ជនម្នាក់ធ្វើគុ.តព្រះសង្ឃមួយក្នុងវត្ត លុះចាប់បាន សារភាពប្រាប់មូលហេតុ
- ព្រះសីហនុ
ខេត្តព្រះសីហនុ ៖ ព្រះសង្ឃមួយអង្គ ត្រូវបានជនសង្ស័យម្នាក់កាប់សម្លាប់ រួចដឹកសពយកទៅដុតនៅក្រោយសាលាវិទ្យុវត្ត បង្កការភ្ញាក់ផ្អើលកើតឡើង នៅព្រឹកព្រលឹមថ្ងៃទី២១ ខែតុលា ឆ្នាំ២០២៦ នៅវត្តថ្មដាក្រោម ស្ថិតក្នុងភូមិសំរុង ឃុំសំរុង ស្រុកព្រៃនប់ ខេត្តព្រះសីហនុ ។
តាមសមត្ថកិច្ចប្រាប់ឲ្យដឹងថា ឃាតករជាជនដៃដល់ ត្រូវបានសមត្ថកិច្ច ចាប់ឃាត់ខ្លួនបានភ្លាមៗ ក្រោយពេលកើតហេតុ ដោយ ជនបង្កមិនបានរត់គេចខ្លួនពីក្នុងវត្តនោះទេ ។
តាមប្រភពព័ត៌មានបានឱ្យដឹងថា នៅថ្ងៃទី២១ តុលា ឆ្នាំ២០២៦ វេលាម៉ោង៣និង២០នាទីទៀបភ្លឺ ត្រង់ចំណុចវត្តពុទ្ធគីរីថ្មដា(ហៅថ្មដាក្រោម) មានករណីមនុស្សឃាតដោយចេតនាគិតទុកជាមុន (ដោយប្រើដំបងវាយនិងកាំបិតអារក និងកាប់សម្លាប់រួចដឹកសពទៅក្រោយសាលាវិទ្យុវត្តដុតសាកសពចោល) មួយកើតឡើង បង្កដោយជនសង្ស័យម្នាក់ ឈ្មោះ ហឿម សុភា ភេទប្រុស អាយុ២៦ឆ្នាំ មុខរបរធ្វើសំណង ស្នាក់នៅចំណុចកើតហេតុខាងលើ បានធ្វើសកម្មភាពប្រើដំបងវាយនិងយកកាំបិតកាប់សម្លាប់ទៅលើជនរងគ្រោះជាព្រះសង្ឃ ព្រះនាម សយ សំអៀន អាយុ ២២ឆ្នាំ ជាព្រះសង្ឃគង់នៅវត្ថសំរិទ្ធគិរីថ្មដា(ហៅថ្មដាក្រោម) រួចយករទេះដឹកសពយកទៅក្រោយសាលាវិទ្យុវត្ត ហើយយកសាំង១ប៊ីដុងចំណុះ ៣០លីត្ររួចដុតសាកសពចោលតែម្ដង។
ក្រោយពីបានទទួលព័ត៌មានខាងលើភ្លាម កម្លាំងជំនាញអធិការដ្ឋាននគរបាលស្រុកព្រៃនប់ បានសហការជា មួយកម្លាំងប៉ុស្តិ៍នគរបាលសំរុង បានចុះមកដល់ទីកន្លែងកើតហេតុ រួចក៏ធ្វើការស្រាវជ្រាវហើយឃាត់ខ្លួនជនសង្ស័យខាងលើបានតែម្តង។
បន្ទាប់ពីសាកសួរចម្លើយ ជនសង្ស័យបានសារភាពថា ខ្លួនពិតជាបានធ្វើ សកម្មភាពប្រើដំបងនិងកាំបិតកាប់ទៅលើជនរង គ្រោះបណ្តាលឱ្យស្លាប់ រួចយករទេះដឹកសពយកទៅក្រោយសាលាវិទ្យុវត្ត ហើយយកសាំង១ប៊ីដុងចំណុះ ៣០ លីត្រដុតសាកសពចោលពិតប្រាកដមែន។ មូលហេតុដោយសារជនសង្ស័យមានគំនុំជាមួយជនរងគ្រោះ។
បច្ចុប្បន្នជនសង្ស័យរួមទាំងវត្ថុតាងកំពុងយកមកអធិការនគរបាលស្រុកព្រៃនប់ ដើម្បីកសាងសំណុំរឿងតាមនិតិវិធីច្បាប់ ៕
ចែករំលែកព័តមាននេះ