រាជធានីភ្នំពេញ ៖ អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងថា ក្រុមការងារក្រសួងសាធារណការ បានបំពាក់អំពូលសូឡាជួយលើកសម្រស់ផ្លូវជាតិលេខ៤៨ និងក្រុងខេមរភូមិន្ទ ខេត្តកោះកុង តារារះនាទិសនិរតី…
រាជធានីភ្នំពេញ ៖ អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងថា ក្រុមការងារក្រសួងសាធារណការ បានបំពាក់អំពូលសូឡាជួយលើកសម្រស់ផ្លូវជាតិលេខ៤៨ និងក្រុងខេមរភូមិន្ទ ខេត្តកោះកុង តារារះនាទិសនិរតី ។
លោក ផន រឹម អ្នកនាំពាក្យក្រសួងសាធារណការ និងដឹងជញ្ជូន បានសរសេរលើបណ្តាញសង្គម នៅយប់ថ្ងៃទី១១ ខែកក្កដា ឆ្នាំ២០២៥ថា
ក្នុងចម្ងាយផ្លូវ១៤៨គីឡូម៉ែត្រ ពីចំណុចផ្លូវបំបែកផ្លូវជាតិលេខ៤ ស្ថិតក្នុងស្រុកស្រែអំបិល រហូតដល់ក្រុងខេមរភូមិន្ទ ខេត្តកោះកុង ក្រុមការងារបានដាក់អំពូលបំភ្លឺ និងលម្អផ្លូវ ជាប្រភេទអំពូលសូឡា ។
សូមរំលឹកផងដែរថា គម្រោងលើកកម្រិតគុណភាពផ្លូវជាតិលេខ៤៨ មានប្រវែង ១៤៨គីឡូម៉ែត្រ ត្រូវបានសាងសង់ជាប្រភេទស្រទាប់កៅស៊ូ AC បានបើកការដ្ឋានសាងសង់នៅ ថ្ងៃទី៣ ខែមករា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា ។
ផ្លូវនេះ ត្រូវបានស្ថាបនាជាបួនគន្លង ចំនួន៥ ទីតាំង ប្រវែង ៣០គីឡូម៉ែត្រ និងពីរកន្លង ប្រវែង១១៨ គីឡូម៉ែត្រ។ តាមផែនការគម្រោង គ្រោងបញ្ចប់នៅខែមេសា ឆ្នាំ២០២៤ ប៉ុន្តែដោយស្ថានភាពការរីករាលដាលនៃកូវីដ-១៩ និងកត្តាភូមិសាស្ត្រតំបន់ភ្នំ ធ្វើឱ្យគម្រោងនេះពន្យាពេលសាងសង់ជាង១ឆ្នាំ ពោលគឺបញ្ចប់ការសាងសង់នៅ ខែឧសភា ឆ្នាំ២០២៥ វិញ។
សូមបងប្អូនប្រជាពលរដ្ឋរីករាយក្នុងការធ្វើដំណើរ និងប្រកបដោយសុខសុវត្ថិភាព ក្រោមម្លប់ នៃសុខសន្តិភាព និងការអភិវឌ្ឍលើគ្រប់វិស័យ៕
ចែករំលែកព័តមាននេះ