សង្គ្រាមអ៉ីរ៉ង ៖ សហរដ្ឋអាមេរិកជាថ្មីម្ដងទៀត បានសម្រេចមិនវាយប្រហារអ៉ីរ៉ង់ដោយប្រធានាធិបតី លោកដូណាល់ត្រាំ ថ្លែងទៅកាន់សារព័ត៌មាននាថ្ងៃទី២៧ កក្កដា ថា នឹងមានរឿងល្អដែលអ្វីមួយអាចកើតមានឡើង ។
លោកចង់ទុកឱកាសស្វែងរកដំណោះស្រាយការទូតចំពោះជម្លោះ។ ប៉ុន្តែអ៉ីរ៉ង់អះអាងថា ក្រុងវ៉ាស៊ីនតោនកំពុងស្ថិតក្នុងសភាពការណ៍លំបាក និងអស្ថេរភាព ហើយប្រហែលកំពុងស្វែងរកយុទ្ធសាស្ត្រថ្មីមួយ ។
មុននេះ ឯកអគ្គរដ្ឋទូតអាមេរិកប្រចាំអ.ស.បលើកឡើងថា ប្រធានាធិបតីបានទុកពេលសម្រាប់ការចរចាជាមួយអ៉ីរ៉ង់ ក្រោយផ្អាកការវាយប្រហាររបស់អាមេរិក ដែលបែបនេះនាំឲ្យតម្លៃប្រេងធ្លាក់ចុះវិញភ្លាមៗ នាថ្ងៃទី២៧ កក្កដា ។ ឯកអគ្គរដ្ឋទូតរូបនោះលោក MIKE WALTZ អះអាងប្រាប់ដល់បណ្ដាសារព័ត៌មានអាមេរិកដោយគូសបញ្ជាក់ថា ទោះយ៉ាងណា លោកត្រាំនៅមិនបោះបង់ចោលការគំរាមវាយប្រហារថ្មីៗទៀតលើអ៉ីរ៉ង់ដែរ ។ លោករក្សាទុកបណ្ដាការជ្រើសរើសនៅលើតុ។
ពុំមានការវាយប្រហារណាមួយរបស់អាមេរិកលើអ៉ីរ៉ង់ឡើយ ចាប់តាំងពីយប់ថ្ងៃទី២៤ កក្កដា មក ដែលនោះកំណត់ពីការផ្អាកការប្រទូស្តរ៉ាយគ្នា ក្រោយ២សប្ដាហ៍នៃការវាយប្រហារខ្លាំងក្លារបស់អាមេរិកលើអ៉ីរ៉ង់ និងការតបតវិញរបស់ប្រទេសនេះ តាមរយៈការវាយប្រហារលើបណ្ដាប្រទេសជិតខាងក្នុងឈូងសមុទ្រពែរ្ស៍ រហូតដល់ប្រទេសហ្ស៊កដានីនៅជាប់អ៉ីស្រាអែល។
ចំណែកខាងអ៉ីរ៉ង់ក៏មិនបានវាយប្រហារលើបណ្ដាប្រទេសណាមួយក្នុងឈូងសមុទ្រពែរ្ស៍ដែរ ។ ពេលសង្គ្រាមឈានចូលដល់អស់ពេល៥ខែហើយ បណ្ដាសារព័ត៌មានអាមេរិកលើកឡើងពីការផ្អាកវាយប្រហាររបស់អាមេរិកថា អាចមកពីការជិតអស់គ្រាប់ក្នុងស្តុក ក្រោយប្រើច្រើនខ្លាំងពេកវាយអ៉ីរ៉ង់។ សម្រាប់ក្រុងតេហេរ៉ង់យល់ថា សហរដ្ឋអាមេរិកកំពុងតែធ្លាក់ក្នុងសភាពការណ៍លំបាកនិងអស្ថេរភាព រួចប្រហែលជាកំពុងស្វែងរកយុទ្ធសាស្ត្រថ្មី ។
លោកត្រាំអះអាងកាលពីថ្ងៃទី២៧កក្កដាថា ការពិភាក្សាជាមួយអ៉ីរ៉ង់អាចផ្ដល់វាសនាល្អ ឈានដល់សម្រេចលទ្ធផលនានា ក៏ទោះបីបណ្ដាមេដឹកនាំអ៉ីរ៉ង់មុននេះបានបដិសេធពីការមានការចរចាគ្នាជាមួយអាមេរិកក្ដី។ លោកត្រាំបន្តថាបើការចរចាមិនបានផល នោះនឹងជាការវិលត្រឡប់ទៅរកការវាយប្រហារអ៉ីរ៉ង់បន្តទៀត៕
ចែករំលែកព័តមាននេះ