លទ្ធផលបឋម គណបក្សប្រជាជនកម្ពុជា ទទួលបានសំឡេងច្រើនជាងគេ
- ភ្នំពេញ
រាជធានីភ្នំពេញ ៖ លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត បានប្រាប់កោះសន្តិភាពតាមទូរស័ព្ទ នៅម៉ោង៦ និង៤៥នាទីល្ងាច ថ្ងៃទី២៥…
រាជធានីភ្នំពេញ ៖ លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត បានប្រាប់កោះសន្តិភាពតាមទូរស័ព្ទ នៅម៉ោង៦ និង៤៥នាទីល្ងាច ថ្ងៃទី២៥ ខែកុម្ភៈ ឆ្នាំ២០១៨នេះថា គជប បានទទួលលទ្ធផលបឋមពីតាមមណ្ឌលភូមិភាគទាំង៨ ដោយយោងតាមលទ្ធផល គណបក្សប្រជាជនកម្ពុជា បាននាំមុខគេដាច់។ លោកលើកឡើងថា គណៈកម្មសមាជិកព្រឹទ្ធសភា អាណត្តិទី៤ មានចំនួន៦២រូប,សមាជិក២រូបតែងតាំងដោយព្រះមហាក្សត្រ និង២រូបជ្រើសតាំងដោយ រដោយរដ្ឋសភា។ បេក្ខជនសរុប៣៧២, ស្រី៤៩នាក់។ លោកថា សំឡេងឆ្នោតបឋមនេះនៅមិនទាន់ បែងចែកជាអាសនៈទេ តែថា គណបក្សប្រជាជនកម្ពុជា អាចគ្រប់គ្រងអាសនៈស្ទើរតែទាំងស្រុង។ លោកអ្នកនាំពាក្យបានអះអាងថា តាមលទ្ធផលបឋមនៅមណ្ឌលភូមិភាគ១៖ គណបក្សប្រជាជនកម្ពុជា ជិត(៩០០សំឡេង) គណបក្សខ្មែររួបរួមជាតិ (២សំឡេង) គណបក្សហ្វ៊ុនស៊ីនប៉ិច (១១សំឡេង) គណបក្សយុវជនកម្ពុជា (មិនបានសំឡេងទេ)។
លោកថា សម្រាប់មណ្ឌលភូមិភាគ២៖ គណបក្សប្រជាជនកម្ពុជាជាង (១៣០០សំឡេង) គណបក្សខ្មែររួបរួមជាតិ (១៦សំឡេង) គណបក្ស ហ្វ៊ុនស៊ិនប៉ិច (៤៥សំឡេង) គណបក្សយុវជនកម្ពុជា (៣សំឡេង)។ មណ្ឌលភូមិភាគ៣៖ គណបក្សប្រជាជនកម្ពុជា ទទួលបានជាង(៧៧០សំឡេង) គណបក្សខ្មែររួបរួមជាតិ (៨សំឡេង) គណបក្សហ្វ៊ុនស៊ីនប៉ិច (៤៤សំឡេង) គណបក្សយុវជនកម្ពុជា (សូន្យសំឡេង)។ មណ្ឌលភូមិភាគ៤៖ គណបក្សប្រជាជនកម្ពុជា ទទួលបានជាង (២.០០០សំឡេង) គណបក្សខ្មែររួបរួមជាតិ(៧៩សំឡេង) គណបក្សហ្វ៊ុនស៊ិនប៉ិច(៨១សំឡេង) គណបក្សយុវជនកម្ពុជា(សូន្យសំឡេង)។ មណ្ឌលភូមិភាគ៥៖ គណបក្សប្រជាជនកម្ពុជាទទួលបានជាង(១.៣០០សំឡេង) គណបក្សខ្មែររួបរួមជាតិ (សូន្យសំឡេង) គណបក្សហ្វ៊ុនស៊ិនប៉ិច(១៤សំឡេង) គណបក្សយុវជនកម្ពុជា(សូន្យសំឡេង)។
មណ្ឌលភូមិភាគ៦៖ គណបក្សប្រជាជនកម្ពុជាទទួលបានជាង (១.៣០០សំឡេង) គណបក្សខ្មែររួបរួមជាតិ(១៣សំឡេង) គណបក្សហ្វ៊ុនស៊ិនប៉ិច(១៨សំឡេង) គណបក្សយុវជនកម្ពុជា(សូន្យសំឡេង)។ មណ្ឌលភូមិភាគ៧៖ គណបក្សប្រជាជនកម្ពុជា ទទួលបានជាង(១.៦០០សំឡេង) គណបក្សខ្មែររួបរួមជាតិ(៣២សំឡេង) គណបក្សហ្វ៊ុនស៊ិនប៉ិច(១៦សំឡេង) គណបក្សយុវជនកម្ពុជា(សូន្យសំឡេង) និងមណ្ឌលភូមិភាគ៨៖ គណបក្សប្រជាជនកម្ពុជា(១.៦៧៤សំឡេង) គណបក្សខ្មែររួបរួមជាតិ(៣២សំឡេង) គណបក្សហ្វ៊ុនស៊ិនប៉ិច(៤២សំឡេង) គណបក្សយុវជនកម្ពុជា(សូន្យសំឡេង)។ អ្នកនាំពាក្យ គជប អះអាងថា បន្ទាប់ពីចេញលទ្ធផលបឋមគេអាចមានការបែងចែកអាសនៈបាន ហើយ គជបនឹងធ្វើការបែងចែកនៅពេលណាប្រកាសលទ្ធផលផ្លូវការដោយមិនមានការប្តឹងពីភាគីណាមួយលើលទ្ធផលនេះ៕
ចែករំលែកព័តមាននេះ