ខេត្តស្ទឹងត្រែង ៖ ឈើអារដោយរណាយន្ត ប្រភេទលេខ២ប្រមាណជា៣០ម៉ែត្រគូបត្រូវបាន រឹបអូសដោយកម្លាំងសមត្ថកិច្ចកាលពីរសៀលថ្ងៃទី១៧ ខែមីនា ឆ្នាំ២០១៨នេះ ស្ថិតនៅភូមិស្រឡៅ ឃុំអន្លុងជ្រៃ ស្រុកថាឡាបរិវ៉ាត់។…
ខេត្តស្ទឹងត្រែង ៖ ឈើអារដោយរណាយន្ត ប្រភេទលេខ២ប្រមាណជា៣០ម៉ែត្រគូបត្រូវបាន រឹបអូសដោយកម្លាំងសមត្ថកិច្ចកាលពីរសៀលថ្ងៃទី១៧ ខែមីនា ឆ្នាំ២០១៨នេះ ស្ថិតនៅភូមិស្រឡៅ ឃុំអន្លុងជ្រៃ ស្រុកថាឡាបរិវ៉ាត់។ យោងតាមការឲ្យដឹងពីមន្ត្រីនគរបាល ប្រឆាំងបទល្មើសសេដ្ឋកិច្ចខេត្តថា ប្រជាពលរដ្ឋបានរាយការណ៍ថាគំនរឈើអាររាប់រយកន្ទុយ ត្រូវស្តុកនៅទីតាំងចម្ការស្វាយចន្ទីមួយកន្លែង ស្ថិតនៅភូមិស្រឡៅ។ ប្រភពដដែលបន្តថា ពេលទទួលបានព័ត៌មានខាងលើកម្លាំងសមត្ថកិច្ច បានចុះពិនិត្យដល់ទីតាំងទើបរាយការណ៍ជូនថ្នាក់ដឹកនាំចុះធ្វើការរឹបអូសតែម្តង។
ស្ថិតក្នុងការបង្ក្រាបរឹបអូសឈើអារខាងលើ ដំបូងឡើយមានវត្តមាននាយនាយរងការិយាល័យ និងមន្ត្រីនគរបាលប្រឆាំងបទល្មើសសេដ្ឋកិច្ចស្នងការដ្ឋាននគរបាលខេត្តស្ទឹងត្រែង ប្រមាណជា៦នាក់ បន្ទាប់មកកម្លាំងជំនាញរដ្ឋបាលព្រៃឈើ នាយនាយរងផ្នែកសង្កាត់ និងមន្ត្រីខណ្ឌរដ្ឋបាលព្រៃឈើ។ លុះ បន្ទាប់មកកម្លាំងនគរបាលប៉ុស្តិ៍រដ្ឋបាលឃុំអន្លុងជ្រៃចំនួន២នាក់បន្ថែមទៀតដើម្បីជ្រំ ជ្រែងអន្តរគមន៍ ក្នុងការបង្ក្រាបរឹបអូសនោះដែរ។ ជាក់ស្តែងក្រោយការពិនិត្យលើវត្ថុតាងបទ ល្មើសជំនាញបានសម្រេច ធ្វើការរឹបអូសដោយ ប្រើប្រាស់រថយន្តក្នុងការដឹកជញ្ជូនទៅរក្សាទុកជាសម្បត្តិរដ្ឋ ដែលជាការប៉ាន់ស្មាន ដំបូងអាចក្នុងកម្រិតប្រមាណជា៣០ម៉ែត្រគូប។
ប្រភពព័ត៌មានឲ្យដឹងថា ឈើអារទាំង នោះត្រូវគេប្រើប្រាស់រណាយន្ត រួចដឹកជញ្ជូន ពីតំបន់មួយចំនួនស្ថិតនៅតំបន់ភូមិសាស្ត្រស្រុកថាឡាបរិវ៉ាត់ មកស្តុកក្នុងគោលដៅខាងលើរង់ចាំមធ្យោបាយដើម្បីដឹកជញ្ជូនទៅខេត្តព្រៃវែង និងស្វាយរៀង។ បើតាមការបញ្ជាក់ពីជំនាញរដ្ឋបាលព្រៃឈើ និងកម្លាំងនគរបាលប្រឆាំងបទល្មើសសេដ្ឋកិច្ចថា មកទល់ម៉ោងប្រមាណជាង៧យប់ទៅ ហើយកម្លាំងកម្មករមិនទាន់ប្រមូលអស់នៅឡើយទេ តែយ៉ាងណាកម្លាំងសមត្ថកិច្ចបន្តយាមកាមរហូតទល់ព្រឹកប្រសិនជាមិនអស់៕
https://youtu.be/of5ZbjQfQxA
ចែករំលែកព័តមាននេះ