ជួបជាមួយលោកវេជ្ជបណ្ឌិត ងី ម៉េង ប្រធានកម្មវិធីជាតិសុខភាពភ្នែក បានមានប្រសាសន៍ប្រាប់កោះសន្តិភាពឱ្យដឹងថា ជំងឺទឹកនោមផ្អែម គឺជាជំងឺម្យ៉ាងដែលកើតមកពីបំលាស់ប្តូរមិនប្រក្រតីក្នុងការដុត និងសន្សំសារជាតិស្ករនៅក្នុងរាង្គកាយ ជាហេតុធ្វើឱ្យកម្រិតជាតិស្ករក្នុងឈាមកើនឡើងខ្ពស់អាចធ្វើឱ្យស្រវាំងភ្នែក ព្រោះតែកម្លាំងនៃក្រសែភ្នែកផ្លាស់ប្តូរទៅតាមកម្រិតជាតិស្ករមិនទៀងទាត់នោះ ។
ជួបជាមួយលោកវេជ្ជបណ្ឌិត ងី ម៉េង ប្រធានកម្មវិធីជាតិសុខភាពភ្នែក បានមានប្រសាសន៍ប្រាប់កោះសន្តិភាពឱ្យដឹងថា ជំងឺទឹកនោមផ្អែម គឺជាជំងឺម្យ៉ាងដែលកើតមកពីបំលាស់ប្តូរមិនប្រក្រតីក្នុងការដុត និងសន្សំសារជាតិស្ករនៅក្នុងរាង្គកាយ ជាហេតុធ្វើឱ្យកម្រិតជាតិស្ករក្នុងឈាមកើនឡើងខ្ពស់អាចធ្វើឱ្យស្រវាំងភ្នែក ព្រោះតែកម្លាំងនៃក្រសែភ្នែកផ្លាស់ប្តូរទៅតាមកម្រិតជាតិស្ករមិនទៀងទាត់នោះ ។ ក្នុងរយៈពេលវែងក្នុងសរសៃឈាមតូច និងមានការផ្លាស់ប្តូរពេញរាងកាយដែលធ្វើឱ្យមានផលប៉ះពាល់ដល់ភ្នែកអ្នកជំងឺហើយអ្វីដែលសំខាន់នោះគឺធ្វើឱ្យរេទីនកាន់តែទ្រុឌទ្រោម និងអាចបណ្តាលឱ្យកើតជំងឺទឹកដក់ក្នុងភ្នែក ហើយទីបំផុតអ្នកជំងឺអាចពិការភ្នែកបាន ។ ក្រៅពីនេះអ្នកជំងឺទឹកនោមផ្អែមអាចទទួលរងនូវការកើតជំងឺរលាកបាតភ្នែកបានលឿនដោយសារតែជាតិស្ករក្នុងឈាមមានកម្រិតខ្ពស់។
មូលហេតុដែលបណ្តាលឱ្យកើតមានជំងឺរលាកបាតភ្នែករបស់អ្នកជំងឺទឹកនោមផ្អែមគឺបាតភ្នែករបស់អ្នកជំងឺទឹកនោមផ្អែមមានអាការទន់ខ្សោយមកពីការផ្លាស់ប្តូរសរសៃឈាមតូចៗដែលបញ្ជាឈាមឱ្យទៅចិញ្ចឹមសរសៃរេទិន (បាតភ្នែក) មានទំហំផ្លាស់ប្តូរ ដោយនៅត្រង់កន្លែងខ្លះធំជាងធម្មតាឆ្លាស់គ្នា និងសរសៃឈាមតូចៗ ។ ក្នុងករណីធ្ងន់ធ្ងរ និងមានសរសៃឈាមថ្មីកើតឡើងដុះចេញជាមែកធាងហើយចាក់ចូលទៅក្នុងបាតភ្នែក ។ សរសៃឈាមថ្មីទាំងនោះមានលក្ខណៈស្តើងខុសពីធម្មតាហើយនៅពេលដែលវាបែកឈាម និងហូរចូលក្នុងបាតភ្នែក ហើយធ្វើឱ្យភ្នែកស្រវាំងមួយរំពេច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ