យោងតាមការចេញផ្សាយរបស់គេហទំព័រ Goal បានឱ្យដឹងថា ក្លិប Real Madrid កំពុងព្រួយបារម្ភពីបញ្ហារបួសខ្សែការពារឆ្នើម Marcelo ដែលត្រូវបានប្តូរចេញនៅតង់ទី១អំឡុងពេលប្រកួតប៉ះ Real Betis កាលពីថ្ងៃអាទិត្យ ។ យ៉ាងណាមិញក្រុមគ្រូពេទ្យមិនទាន់ផ្តល់ដំណឹងជាក់លាក់ណាមួយទាក់ទិននឹងបញ្ហារបួសសរសៃពួរជើងខាងស្តាំរបស់ Marcelo នៅឡើយទេ ។
គ្រូបង្វឹក Zidane បាននិយាយថា «យើងសង្ឃឹមថា នឹងមិនមានអ្វីកើតឡើងធ្ងន់ធ្ងរទៅចុះ ។ យើងនឹងដឹងលទ្ធផលនៅពេលឆាប់ៗនេះ បន្ទាប់ពីក្រុមគ្រូពេទ្យធ្វើការពិនិត្យរួច» ។
គួររំលឹក កីឡាករ Marcelo ត្រូវបានប្តូរចេញបន្ទាប់ពីរត់បាន៣០នាទីក្នុងតង់ទី១ ពេលក្លិប Real Madrid ប្រកួតប៉ះក្លិប Real Betis កាលពីថ្ងៃអាទិត្យ ។ បញ្ហារបួសនេះគឺកើតឡើងដោយឯកឯងមិនមានការប៉ះទង្គិចជាមួយកីឡាកររូបណាឡើយ ៕
ចែករំលែកព័តមាននេះ