តម្លៃទុរេនកំពុងបង្ហាញសញ្ញាធ្លាក់ចុះនៅវៀតណាម ដែលជាប្រភពនាំចេញដ៏ចម្បងនៅក្នុងតំបន់ ខណៈដែលទុរេននៅក្នុងប្រទេសមិនទាន់ប្រមូលផលនៅឡើយ ហើយកន្លែងខ្លះទើបចាប់ផ្តើមក្តិប ។ សារព័ត៌មាន VN Express បានរាយកាណ៍ថា តម្លៃផ្លែទុរេនបានធ្លាក់ចុះ៤០ភាគរយ…
តម្លៃទុរេនកំពុងបង្ហាញសញ្ញាធ្លាក់ចុះនៅវៀតណាម ដែលជាប្រភពនាំចេញដ៏ចម្បងនៅក្នុងតំបន់ ខណៈដែលទុរេននៅក្នុងប្រទេសមិនទាន់ប្រមូលផលនៅឡើយ ហើយកន្លែងខ្លះទើបចាប់ផ្តើម
ក្តិប ។
សារព័ត៌មាន VN Express បានរាយកាណ៍ថា តម្លៃផ្លែទុរេនបានធ្លាក់ចុះ៤០ភាគរយ បន្ទាប់ពីថៃ ដែលជាដៃគូប្រកួតប្រជែងដ៏ធំបំផុតរបស់វៀតណាមនៅក្នុងទីផ្សារចិន បានចាប់ផ្តើមប្រមូលផល ហើយបង្កើនការនាំចេញ ។
ចាប់ពីខែកុម្ភៈមក កសិករវៀតណាមអាចលក់ទុរេនចេញបានត្រឹមរង្វង់៣,៦១ដុល្លារនៅក្នុងមួយគីឡូក្រាម ធ្លាក់ចុះពី៣៥ទៅ៤០ភាគរយ ។
នៅពេលដែលទុរេនថៃ និងវៀតណាមកំពុងតែនាំចេញ អ្នកដាំទុរេនម្នាក់នៅខេត្តរតនៈគីរីបានឲ្យដឹងថា ទុរេននៅក្នុងស្រុកមិនទាន់ប្រមូលផលទេ ។
លោកបានបន្តថា ទុរេនដែលមានលក់ខ្លះ អាចជាទុរេនខុសរដូវ ខណៈដែលទុរេននៅចម្ការរបស់លោកទើបតែក្តិប ប៉ុន្តែទោះជាយ៉ាងណា លោកមិនបារម្ភរឿងធ្លាក់ថ្លៃអីទេ ដោយសារតែទុរេនដែលមាន គឺមានទីផ្សារជានិច្ច ហើយតម្លៃមិនក្រោម១៥.០០០រៀលដែរ នៅក្នុង១គីឡូក្រាម ទោះជាពេលទុរេនជន់យ៉ាងណាក៏ដោយ ។
លោកបានបន្តថា ទុរេនខ្មែអាចប្រមូលផលច្រើន ចាប់ពីខែឧសភា រហូតដល់ខែសីហា ។
ចែករំលែកព័តមាននេះ