រាជធានីភ្នំពេញ ៖ បន្ទប់ផ្ទះល្វែងនៅជាន់ទី២ នៅតាមបណ្តោយផ្លូវលេខ៣៧១ ត្រូវបានអគ្គិភ័យឆាបឆេះ បណ្តាលសម្ភារៈមួយចំនួន រងការខូចខាតទាំងស្រុង ។ ហេតុការណ៍នេះ បង្កអោយមានការភ្ញាក់ផ្អើលនៅវេលាម៉ោង០៣និង៣០នាទីរសៀលថ្ងៃទី០២…
រាជធានីភ្នំពេញ ៖ បន្ទប់ផ្ទះល្វែងនៅជាន់ទី២ នៅតាមបណ្តោយផ្លូវលេខ៣៧១ ត្រូវបានអគ្គិភ័យឆាបឆេះ បណ្តាលសម្ភារៈមួយចំនួន រងការខូចខាតទាំងស្រុង ។
ហេតុការណ៍នេះ បង្កអោយមានការភ្ញាក់ផ្អើលនៅវេលាម៉ោង០៣និង៣០នាទីរសៀលថ្ងៃទី០២ ខែឧសភា ឆ្នាំ២០២៤ នៅចំណុច ផ្ទះលេខ ៣៨៨A ផ្លូវ៣៧១ ភូមិអូរបែកក្អម សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
ផ្ទះដែលត្រូវភ្លើងឆេះមានម្ចាស់ឈ្មោះ ឈួរ អៀង ភេទប្រុស អាយុ៥២ឆ្នាំ ។
តាមសាក្សី បានអោយដឹងថា នៅមុនពេលកើតហេតុ គេឃើញភ្លើងបានឆាបឆេះចេញពីជាន់ទី២ (ជាន់លើ) នៃផ្ទះល្វែង ភ្លាមៗ បង្កអោយមានការភ្ញាក់ផ្អើលដល់អាជ្ញាធរ និងសមត្ថកិច្ច បានទាក់ទង់រថយន្តពន្លត់អគ្គិភ័យ ចំនួន៧គ្រឿង ទៅអន្តរាគមន៍បាញ់ពន្លត់ ហើយភ្លើងបានរលត់ទៅវិញ នៅវេលាម៉ោង៤និង១៥នាទីរសៀលថ្ងៃដដែល ។
តាមនគរបាលការិយាល័យ បង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានអោយដឹងថា សម្ភារៈមួយ ចំនួន នៅក្នុងបន្ទប់គេង និងសម្ភារៈប្រើប្រាស់មួយចំនួន នៅជាន់ទី២ បានរងការខូចខាតទាំងស្រុង តែពុំបណ្តាលអោយឆេះរាល់ដាល់ទៅផ្ទះអ្នកជិតខាងឡើយ ។
ទាក់ទិនការកើតមានអគ្គិភ័យខាងលើនេះ នគរបាល បានអោយដឹងថា បណ្តាលមកពីឆ្លងចរន្តអគ្គិសនី ហើយឆេះរាលដាលទៅសម្ភារៈក្លាយជាអគ្គិភ័យតែម្តង ៕
ចែករំលែកព័តមាននេះ