អតីតអ្នកគ្រប់គ្រងក្លិបអ្នកមានបុណ្យ ៖ Neymar ទៅ PSG ដោយសារលុយ !
តាមប្រភពព័ត៌មាន Soccer Laduma បានឲ្យដឹងថា អតីតអ្នកគ្រប់គ្រងក្លិបអ្នកមានបុណ្យ លោក Joan Gaspart បានចេញមុនឆ្លើយថា Neymar…
តាមប្រភពព័ត៌មាន Soccer Laduma បានឲ្យដឹងថា អតីតអ្នកគ្រប់គ្រងក្លិបអ្នកមានបុណ្យ លោក Joan Gaspart បានចេញមុនឆ្លើយថា Neymar…
តាមប្រភពព័ត៌មាន Soccer Laduma បានឲ្យដឹងថា អតីតអ្នកគ្រប់គ្រងក្លិបអ្នកមានបុណ្យ លោក Joan Gaspart បានចេញមុនឆ្លើយថា Neymar ទៅ PSG ដោយសារតែអំណាចទឹកប្រាក់ ។
Neymar ត្រូវបានគេរិះគន់យ៉ាងសុះសាច់ ក្រោយពេលចាកចេញពីក្លិបអ្នកមានបុណ្យទៅកាន់ក្លិបអ្នកមានបារាំង កាលពីខែសីហា ឆ្នាំ២០១៧ ។ អ្នកខ្លះគិតថា Neymar ចាកចេញបែបនេះ គឺក្នុងគោលបំណងអាចទៅលេងក្លិបអធិរាជស Real Madrid បានក្រោយពីចេញពី PSG ។ តែសម្រាប់លោក Joan Gaspart ដែលជាអតីតអ្នកគ្រប់គ្រងក្លិបអ្នកមានបុណ្យវិញ ជឿថា Neymar ទៅលេងដោយសារលុយច្រើនជាង ដោយសារតែគម្រោងការក្នុងរយៈពេលវែង ។
លោកបានមានប្រសាសន៍ក្នុងកិច្ចសម្ភាសថា ៖ “អត្រានៃការចាកចេញរបស់ Neymar ទៅលេងឲ្យក្លិបអធិរាជ គឺតិចណាស់ បើធៀបទៅនឹងអតីតកីឡាករបាល់ទាត់ Figo ។ Figo ចាកចេញពីយើងទៅជាមួយនឹងការកុហកបោកប្រាស់ មិនដូច Neymar ទេ ។ Neymar គឺចាកចេញដោយសារតែលុយតែប៉ុណ្ណោះ ហើយគ្មានគោលបំណងអ្វីផ្សេងទេ ។”
គួរបញ្ជាក់ផងដែរថា លោក Gaspart ឆ្លើយបែបនេះ នៅក្នុងបទសម្ភាសសួរឲ្យលោកប្រៀបធៀបលទ្ធភាព នៃការចាកចេញរបស់ Neymar ទៅកាន់ក្លិប Real Madrid ជាមួយនឹង Figo ដែលបានទៅលេងឲ្យក្លិបនោះនៅឆ្នាំ២០០០ ។ លោកគិតថា Figo កុហកក្រុម ខណៈពេលដែល Neymar មិនមែនធ្វើដូច្នោះទេ ព្រោះគេទៅដើម្បីតែលុយនៅ PSG តែប៉ុណ្ណោះ ៕
ចែករំលែកព័តមាននេះ