ខេត្តស្វាយរៀង ៖ ជាងផ្សារដែកម្នាក់រងការចោទប្រកាន់ថា «បានចាប់រំលោភសិស្សសាលា» «ហើយមិនព្រមទទួលស្គាល់ បានបដិសេធន៍ការចោទប្រកាន់នេះ ទោះបីជាយ៉ាងណាក៏ដោយ» ត្រូវបានសមត្ថកិច្ចចាប់ឃាត់ខ្លួនកាលពីថ្ងៃទី២៥ ខែកុម្ភៈ ឆ្នាំ២០១៨…
ខេត្តស្វាយរៀង ៖ ជាងផ្សារដែកម្នាក់រងការចោទប្រកាន់ថា «បានចាប់រំលោភសិស្សសាលា» «ហើយមិនព្រមទទួលស្គាល់ បានបដិសេធន៍ការចោទប្រកាន់នេះ ទោះបីជាយ៉ាងណាក៏ដោយ» ត្រូវបានសមត្ថកិច្ចចាប់ឃាត់ខ្លួនកាលពីថ្ងៃទី២៥ ខែកុម្ភៈ ឆ្នាំ២០១៨ ដើម្បីធ្វើការសាកសួរ។ បើតាមសមត្ថកិច្ចបានឲ្យដឹងថានៅវេលាម៉ោង០៧ និង៥០នាទីយប់ ថ្ងៃទី២៥ ខែកុម្ភៈ ម្សិលមិញនេះ មានប្រជាពលនៅភូមិចំបក់ សង្កាត់ចេក បានរាយការណ៍តាមទូរស័ព្ទប្រាប់សមត្ថកិច្ចនគបាលប៉ុស្ដិ៍រដ្ឋបាលថា មានករណីចាប់រំលោភសេពសន្ថវៈលើសិស្សសាលា នៅភូមិចំបក់ សង្កាត់ចេក កាលពីម៉ោង១១យប់ ថ្ងៃ២៤ ខែកុម្ភៈ ឆ្នាំ២០១៨ ។
ក្រោយពីបានព័ត៌មានភ្លាម កម្លាំងជំនាញអធិការដ្ឋាននគរបាលក្រុងស្វាយរៀង បានសហការណ៍ជាមួយកម្លាំងប៉ុស្តិ៍រដ្ឋបាលសង្កាត់ចេក ចុះទៅដល់កន្លែងកើតហេតុ សាកសួរជនរងគ្រោះឈ្មោះ ស.ស.រ ភេទស្រី អាយុ១៦ឆ្នាំ មុខរបរសិស្ស បានប្រាប់ថា មានគេចាប់រំលោភខ្លួន គឺខ្លួនស្គាល់មុខតែមិនស្គាល់ឈ្មោះទេ។ ក្រោយមកសមត្ថកិច្ចបាននាំជនសង្ស័យមកប៉ុស្ដិ៍បង្ហាញមុខជនរងគ្រោះចង្អុលប្រាប់ថា ជនសង្ស័យនេះពិតជាបានរំលោភខ្លួនប្រាកដមែន។ សមត្ថកិច្ចបានឲ្យដឹងទៀតថា ជនសង្ស័យមានឈ្មោះ ឃុន នា (ហៅដា) ភេទប្រុស អាយុ២៤ឆ្នាំ មុខរបរជាងផ្សាដែក នៅក្រុងស្វាយរៀង មានទីលំនៅភូមិសំបុក ឃុំសំបុក ស្រុកចិត្របូរី ខេត្តក្រចេះ។
ក៏ប៉ុន្តែជនសង្ស័យបានបដិសេធថា ខ្លួនពុំបានប្រព្រឹត្តដូចការចោទប្រកាន់របស់នារីរងគ្រោះឡើយ គឺស្រីប្រកាន់ប្រុសប្រកែកប៉ុណ្ណោះ។ រហូតមកដល់ថ្ងៃ២៦ ខែកុម្ភៈ ឆ្នាំ២០១៨ នេះ ជនសង្ស័យកំពុងឃាត់ខ្លួននៅអធិការដ្ឋាននគរបាលក្រុងស្វាយរៀង ដើម្បីស្រាវជ្រាវបន្ត៕
ចែករំលែកព័តមាននេះ