ខេត្តកណ្តាល ៖ បុរសម្នាក់បានធ្លាក់ក្នុងអណ្ដូងទឹកស្លាប់យ៉ាងអាណោចអធម្ម ត្រូវបានគេឃើញសពកាលពីម៉ោង៤និង១០នាទីរសៀល នៅថ្ងៃទី០៧ មីនា នៅចំណុចភូមិអំពៅព្រៃ១ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល…
ខេត្តកណ្តាល ៖ បុរសម្នាក់បានធ្លាក់ក្នុងអណ្ដូងទឹកស្លាប់យ៉ាងអាណោចអធម្ម ត្រូវបានគេឃើញសពកាលពីម៉ោង៤និង១០នាទីរសៀល នៅថ្ងៃទី០៧ មីនា នៅចំណុចភូមិអំពៅព្រៃ១ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល ។
នគរបាលបានឲ្យដឹងថា ជនរងគ្រោះឈ្មោះ សៀង គក ភេទប្រុស អាយុ៦៧ឆ្នាំ រស់នៅភូមិអំពៅព្រៃ១ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល មុខរបរកសិករ ជាមនុស្សមានសតិមិនគ្រប់ ។
ប្រភពបានបន្តទៀតថា តាមការបំភ្លឺរបស់ប្អូនស្រីឈ្មោះ សៀង ពៅ បានឲ្យដឹងថា នៅថ្ងៃទី០៧ ខែមិនា ម៉ោង៤រសៀលពេលនោះ មិនឃើញបងប្រុសជាជនរងគ្រោះទៅយកបាយហូបដូចសព្វដង ក៏បានមករកនៅផ្ទះគាត់ តែមិនឃើញ ហើយបានដើររក ។
លុះដល់វេលាម៉ោង៤និង១០នាទីក៏ប្រទះឃើញស្បែកជើង ជនរងគ្រោះមួយចំហៀងនៅក្បែរអណ្ដូង និងមួយជំហៀងទៀតនៅក្នុងអណ្ដូង បន្ទាប់មកក៏ឃើញបងប្រុសដែលជាជនរងគ្រោះបានស្លាប់នៅក្នុងអណ្ដូងបាត់ទៅហើយ រួចហើយបានរាយការណ៍មកនគរបាលបានបង្កើតគណៈកម្មការពិនិត្យរួមមាន កម្លាំងជំនាញ កម្លាំងប៉ុស្តិ៍ អាជ្ញាធរមូលរដ្ឋាន និងគ្រូពេទ្យចុះមកដល់កន្លែងកើតហេតុ ធ្វើការពិនិត្យទៅលើសពឃើញថា សពពុំមានស្លាកស្នាមអ្វីគួរឲ្យកត់សម្គាល់ឡើយ គឺស្លាប់ដោយសារលង់ទឹកអណ្តូង ។
ក្រោយពេលពិនិត្យ រួចបានប្រគល់សពឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ