តាមប្រភពព័ត៌មាន Mirror បានឲ្យដឹងថា មិត្តសម្លាញ់របស់ Philippe Coutinho ហាក់បីដូចជាមានសម្លាញ់ថ្មីហើយ បន្ទាប់ពី Coutinho ចាកចេញពីកន្លែងចាស់ផ្លាស់ទៅកន្លែងថ្មីនៅក្លិបអ្នកមានបុណ្យ Barcelona ក្នុងតម្លៃខ្លួន១៩៥លានដុល្លារអាមេរិក ។
កីឡាករ Alberto Moreno ដែលជាសម្លាញ់របស់ Coutinho បានបង្ហោះវីឌីអូលាមិត្តជាលើកចុងក្រោយពេលចាកចេញទៅកាន់ Barcelona ។ នេះពិតជាអាចបញ្ជាក់ថា មិត្តភាពរបស់គេទាំងពីរនាក់មានភាពជ្រាលជ្រៅយ៉ាងខ្លាំង ។
មួយខែក្រោយមក ស្រាប់តែគេឃើញ Moreno ស្និទ្ធិស្នាលជាមួយនឹងមិត្តថ្មីម្នាក់ទៀតនៅក្លិបហង្សក្រហមជាមួយគ្នានៅពេលកំពុងហ្វឹកហាត់ ។ គេម្នាក់នោះគឺជា Virgil van Dijk។ ពួកគេទាំងពីរហាក់បីដូចជាជិតដិតនឹងគ្នាដូចកាលដែលស្និទ្ធិជាមួយនឹង Coutinho អីចឹង ។ នេះអាចបញ្ជាក់ថា Moreno រកបានអ្នកជំនួស Coutinho ហើយ ។ តើមិត្តភាពថ្មីនេះ អាចជ្រាលជ្រៅជាកាលនៅជាមួយនឹង Coutinho ដែរឬទេ? នេះមានតែពេលវេលាទេអាចប្រាប់បាន ៕
ចែករំលែកព័តមាននេះ