនបានសម្រេច ខណៈពេលជនរងគ្រោះជាម្ចាស់ម៉ូតូឃើញ ក៏ឃាត់ជនសង្ស័យបានម្នាក់ តែត្រូវជនសង្ស័យ២នាក់ផ្សេងទៀតផ្ទុះអាវុធមួយគ្រាប់រំដោះបក្ខពួករត់គេចខ្លួនបាត់ ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១១និង៣០នាទីយប់ថ្ងៃទី៣០ ខែមេសា ឆ្នាំ២០២៤ នៅភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ ជា ណេត ភេទប្រុស អាយុ២០ឆ្នាំ ជាសិស្ស បន្ទាប់ពីទំនេរពីការសិក្សាធ្វើការខាងចុងភៅ រស់នៅភូមិកើតហេតុខាងលើ ។ ចំណែកម៉ូតូមួយគ្រឿងដែលជនសង្ស័យធ្វើសកម្មភាពកាច់កមិនបានសម្រេចនោះម៉ាកនិច ពណ៌ស ពាក់ស្លាកលេខ តាកែវ 1J-9221 ។ រីឯវត្ថតាងបន្សល់ទុកនៅកន្លែងកើតហេតុ មានសំបកកាទុស មានសោជាឧបករណ៍កាច់កម៉ូតូ រួមនឹងស្បែកជើងមួយគូ ។
តាមប្រភពព័ត៌មានពីជនរងគ្រោះបាននិយាយប្រាប់ថា នៅមុនពេលកើតហេតុ គាត់ទុកម៉ូតូនៅកន្លែងកើតហេតុ ហើយគាត់នៅឆ្ងាយពីម៉ូតូដែរ ក៏ឃើញជនសង្ស័យម្នាក់ដើរចុះឡើងៗ បានទៅកាច់កម៉ូតូ ។ ពេលនោះគាត់បានទៅប្រតាយប្រតប់គ្នាជាមួយជនសង្ស័យ ដោយចាប់បានជនសង្ស័យម្នាក់ ស្រាប់តែឃើញជនសង្ស័យ២នាក់ទៀតជិះម៉ូតូម៉ាកវ៉េវមួយគ្រឿង បានបាញ់ចំនួនមួយគ្រាប់ ធ្វើឱ្យគាត់ភ័យ ចំណែកជនសង្ស័យម្នាក់ដែលឃាត់បានក៏រត់គេចឡើងម៉ូតូទាំង៣នាក់ទៅបាត់ ។ ទោះបីជនរងគ្រោះខំដេញដែរ តែដេញមិនទាន់ បន្ទាប់មកផ្អើលប្រជាពលរដ្ឋចោមរោមមើលត្រៀបត្រាពេញផ្លូវ ។
ប្រជាពលរដ្ឋនៅកន្លែងកើតហេតុបានឱ្យដឹងថា ខណៈជនរងគ្រោះកំពុងប្រតាយប្រតប់ជាមួយគ្នា ក៏ស្រាប់តែឃើញជនសង្ស័យ២នាក់ទៀតដោយផ្ទុះអាវុធហើយរំដោះយកជនសង្ស័យគេចខ្លួនបាត់តែម្ដង។
ក្រោយពេលកើតហេតុ ជនរងគ្រោះត្រូវបាននគរបាលប៉ុស្តិ៍ឱ្យជនរងគ្រោះទៅដាក់ពាក្យបណ្ដឹងដើម្បីស្រាវជ្រាវមុខសញ្ញាខាងលើយកមកចាត់ការតាមនីតិវិធីបន្ត ៕
ចែករំលែកព័តមាននេះ