ខេត្តកណ្តាល ៖ ស្ត្រីជាប្រពន្ធត្រូវប្តីវាយបែកក្បាលហូរឈាមស្រោចខ្លួនដេកស្តូក កាលពីម៉ោង៧និង១៥នាទីយប់ថ្ងៃទី១៩ មីនា នៅភូមិសំប៉ានក្រោម ឃុំព្រែកអំបិល ស្រុកស្អាង ដោយសារតែប្ដីខឹងព្រោះហាមមិនឱ្យផឹកស្ រាមិនស្ដាប់តាមសោះ ។ ក្រោយពីវាយប្រពន្ធឱ្យរបួសធ្ងន់ហើយ ប្ដីបានដាក់មេប្រូចបាត់ ។ ជនរងគ្រោះត្រូវបានគេបញ្ជូនទៅសង្គ្រោះនៅពេទ្យកាល់ម៉ែត ។ មន្ត្រីនគរបាលស្រុកស្អាងបានឱ្យដឹងថា ជនរងគ្រោះជាប្រពន្ធឈ្មោះ បឹង គួយ អាយុ៤៤ឆ្នាំជាកសិករ មានទីលំនៅភូមិសំប៉ានក្រោម ឃំុព្រែកអំបិល ស្រុកស្អាង ។ ចំណែកលោកប្ដីឈ្មោះ សួន តុងម៉េង អាយុ៤៤ឆ្នាំជាកសិករ អ្នកទាំងពីរមានកូនចំនួនបីនាក់ ។
តាមនគរបាលប៉ុស្តិ៍និយាយថា កន្លងទៅជនរងគ្រោះតែងតែផឹកស្រាជាប្រចាំក្លាយជាស្ត្រីប្រមឹកទៅហើយ ចំណែកប្ដីតែងតែប្រាប់ឱ្យឈប់ផឹកស្រា តែជនរងគ្រោះមិនស្ដាប់តាមទេ។ នៅថ្ងៃទី១៩ មីនា វេលាម៉ោង៧និង១៥នាទី អ្នកទាំងពីក៏មានទំនាស់ពាក្យសំដីគ្នា ពេលនោះឈ្មោះប្តីខឹងប្រពន្ធនិយាយមិនស្តាប់ថា ឈប់ឱ្យផឹកស្រា ប៉ុន្តែស្ត្រីជាប្រពន្ធនៅតែមិនស្តាប់ក៏យកដំបងវាយទៅលេីប្រពន្ធត្រូវចង្កានិងក្បាល បែកឈាមសន្លប់ស្ដូកស្ដឹងរងរបួសជាទម្ងន់ ហើយប្តីនោះក៏បានរត់គេចខ្លួនបាត់ស្រមោល ។
ក្រោយពេលកើតហេតុ ភ្លាមកម្លាំងប៉ុស្តិ៍រដ្ឋបាលព្រែកអំបិលចុះទៅដល់កន្លែងកេីតហេតុ និងជួយអន្តរាគមន៍បញ្ជូនស្ត្រីរងគ្រោះទៅមន្ទីរពេទ្យស្រុកកោះធំ។ លុះព្រឹកឡើងក៏បញ្ជូនបន្តទៅព្យាបាលនៅមន្ទីរពេទ្យកាល់ម៉ែត ៕
ចែករំលែកព័តមាននេះ