ដោយមានពណ៌ និងរសជាតិគួរឱ្យចង់ទទួលទាន ការ៉ុតមិនពិបាកក្នុងការដាំ និងរកទិញក្នុងទីផ្សារទេ ។ ក្រៅពីផ្តល់អត្ថប្រយោជន៍សុខភាពច្រើនយ៉ាង ការ៉ុតជាបន្លែមួយប្រភេទដែលអ្នកមិនគួរមើលរំលងក្នុងរបបអាហារប្រចាំថ្ងៃទេ ។
ខាងក្រោមជាអត្ថប្រយោជន៍ចំពោះសុខភាពដែលអ្នកជំនាញបានបង្ហាញជូន ៖
១- ជួយភ្នែក ៖ សារធាតុបេតាការ៉ូតែននៅក្នុងមើមការ៉ុតជាប្រភពដែលសំបូរដោយវីតាមីន Aច្រើនបំផុត ។ វាជួយឱ្យភ្នែកមើលឃើញបានច្បាស់ ។ ដូច្នេះសូមធ្វើឱ្យប្រាកដថា របបអាហាររបស់អស់លោកអ្នកសំបូរដោយបន្លែការ៉ុតដើម្បីរក្សាភ្នែករបស់អ្នកមើលឃើញដល់ចាស់ ។
២- ទប់ស្កាត់មហារីក ៖ ការ៉ុតត្រូវគេដឹងថាអាចជួយកាត់បន្ថយអត្រាប្រឈមនឹងមហារីកពោះវៀនធំ និងសួត ។ នេះក៏ព្រោះវត្តមានសារធាតុ Falcarinolដែលទប់ស្កាត់ប្រភេទជំងឺផ្សិតមិនឱ្យកើតមាន ។ បុគ្គលដែលទទួលទានការ៉ុតក្នុងមូលដ្ឋានទៀងទាត់អាចកាត់បន្ថយឱកាសកើតមានជំងឺមហារីកបាន១/៣ធៀបទៅនឹងអ្នកមិនទទួលទាន ឬទទួលទានតិចតួច ។
៣- ធ្វើឱ្យល្អប្រសើរការចរាចរឈាម ៖
ទទួលទានការ៉ុតគឺជួយសំអាត និងជួយជំរុញសកម្មភាពឈាម ហើយដូច្នេះវាធ្វើឱ្យល្អប្រសើរនូវលំហូរឈាមកាត់បន្ថយបានហានីភ័យដោយជំងឺដាច់សរសៃឈាមក្នុងខួរក្បាល ។
៤- ផ្តល់អត្ថប្រយោជន៍ដល់ស្ករក្នុងឈាម៖
ស្ករក្នុងឈាម និងការចរាចរខ្លួនវាក្នុងរាងកាយទទួលបានអត្ថប្រយោជន៍យ៉ាងច្រើនពីការទទួលទានការ៉ុត ក៏ដូចជាបន្លែផ្សេងៗដែលសំបូរទៅដោយ Carotenoids ។
៥- ទប់ស្កាត់ភាពច្របូកច្របល់ក្នុងប្រព័ន្ធរំលាយអាហារ ៖
ទទួលទានការ៉ុតជាប្រចាំជួយឱ្យប្រព័ន្ធរំលាយអាហារដំណើរការបានល្អ ទប់ស្កាត់បានជំងឺដំបៅក្រពះ ។
៦- ជួយបង្កើនសម្រស់ស្បែក ៖
ការ៉ុតត្រូវគេដឹងថាជួយធ្វើឱ្យស្បែករលោង ស្រស់ថ្លា ។ វាត្រូវគេស្គាល់ជាយូរមកហើយថាជាបន្លែប្រឆាំងភាពចាស់ទៅតាមអាយុ ។
៧- ជួយឱ្យធ្មេញមានសុខភាពល្អ ៖
ទំពារការ៉ុតស្រួយជួយឱ្យធ្មេញមានសុខភាពល្អ។
៨- ទប់ស្កាត់ការឆ្លងរោគ ៖
ការ៉ុតជាថ្នាំ សម្លាប់មេរោគដ៏កំពូល។ វាអាចប្រើព្យាបាលដំបៅ ឬស្នាមមុត ។ មិនថាជាស្ងោរ កិនឬចិតជាចំណិតស្តើងៗទាំងឆៅនោះទេ យើងអាចយកការ៉ុតទៅបិទលើកន្លែងដំបៅ ហើយវានឹងជួយព្យាបាលឱ្យជាសះស្បើយតាមធម្មជាតិ ។
៩- ជួយកំចាត់ព្រូន ៖
ការ៉ុតអាចប្រើជាថ្នាំកែរោគមួយផ្សេងទៀត គឺទម្លាក់ព្រូនពីក្នុងពោះវៀនជាពិសេសក្មេងៗ ៕
ចែករំលែកព័តមាននេះ