លិង្គមិនងើបបានក្លាយទៅជារឿងកាន់តែសាមញ្ញសម្រាប់បុរសដែលមានវ័យកាន់តែចាស់ទៅ ប៉ុន្តែវាមិនមែនជាផ្នែកធម្មតានៃការចាស់ទៅតាមអាយុទេ ។ តើអស់លោកអ្នកអាចជៀសវាងមិនឱ្យលិង្គងាប់តាមវិធីណា ?
ខាងក្រោមនេះជាវិធី៩យ៉ាងដែលក្រុមអ្នកជំនាញលើកយកមកបង្ហាញជូនអស់លោកអ្នក ៖
១-មើលអាហារដែលអ្នកទទួលទាន ៖
ការទទួលទានអាហារដែលផ្តល់ផលអាក្រក់ដល់បេះដូងក៏អាចផ្តល់ផលអាក្រក់ដល់សមត្ថភាពនៃការឡើងរឹងរបស់លិង្គផងដែរ ។ មានផ្លែឈើ បន្លែ២-៣មុខ អាហារសំបូរជាតិខ្លាញ់ ម្ហូបចៀនឆានិងម្ហូបកែច្នៃទុកឱ្យបានយូរសុទ្ធតែអាចធ្វើឱ្យរាំងស្ទះដល់ចរន្តឈាមទៅចិញ្ចឹមរាងកាយ ។ និយាយជារួម រាល់ម្ហូបអាហារទាំងឡាយណាដែលផ្តល់ផលអាក្រក់ដល់បេះដូង ក៏ជាផ្នែកមួយដែលផ្តល់ផលអាក្រក់ដល់លិង្គផងដែរ ។
២- រក្សាទម្ងន់ឱ្យស្ថិតក្នុងកម្រិតសុខភាព ៖
ការធាត់ខ្លាំងពេកអាចបណ្តាលឱ្យមានបញ្ហាសុខភាពជាច្រើនក្នុងនោះមានដូចជា ជំងឺទឹកនោមផ្អែមប្រភេទ២ ដែលជំងឺនេះអាចធ្វើឱ្យខូចសរសៃប្រសាទរាងកាយ ។ ប្រសិនជាសរសៃប្រសាទសម្រាប់បញ្ជាទៅលិង្គខូច នោះការងាប់លិង្គពិតជាកើតមាន ។
៣-ជៀសវាងកុំឱ្យឡើងឈាម និងឡើងជាតិខ្លាញ់កូឡេស្តេរ៉ូល ៖
ការឡើងឈាម និងឡើងជាតិខ្លាញ់កូឡេស្តេរ៉ូលពិតជាអាចធ្វើឱ្យខូចបណ្តាសរសៃឈាមទាំងឡាយក្នុងរាងកាយដោយក្នុងនោះរួមទាំងសរសៃឈាមចិញ្ចឹមលិង្គផងដែរ ហើយទីបំផុតវានឹងអាចធ្វើឱ្យលិង្គលែងងើប ។ ដូច្នេះ
ប្រសិនជាអស់លោកអ្នកលើសឈាម និងជាតិខ្លាញ់ឡើងខ្ពស់ត្រូវតែប្រញាប់ទៅព្យាបាលជាបន្ទាន់ ។
៤- ទទួលទានគ្រឿងស្រវឹងក្នុងកម្រិតមធ្យមឬក៏កុំតែម្តង ៖
យោងតាមអ្នកឯកទេសគឺលោក Sharlipបញ្ជាក់ថា ពុំមានភស្តុតាងណាមួយបញ្ជាក់ថា ទទួលទានគ្រឿងស្រវឹងចាប់ពីកម្រិតតិចតួចដល់កម្រិតមធ្យមប៉ះពាល់ដល់ដំណើរឡើងរឹងរបស់លិង្គនោះទេ ។ ប៉ុន្តែការផឹកហួសប្រមាណជាប់ជាប្រចាំអាចធ្វើឱ្យខូចថ្លើម ខួចសរសៃប្រសាទ បាត់បង់តុល្យភាពអ័រម៉ូនភេទបុរសជាពិសេសធ្វើឱ្យងាប់លិង្គតែម្តង ។
៥- ហាត់ប្រាណឱ្យបានទៀងទាត់ ៖
មានភស្តុតាងដ៏ច្បាស់លាស់ដែលបញ្ជាក់ថា បែបបទនៃការរស់នៅដោយមិនធ្វើសកម្មភាពអ្វីសោះជាប់ពាក់ព័ន្ធនឹងការធ្វើឱ្យលិង្គងាប់ ប៉ុន្តែផ្ទុយទៅវិញ ការហាត់ប្រាណដូចជារត់ ហែលទឹកនិងហាត់អ៊ែរ៉ូប៊ិកអាចជួយទប់ស្កាត់ការងាប់លិង្គបាន។
៦- បន្តប្រើថ្នាំអ័រម៉ូន Testoterone ៖
បើទោះជាអ្នកមានសុខភាពល្អក្តី ក៏កម្រិតអ័រម៉ូនTestoterone ជារឿយៗធ្លាក់ចុះយ៉ាងគំហុកក្នុងវ័យ៥០ឆ្នាំ ។ អាយុចាប់ពី៤០ឆ្នាំឡើងទៅ កម្រិតអ័រម៉ូន Testoterone របស់បុរសធ្លាក់ចុះ១,៣ភាគរយរៀងរាល់ឆ្នាំ ។ រោគសញ្ញាដូចជា ថយចុះចំណង់ផ្លូវភេទ អារម្មណ៍មិននឹងន ខ្វះថាមពលក្នុងខ្លួន ឬពិបាកក្នុងការសម្រេចចិត្តបង្ហាញថា ខ្វះអ័រម៉ូន Testosterone ហើយជាលទ្ធផលនឹងធ្វើឱ្យលិង្គមិនអាចឡើងរឹងបាន ។
៧- បញ្ឈប់ការជក់បារី ៖
ជក់បារីអាចបំផ្លាញសរសៃឈាម ហើយទប់លំហូរឈាមទៅកាន់លិង្គ ដ្បិតសារធាតុនីកូទីនក្នុងបារីធ្វើឱ្យសរសៃឈាមរួញរារាំងលំហូរឈាមទៅលិង្គ ។
៨- ការធ្វេសប្រហែសធ្វើឱ្យរបួសលិង្គក្នុងពេលរួមភេទ ៖
ករណីខ្លះនៃការលិង្គមិនងើបកើតចេញពីរបួសអំឡុងការរួមមេត្រីភាពលើគ្រែ ។ ដើម្បីជៀសវាងការថ្លោះ និងធ្វើឱ្យឈឺចាប់ គេគួរតែប្រយ័ត្នប្រយែងក្នុងការស៊កបញ្ចូល ជាពិសេសការបុកខ្លាំងៗ វាគួរតែធ្វើក្រោយពេលទ្វារមាសមានទឹករំអិលគ្រប់គ្រាន់ ។ អស់លោកអ្នកគួរតែប្រាកដថា លិង្គរបស់ខ្លួនមិនរអិលចេញពីទ្វារមាសទៅបុកនឹងផ្នែករឹងផ្សេងទៀតរបស់ដៃគូខ្លួន ។ ក្នុងករណីស្នៀតរួមភេទរបស់អ្នកធ្វើឱ្យលិង្គបត់ខុសទំនង និងឈឺចាប់ ជាឧទាហរណ៍បត់ខុសពីធម្មជាតិរបស់វា ត្រូវតែបញ្ឈប់ភ្លាម ។
៩- ត្រូវចេះទប់ស្កាត់ភាពតានតឹងក្នុងចិត្ត ( Stress) ៖
ភាពតានតឹងផ្លូវចិត្តបានបង្កើននូវកម្រិតអ័រម៉ូន adrenalineដែលធ្វើឱ្យសរសៃឈាមរួញ ។ បញ្ហានេះធ្វើឱ្យប៉ះពាល់លំហូរឈាមទៅលិង្គ ហើយទីបំផុតធ្វើឱ្យលិង្គទន់មិនរឹង ។ ដូច្នេះការបន្ធូរភាពតានតឹង និងធ្វើឱ្យអារម្មណ៍រីករាយទំនងជាជួយបង្កើនជីវិតលើគ្រែរបស់បុរស ៕
ចែករំលែកព័តមាននេះ