Zidane ថា Ronaldo ជាកីឡាករមកពីភពផ្កាយខុសពីកីឡាករផ្សេង
តាមប្រភពព័ត៌មាន ESPN បានឲ្យដឹងថា អ្នកចាត់ការក្លិបអធិរាជសលោក Zinedine Zidane បានសរសើរ Cristiano Ronaldo ថាជាកីឡាករមកពីភពផ្កាយក្រោយពេលយកឈ្នះក្លិបអេស្ប៉ាញ…
តាមប្រភពព័ត៌មាន ESPN បានឲ្យដឹងថា អ្នកចាត់ការក្លិបអធិរាជសលោក Zinedine Zidane បានសរសើរ Cristiano Ronaldo ថាជាកីឡាករមកពីភពផ្កាយក្រោយពេលយកឈ្នះក្លិបអេស្ប៉ាញ Eibar ។
នៅក្នុងប្រកួតដ៏សកម្មនេះ Real Madrid ហាក់បីដូចជាមិនអាចយកឈ្នះ Eibar ដែលជាក្លិបខ្លាំងដោយបកចេកបានទេ ។ នេះកុំតែបានការជួយស៊ុតបញ្ចូលទីរបស់ Ronaldo ទើបធ្វើឲ្យលទ្ធផលចុងក្រោយគឺ 2-1 ។
នៅក្នុងការសម្ភាសន៍ពេលចប់ប្រកួត អ្នកចាត់ការក្លិប Real Madrid លោក Zidane បានលើកឡើងថា «គូប្រកួតរបស់យើងនៅថ្ងៃនេះមានប្រៀបជាងយើង ។ នៅថ្ងៃនេះយើងមានបញ្ហាក្នុងការបញ្ជូនបាល់ទើបបាល់ចេះតែធ្លាក់លើជើងគេ ។ តែយើងនៅតែប្រយុទ្ធតស៊ូទាំងអស់គ្នា ។ Ronaldo គឺជាកីឡាករមកពីភពផ្កាយ ។ អ្វីដែលគេមានគឺពិតជាល្អណាស់ ។ គេដឹងថា គេនឹងរកគ្រាប់បាល់បានជូនក្រុម ។ គេគឺជាកីឡាករខុសពីអ្នកផ្សេង ។ នេះពិតជាពិសេសណាស់ ។ ចំនួនគ្រាប់បាល់ដែលគេស៊ុតចូលអាចបកស្រាយថាគេជាកីឡាករបែបណាហើយ» ។
គួរបញ្ជាក់ថា ក្រោយការធ្លាក់ជើងនៅដើមរដូវកាលនេះពេលនេះ Ronaldo ហាក់បីដូចជាឡើងជើងវិញបន្តិចហើយ ។ កីឡាករវ័យ៣៣ឆ្នាំរូបនេះបានស៊ុតបញ្ចូនទី១៥គ្រាប់ក្នុងការឡើងលេងលើតារាង១១ប្រកួត នៅចាប់តាំងពីថ្ងៃបើកឆាកឆ្នាំថ្មីមកដល់ពេលនេះ ៕
ចែករំលែកព័តមាននេះ