ខេត្តសៀមរាប ៖ មន្ត្រីនគរបាលជំនាញ​សណ្ដាប់ធ្នាប់ នៃ​ស្នងការដ្ឋាននគរបាលខេត្តសៀមរាប បានបន្តចុះណែនាំរៀបចំសណ្ដាប់ធ្នាប់​តាមដងផ្លូវសំខាន់ៗ ដូចជាតាមបណ្ដោយកំណាត់ផ្លូវជាតិលេខ​៦ និង​តាមបណ្ដោយដងស្ទឹងសៀមរាប។

ការចុះរៀបចំសណ្ដាប់ធ្នាប់ នៅតាមដង ស្ទឹងសៀមរាប និងផ្លូវសំខាន់ៗមួយចំនួនទៀត យ៉ាងដូច្នេះ នៅថ្ងៃទី ១៥ ខែឧសភាឆ្នាំ ២០២៤ នេះ ធ្វើឡើងក្រោមការណែនាំ​របស់លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប ក្នុងគោលបំណងឱ្យក្រុងសៀមរាប មានសណ្ដាប់ធ្នាប់របៀបរៀបរយ ល្អប្រសើរដែលជាក្រុងទេសចរណ៍ ដើម្បីទាក់ទាញភ្ញៀវទេសចរ​ចូលមកទស្សនា​ឱ្យបានច្រើន ផងដែរ ៕