ខេត្តសៀមរាប ៖ កម្លាំងអាវុធហត្ថខេត្តសៀម រាប បានធ្វើការឆ្មក់បង្ក្រាប ក្រុមក្មេងទំនើង ដែលតែងធ្វើសកម្មភាពបង្ហោះម៉ូតូ នៅក្នុងក្រុងសៀមរាប ត្រូវបានឃាត់ខ្លួន បាន២…
ខេត្តសៀមរាប ៖ កម្លាំងអាវុធហត្ថខេត្តសៀម រាប បានធ្វើការឆ្មក់បង្ក្រាប ក្រុមក្មេងទំនើង ដែលតែងធ្វើសកម្មភាពបង្ហោះម៉ូតូ នៅក្នុងក្រុងសៀមរាប ត្រូវបានឃាត់ខ្លួន បាន២ នាក់ រួចនាំមកធ្វើការអប់រំនិងធ្វើកិច្ចសន្យាឱ្យបញ្ឈប់ សកម្មភាព ចាប់ពីពេលនេះតទៅ ។ ហេតុការណ៍ ឃាត់ខ្លួន ក្មេងទំនើងនេះធ្វើឡើងនៅវេលាម៉ោង ២៣និង៤៥នាទីយប់ថ្ងៃទី ៣០ ខែធ្នូ ឆ្នាំ២០២៥ ត្រង់ចំណុចលើផ្លូវជាតិលេខ៦ ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប ។
បើតាមប្រភពព័ត៌មានពីកម្លាំងអាវុធហត្ថខេត្តបានប្រាប់ នៅថ្ងៃទី១ ខែ មករា ឆ្នាំ ២០២៦ នេះថា ដោយយោងតាមបទបញ្ជាពីលោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្ត បានឱ្យកម្លាំងជំនាញចុះបង្ក្រាបករណីក្មេងទំនើង ដូចភ្លៀងរលឹម រហូតឈានដល់ធ្វើការ ឃាត់ខ្លួន បានក្មេងទំនើង២នាក់ ដែលបានបង្ហោះ ម៉ូតូ ក្នុងក្រុងសៀមរាប រួចនាំយកមកធ្វើការអប់រំ នឹងធ្វើកិច្ចសន្យាបញ្ឈប់រាល់សកម្មភាពទំនើងដែលនាំឱ្យប៉ះពាល់ដល់ការសិក្សា បំផ្លាញទ្រព្យសម្បត្តិក៏ដូចជាកិត្តិយសគ្រួសារ ព្រម ទាំងបង្ករការភ័យខ្លាចដល់អ្នកជុំវិញ បង្ករភាពអនាធិប តេយ្យតាមដងផ្លូវក្នុងសង្គម ។
ប្រភពបន្ថែមថា បន្ទាប់ឃាត់ខ្លួន ក្មេងទំនើង ទាំង២នាក់ រួចបាននឮដកហូតម៉ូតូ ០១គ្រឿង យកទៅរក្សាទុករយៈពេល ០៣ខែ នៅទីបញ្ជាការកងរាជអាវុធហត្ថខេត្តសៀមរាប តាមបទបញ្ជាដ៏ម៉ឺងម៉ាត់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលធ្លាប់មាន ប្រសាសន៍កន្លងមកពាក់ព័ន្ធនឹងក្មេងទំនើង ត្រូវអនុវត្តគ្រប់វិធានការឱ្យបានតឹងរឹងបំផុត ទាំងវិធានការរដ្ឋបាល និងវិធានការច្បាប់ ពិសេសក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សារទុករយៈពេល ៣ខែចំពោះការប្រព្រឹត្តលើកទីមួយ និង ៦ ខែប្រសិនបើមិនរាងចាល នៅតែប្រព្រឹត្ត លើកទី២បន្តទៀតត្រូវទទួលទោសចំពោះមុខច្បាប់។
ប្រភពបញ្ជាក់ថា បើតាមប្រសាសន៍របស់លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្ត សូម ប្រាប់ ទៅប្អូនៗ បញ្ឈប់រាល់សកម្មភាពទំនើងដែលនាំឱ្យប៉ះ ពាល់ដល់ការសិក្សា និង បំផ្លាញទ្រព្យសម្បត្តិ និងកិត្តិយសគ្រួសារ បង្ករការភ័យខ្លាចដល់អ្នកជុំវិញ ក៏ដូចជាបង្ករភាពអនាធិបតេយ្យក្នុងសង្គម ដែលគេកំពុងស្អប់ខ្ពើមផងដែរ៕
ចែករំលែកព័តមាននេះ