កូនចៅចិនមានត្រណមនិងសកម្មភាពអ្វីខ្លះថ្ងៃចូលឆ្នាំថ្មី
បុណ្យចូលឆ្នាំថ្មីប្រពៃណីចិន ឈានចូលមកដល់នៅថ្ងៃទី១៦កុម្ភៈ នេះហើយ ។ តើនៅក្នុងថ្ងៃចូលឆ្នាំថ្មីនេះ មានត្រណម ឬសកម្មភាពជំនឿអ្វីខ្លះ ? លោកសៃ ហេង…
បុណ្យចូលឆ្នាំថ្មីប្រពៃណីចិន ឈានចូលមកដល់នៅថ្ងៃទី១៦កុម្ភៈ នេះហើយ ។ តើនៅក្នុងថ្ងៃចូលឆ្នាំថ្មីនេះ មានត្រណម ឬសកម្មភាពជំនឿអ្វីខ្លះ ?
លោកសៃ ហេង ប្រធានសមាគមចិនខិ កម្ពុជា បានឲ្យដឹងថា តាមប្រពៃណីចិនសម្រាប់នៅឆ្នាំថ្មីឆ្នាំនេះ កូនចៅទាំងអស់នៅតាមគ្រួសារនីមួយៗមិនថានៅជិត ឬនៅឆ្ងាយត្រូវតែមកជួបជុំគ្នាសែនទាំងអស់គ្នានៅផ្ទះឪពុកម្តាយរៀងៗខ្លួន ។ ការជួបជុំគឺបង្ហាញពីការហូបបាយរួមគ្នា និងការសួរសុខទុក្ខគ្នារវាងបងប្អូនថានៅឆ្នាំចាស់កន្លងទៅ តើការរស់នៅ និងការប្រកបមុខរបរយ៉ាងដូចម្តេចដែរ ? នៅថ្ងៃចូលឆ្នាំថ្ងៃទី១ បន្ទាប់ពីការសែនដូនតា កុងមា៉ហើយអាចថាជាថ្ងៃត្រណមមួយដែរ សម្រាប់កូនចៅចិន គឺហាមមិនឲ្យបោសសំរាម និងមិនឲ្យធ្វើការងារអ្វីទាំងអស់នៅក្នុងផ្ទះ គឺពួកគាត់ទុកពេលឲ្យកូនចៅទាំងអស់បង្កើតកម្មវិធីសប្បាយរួមគ្នា ។ ចំណែកនៅថ្ងៃចូលឆ្នាំទី២ កូនចៅទាំងអស់អាចដើរលេងកម្សាន្ត និងសួរសុខទុក្ខបងប្អូនផ្សេងៗនៅគ្រប់ទីកន្លែងបាន ។
ទាក់ទងនឹងសកម្មភាព និងការគោរពតាមប្រពៃណីជនជាតិចិននេះ លោក សៃ ហេង ថ្លែងថា យើងនៅតែគោរព និងធ្វើតាមជីដូនជីតារបស់យើងពីមួយជំនាន់ទៅមួយជំនាន់ដែលមានប្រវតិ្តរាប់ពាន់ឆ្នាំមកហើយ ប៉ុន្តែសម្រាប់កូនចៅចិនរស់នៅប្រទេសចិន និងកូនចៅចិនរស់នៅកម្ពុជា ការរៀបចំគឺមានខុសប្លែកគ្នាតិចតួច ផ្អែកទៅលើកម្រិតជីវភាព។
ពិធីរៀបចំផ្ទះសម្បែងដើម្បីទទួលឆ្នាំថ្មី
ចំណែករបៀបនៃការត្រៀមខ្លួនស្វាគមន៍ឆ្នាំថ្មីរបស់ប្រជាជនចិន ក៏មានមិនតិចដែរដូចជា ការតុបតែងផ្ទះ,ក្បួនព្យុហយាត្រា, និងពិធីជប់លៀងដ៏អស្ចារ្យមួយជាដើម ។
ដូចនេះសូមណែនាំពីរបៀបប្រារព្ធពិធីបុណ្យចូលឆ្នាំថ្មីប្រពៃណីចិនដូចតទៅ ៖
ក/ការត្រៀមខ្លួនស្វាគមន៍ឆ្នាំថ្មី
១-សម្អាតផ្ទះសម្បែងរបស់អ្នកឱ្យស្អាត។ ទំនៀមទម្លាប់នេះ ត្រូវបានគេស្រាវជ្រាវឃើញនិងជឿជាក់ថា ការសម្អាតផ្ទះរបស់អ្នកពេលនេះ នឹងជម្រះចេញនូវឧបទ្រពចង្រៃចាកឆ្ងាយអស់ ដែលកើតមានឡើងកាលពីឆ្នាំចាស់ ។ ម្យ៉ាងទៀត ការសម្អាតក៏ធ្វើឱ្យលំនៅឋានរបស់ត្រៀមរួចជាស្រេចការទទួលពរជ័យឆ្នាំថ្មីដែលនឹងឈានចូលមកដល់ ។ ប៉ុន្តែសូមចងចាំថា កុំព្យាយាមសម្អាតផ្ទះអ្នកក្រោយចូលឆ្នាំរួចឱ្យសោះ ។
២-រៀបចំតុបតែងផ្ទះជាពណ៌ក្រហម ។ ពណ៌ក្រហមជានិមិត្តរូបនៃលាភសំណងក្នុងវប្បធម៌ជនជាតិចិន ហើយជានិច្ចកាលវាក៏ត្រូវបានគេប្រើប្រាស់ក្នុងការតែងលំអឆ្នាំថ្មីដែរ។ លេខ៨ក៏ជានិមិត្តរូបនៃលាភសំណាង និងទ្រព្យសម្បត្តិផងដែរ ជាមួយនឹងសុភាសិតចិនដែលមាន៨ចុងចួន ។
៣-រៀបចំការតុបតែងបន្ថែមដូចជាអាហារមួយចាន ផ្កាភ្ញី និងកិច្ចការដទៃទៀត ។
-ដាក់ផ្កាភ្ញីតាមផ្ទះដូចជា ផ្កាឈូកជាដើម ព្រោះវាជានិមិត្តរូបនៃការចាប់បដិសន្ធិជាថ្មី ។
-ដាក់ក្រូចឃ្វិចក្នុងចានជាដរាប ហើយក្រូចដែលនៅទាំងមូល គឺជាផ្លែឈើដែលនាំសុភមង្គលសម្រាប់ឆ្នាំថ្មី ។ ប្រើលេខគូ ហើយញាំុជាគូរដូចជាចង្កឹះទើបនាំលាភសំណាង ។
-ដាក់ស្ករតាំងម៉ែ៨គ្រាប់ក្នុងថាស ឬស្ពក ដែលរៀបចំដាក់សែនព្រេននេះ ។ ៨គឺជាលេខសំណាង ។ ស្ករគ្រាប់ឬស្កតាំងម៉ែប្រពៃណីចិនធ្វើឡើងពីគ្រាប់ផ្កាឈូក,គ្រាប់មាន,សណ្តែក, ដូង, គ្រាប់ឪឡឹកក្រហម ឬស្ករត្រសក់ស្រូវជាដើម ។
៤-សម្រួលនូវរានទទួលទេវតាឱ្យបានស្អាត និងរៀបរយ ។ រក្សាឥរិយាបទរបស់អ្នកឱ្យល្អបំផុត ហើយថ្វាយនូវផ្លែឈើស្ករគ្រាប់ទឹក និងអាហារដទៃទៀត ។ មានមនុស្សមួយចំនួនបានដុតក្រដាសសែនក៏មាន ៕
ចែករំលែកព័តមាននេះ