លោក ជា សុផារ៉ា ជួបសំណេះសំណាលពលរដ្ឋ និងនិវត្តជន
- ស្វាយរៀង
ខេត្តស្វាយរៀង ៖ នៅព្រឹកថ្ងៃទី១៤ ខែកុម្ភៈ ឆ្នាំ២០១៨នេះ លោកទេសរដ្ឋមន្ត្រី ជា សុផារ៉ា លោក អ៊ុក…
ខេត្តស្វាយរៀង ៖ នៅព្រឹកថ្ងៃទី១៤ ខែកុម្ភៈ ឆ្នាំ២០១៨នេះ លោកទេសរដ្ឋមន្ត្រី ជា សុផារ៉ា លោក អ៊ុក…
ខេត្តស្វាយរៀង ៖ នៅព្រឹកថ្ងៃទី១៤ ខែកុម្ភៈ ឆ្នាំ២០១៨នេះ លោកទេសរដ្ឋមន្ត្រី ជា សុផារ៉ា លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានចុះទៅសំណេះសំណាលជាមួយបងប្អូនប្រជាពលរដ្ឋ និង ពិនិត្យទីតាំងដីសម្រាប់សាងសង់ហេដ្ឋារចនាសម្ព័ន្ធ ជូនគ្រួសារយោធិន នគរបាល និវត្តជន គ្រួសារពលី មរណៈ និងគ្រួសារទីទ័លក្រ ដែលមានគុណបំណាច់ចំនួន២០០គ្រួសារ និងសាងសង់លំនៅដ្ឋានបន្ត ជំហានទី២ របស់រាជរដ្ឋាភិបាល មានទីតាំងស្ថិតនៅភូមិជីកដី ឃុំអណ្តូងត្របែក ស្រុករមាសហែក ខេត្តស្វាយរៀង។ លោក ជា សុផារ៉ា ទេសរដ្ឋមន្ត្រីរដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានលើកឡើងថា៖
ដោយសារប្រទេសជាតិមានសុខសន្តិភាព និងមានការអភិវឌ្ឍន៍លើគ្រប់លើវិស័យ ក្រោមការដឹកនាំដ៏ត្រឹមត្រូវរបស់ប្រមុខរាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំហើយបានផ្តោតសំខាន់ទៅលើវិស័យ៤ជាអាទិភាពរួមមាន ទឹក ភ្លើង ផ្លូវ និងធនធានមនុស្ស។ ចំពោះបងប្អូនប្រជាពលរដ្ឋក្រីក្រ ជាពិសេសគ្រួសារមន្ត្រីយោធិន នគបាលចូលនិវត្ត មរណៈ រាជរដ្ឋាភិបាលតែងតែយកចិត្តទុកដាក់ និងដឹងគុណ ហើយមិនបោះបង់ចោលទេ គឺតាមពិនិត្យ មើលនូវជីវភាព ធ្វើយ៉ាងណាឲ្យទទួលបាននូវជីវភាពល្អប្រសើរ មានផ្ទះសម្បែងស្នាក់នៅសមរម្យ និងមាន ហេដ្ឋារចនាសម្ព័ន្ធផ្លូវថ្នល់ធ្វើដំណើរងាយស្រួលហើយក៏យកចិត្តទុកដាក់ទៅលើសុខមាលភាពផងដែរ។
លោកក៏បានផ្តាំផ្ញើដល់អាជ្ញាធរខេត្ត និងក្រុមការងារចុះជួយស្រុករមាសហែក ត្រូវចុះមូលដ្ឋានជួបសួរ សុខទុក្ខប្រជាពលរដ្ឋ និងមន្ត្រីចូលនិវត្តឲ្យបានញឹកញាប់ដើម្បីជាទំនុកចិត្តរបស់ប្រជាពលរដ្ឋ។ ក្នុងឱកាសនោះលោកទេសរដ្ឋមន្ត្រីក៏បានចែកអំណោយដល់ប្រជាពលរដ្ឋចំនួន២០០គ្រួសារ ក្នុងមួយគ្រួសារទទួលបាន អង្ករ៥០គីឡូ មី១កេស ទឹកស៊ីអ៊ីវ១យួរ ទឹកត្រី១យួរ ប៊ីចេង១គីឡូ ស្ករស១គីឡូ អំបិល១គីឡូ ទឹកសុទ្ធ១កេស និងថវិកា១០ម៉ឺនរៀលផងដែរ៕
ចែករំលែកព័តមាននេះ