ខេត្ដកំពត ៖ ប្រាក់អំណោយសប្បុរសជនតាមរយៈកោះសន្ដិភាពត្រូវបានភ្នាក់ងារយើងយកទៅ ប្រគល់ជូនបុរសពិការជើងម្ខាង ដែលមានមុខរបរធ្វើត្នោតឈ្មោះគាត បុណ អាយុ៣៨ឆ្នាំ និងប្រពន្ធឈ្មោះហ៊ុល នុច នៅភូមិព្រៃតាព្រឹក ឃុំស្ដេចគង់ខាងលិច ស្រុក បន្ទាយមាស ខេត្ដកំពត។ ការប្រគល់អំណោយដល់បុរសស្វិតជើងម្ខាង កាលពីរសៀលថ្ងៃទី ២៧ កុម្ភៈ កន្លងមកនេះ ក៏មានលោកអេង អ៊ីវ មេឃុំស្ដេចគង់ ចូលរួមផងដែរ ។
ខេត្ដកំពត ៖ ប្រាក់អំណោយសប្បុរសជនតាមរយៈកោះសន្ដិភាពត្រូវបានភ្នាក់ងារយើងយកទៅប្រគល់ជូនបុរសពិការជើងម្ខាង ដែលមានមុខរបរធ្វើត្នោតឈ្មោះគាត បុណ អាយុ៣៨ឆ្នាំ និងប្រពន្ធឈ្មោះហ៊ុល នុច នៅភូមិព្រៃតាព្រឹក ឃុំស្ដេចគង់ខាងលិច ស្រុក បន្ទាយមាស ខេត្ដកំពត។ ការប្រគល់អំណោយដល់បុរសស្វិតជើងម្ខាង កាលពីរសៀលថ្ងៃទី ២៧ កុម្ភៈ កន្លងមកនេះ ក៏មានលោកអេង អ៊ីវ មេឃុំស្ដេចគង់ ចូលរួមផងដែរ ។
លោកមេឃុំបានឱ្យដឹងថា គ្រួសារនេះពិតជាមានជីវភាពលំបាកលំបិនមែន ដោយហតុថា ប្រពន្ធក៏ពិការជើងម្ខាងដោយសារគ្រោះថ្នាក់ចរាចរណ៍ ឯប្ដីក៏ស្វិតជើងម្ខាងទៀតដែរ ហើយបានតស៊ូមិនសុំទានគេឡើយ ដោយប្រឹងឡើងត្នោតធ្វើស្ករលក់គ្រាន់ដោះស្រាយជីវភាព។ លោកមេឃុំក៏បានថ្លែងអំណរគុណចំពោះសប្បុរសជនដែលបានផ្ដល់ថវិកា ជូនដល់គ្រួសារពិការជើងទាំង២នាក់ប្ដីប្រពន្ធ។ លោកមេឃុំបានឱ្យដឹងបន្ដថា កាលពីសបា្ដហ៍មុននេះ គ្រួសារពិការជើងដែលមានប្ដីឈ្មោះគាត បុណ បានទៅទទួលអំណោយពីលោកបណ្ឌិត ប៉ែន ស៊ីម៉ន អគ្គនាយកទីចាត់ការគយ និងរដ្ឋាករនៅឯភូមិគ្រឹះរបស់លោក ក្នុងស្រុកអង្គរជ័យ ដោយទទួលបានប្រាក់ចំនួន១លានរៀល និងសម្ភារមួយចំនួន បន្ទាប់ពីលោកបានឃើញតាមការផ្សាយរបស់កោះសន្ដិភាព រឿងបុរសឡើងត្នោត ហើយមន្ដ្រីខាងក្រសួងកសិកម្មកំពុងគិតគូរឱ្យបុរសពិការជើងផ្លាស់ប្ដូរមុខរបរថ្មីផងដែរ ។
ប្រាក់អំណោយដែលកោះសន្ដិភាពយកទៅប្រគល់ឱ្យបុរសពិការជើងឡើងត្នោតនេះ គឺបានទទួលពី
១-លោកស្រី ម៉ែន នារីសុខា អនុព័ន្ធស្ថានទូតកម្ពុជាប្រចាំសហរដ្ឋអាមេរិក បានឧបត្ថម្ភ៣០ដុល្លារ,
២-លោកសេង គី ផ្ទះលក់ជ្រូកខ្វៃ នៅផ្សារច្បារអំពៅ ផ្ទះលេខ ៤០Eo ផ្លូវជាតិលេខ១ សង្កាត់ច្បារអំពៅ២ ខណ្ឌមានជ័យ រាជធានីភ្នំពេញ ឧបត្ថម្ភ៥ម៉ឺនរៀល
៣-អំណោយទទួលបានពីលោក ណុប ច័នតារា សហការីកោះសន្ដិភាពនៅ ក្រុងឡងប៊ិច រដ្ឋកាលីហ្វ័រនីញ៉ា ៥០ដុល្លារ ដែលជាប្រាក់អំណោយទទួលពី :
១-Brandon Chau ១៥ដុល្លារ
២-Kayla ១០ដុល្លារ
៣-Bernie ៥ដុល្លារ
៤-Moui ៥ដុល្លារ
៥- Maria ៥ដុល្លារ
៦-Robin ៥ដុល្លារ
៧-Veasna ៥ដុល្លារ
សរុប៥០ដុល្លារ
ចែករំលែកព័តមាននេះ