ADផ្ទាំងផ្សព្វផ្សាយពាណិជ្ជកម្ម

Picture

គ.ប់កញ្ចក់ប៉ុស្តិ៍យាម​​បែក​ហើយដើរចេញធ្វើមិន​ដឹង​ គាត់ថា​​«ដោយសារ​ស្រវឹង»​

1 ខែ មុន
  • បន្ទាយមានជ័យ

​ខេត្តបន្ទាយមានជ័យ ៖ ពាក្យចាស់​លោក​ពោលថា រ​ពិស​ដៃ​ផ្ទៃ​ឆ្អែត ប៉ុន្តែ​បុរស​ម្នាក់​នេះរ​ពិស​ដៃ​ខុស​ក្បួន​ក៏ត្រូវ​ចូល​គុកទៅវិញ ។ ​កាលពី​​វេលា​ម៉ោង​១០ ​និង​០៥​នាទី​ព្រឹក​ថ្ងៃ​ទី​១៥ ​ខែឧសភា ឆ្នាំ​២០២៤…

​ខេត្តបន្ទាយមានជ័យ ៖ ពាក្យចាស់​លោក​ពោលថា រ​ពិស​ដៃ​ផ្ទៃ​ឆ្អែត ប៉ុន្តែ​បុរស​ម្នាក់​នេះរ​ពិស​ដៃ​ខុស​ក្បួន​ក៏ត្រូវ​ចូល​គុកទៅវិញ ។ ​កាលពី​​វេលា​ម៉ោង​១០ ​និង​០៥​នាទី​ព្រឹក​ថ្ងៃ​ទី​១៥ ​ខែឧសភា ឆ្នាំ​២០២៤ មាន​ករណី​គប់​កញ្ចក់​ប៉ុស្តិ៍​យាម​របស់​នគរបាល​បណ្តាល​ឲ្យ​បែក ស្ថិត​​នៅ​ចំណុច​កែង​មន្ទីរពេទ្យ​បង្អែក​ក្រុង​សិរី​សោភ័ណ ស្ថិត​ក្នុងភូមិ​៣ សង្កាត់​ព្រះ​ពន្លា ក្រុង​សិរី​សោភ័ណ ខេត្តបន្ទាយ​មាន​ជ័យ ។ ជន​ដែល​ប្រ​ព្រឹ​ត្តធ្វើ​សកម្មភាព​រួច​បាន​គេចខ្លួន​ តែ​នៅ​ទីបំផុត​ នៅ​តែ​ជាប់អន្ទាក់​សមត្ថកិច្ច ។

នគរបាល​បាន​ឲ្យ​ដឹង​ថា​​​ ក្រោយ​ពី​កើត​មាន​ករណី​គប់​កញ្ចក់​ប៉ុស្តិ៍​យាម​ប្រចាំការ​ពេល​យប់​របស់​កម្លាំង​នគរបាល​នៅ​ចំណុច​កែង​មន្ទីរពេទ្យ​បង្អែក​ក្រុង​សិរី​សោភ័ណ ។ លោក​ឧត្តមសេនីយ៍​សេនីយ៍​ទោ​ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ​បាន​ដាក់​បញ្ជា​ឲ្យ​កម្លាំង​នគរបាល​ជំនាញ ចុះ​ស្រាវជ្រាវ​សាកសួរ​ជុំវិញ​ព័ត៌មាន​នេះ ​និង​សាក្សី​នៅ​ម្តុំ​កន្លែង​កើតហេតុ​និង​ថតរូប​ជន​ប្រព្រឹត្ត​បាន ​ហើយ​បង្ហាញ​ដល់​សម​ត្ថិ​ច្ច ដោយ​គាត់​និយាយ​ប្រាប់​ថា សមត្ថកិច្ច​ថា​មាន​មនុស្ស​ប្រុស​០១​នាក់ អាយុ​ប្រហែល​២៥​ឆ្នាំ បាន​យក​ដុំ​ថ្ម​គប់​កញ្ចក់​ទីស្នាក់ការ​របស់​នគរបាល​ផ្នែក​ខាងឆ្វេង​ ហើយ​ក៏​បាន​ដើរ​ចេញ​ទៅ​ផ្លូវ​សៀម​រាប ​ហៅ​ម៉ូតូឌុប​ជិះ​ទៅ​ខាង​ផ្លូវ​សៀមរាប ។

​បន្ទាប់​មក ​កម្លាំង​ជំនាញ​បាន​ទៅ​ផ្លូវ​សៀមរាប បាន​អោយ​រូបថត​អ្នក​ដែល​គប់​កញ្ចក់​ទីស្នាក់ការ​ទៅ​ឲ្យ​អ្នក​រត់​ផាស​អាប់ ​នៅ​ផ្លូវ​ទៅ​សៀមរាប​មើល គាត់​បាន​និយាយ​ថា ​បុរស​០​ម្នាក់​នេះ​ បាន​កាក់​ឡាន​តាក់ស៊ី ម៉ាក​toyota Hiace ១៥​កៅអី រួច​ឡើង​ជិះ​ទៅ​ខេត្ត​សៀ​ប​​រាម​ហើយ ។

នគរបាល​បាន​បញ្ជាក់​ថា​ ដោយ​មានការ​សម្របសម្រួល​ពី​ឯកឧត្តម កើត វ​ណ្ណា​រ៉េ​ត ព្រះរាជអាជ្ញា​អម​សាលាដំបូង​ខេត្តបន្ទាយមានជ័យ នៅ​ថ្ងៃ​ទី​១៦ ខែឧសភា ឆ្នាំ​២០២៤ ជំនាញ​បាន​សហការ​ជាមួយ​កម្លាំង​នគរបាល​ជំនាញ​ខេត្តសៀមរាប ឈាន​ដល់​ការ​ឃាត់ខ្លួន​មុខសញ្ញា​ឈ្មោះ អ៊ូ ប៊ុ​ន​ថង ភេទ​ប្រុស អាយុ ៣៩​ឆ្នាំ  រួច​បាន​នាំ​ខ្លួន​ស្នងការដ្ឋាន​នគរបាល​ខេត្តបន្ទាយមានជ័យ​ដើម្បី​សាកសួរ ។

នៅ​ចំពោះ​មុខ​សមត្ថកិច្ច​បាន​សារភាព​ថា​គេ​ពិតជា​បាន​ធើ្វ​សកម្មភាព​យក​ដំ​ថ្ម​គប់​កញ្ចក់​ប៉ុស្តិ៍​យាម អោយ​បែក​មែន ដោយ​សារ​តែ​រូបគេ​ស្រវឹងស្រា ។ បច្ចុប្បន្ន​ ជនសង្ស័យ​ត្រូវ​បាន​រៀបចំ​សំណុំរឿង​បញ្ជូន​ទៅ​សាលាដំបូង​ខេត្ត ចាត់ការ​តាម​និ​តិ​វិធី​ច្បាប់ ៕

អត្ថបទសរសេរ ដោយ

កែសម្រួលដោយ