Valentine’s Day ឬទិវាបុណ្យនៃសេចក្តីស្រឡាញ់ធ្វើឡើងថ្ងៃទី ១៤ កុម្ភៈ រៀងរាល់ឆ្នាំដែលមនុស្សជុំវិញពិភពលោកចាត់ទុកជាថ្ងៃពិសេសជាងថ្ងៃណាទាំងអស់ក្នុងការបង្ហាញពីក្តីស្រឡាញ់របស់ពួកគេទៅកាន់មនុស្សជាទីស្រឡាញ់ បងប្អូន និងមិត្តភិក្តិតាមរយៈការជូនកាដូដូចជាស្ករសូកូឡា ផ្កា លិខិតជូនពរ និងវត្ថុអនុស្សាវរីយ៍ដទៃទៀត ។
ទិវា បុណ្យនៃសេចក្តីស្រឡាញ់ ១៤ កុម្ភៈ មានប្រវត្តិបែបណា ?
ថ្ងៃបុណ្យនៃសេចក្តីស្រឡាញ់ Valentine’s Day ប្រារព្ធឡើងដើម្បីរំឭកដល់លោកឪ Saint Valentines ដែលចេះដឹងជ្រៅជ្រះក្នុងសាសនាគ្រឹស្តនិកាយប្រូតេស្តង់ល្បីល្បាញបំផុតនៅសតវត្សរ៍ទី៣ ។ លោកឪ Saint Valentines បានរៀបចំមង្គលការដល់ពួកទាហានដែលពួកគេមិនត្រូវបានអនុញ្ញាតឱ្យរៀបការ និងពួកកាន់សាសនាគ្រឹស្តនិកាយកាតូលិក ។ ដោយសារតែអំពើបែបនេះទើបលោកឪត្រូវបានគេចោទថា មានទោសប្រឆាំងបទបញ្ជារបស់អធិរាជ Claudiusទី២នៅសម័យនោះ ។
លោកឪ Saint Valentines ត្រូវបានឃុំឃាំងក្នុងគុកដោយរងទុក្ខវេទនា ដូចជាការវាយដំ គប់ដុំថ្មរហូតដល់ប្រហារជីវិតកាត់ក្បាល។ លោកឳស្លាប់នៅថ្ងៃទី១៤ កុម្ភៈ ២៦៩ នៅក្រុងរ៉ូមដោយសពរបស់លោកត្រូវបានកប់ក្នុងវិហារ Whitefriar Street Carmelite Churchស្ថិតក្នុងក្រុង Dublin ប្រទេសអៀរឡង់ ។
ទាក់ទិនថ្ងៃបុណ្យនៃក្តីស្រលាញ់នេះ មានរឿងរ៉ាវ ចម្លែកៗមួយចំនួនកើតឡើងដូចជា៖
-បុរសៗបានចំណាយលុយទ្វេដងក្នុងថ្ងៃបុណ្យនេះជាងមនុស្សស្រីដែលជាមធ្យមពួកគេចំណាយ១៣០ដុល្លារ ។
-ផ្កាកុលាបគឺជាកាដូដែលពេញនិយមបំផុតសម្រាប់ពិធីបុណ្យនៃសេចក្តីស្រឡាញ់បន្ទាប់ពីស្ករសូកូឡា និងវត្ថុមានតម្លៃ ។
-ផ្កាកុលាបប្រហែល៥០លានទងត្រូវបានជូនទៅឱ្យគ្នាទៅវិញទៅមកទូទាំងពិភពលោក។
-បុរសៗទិញផ្កាកុលាបមានចំនួន៧៣% រីឯ ២៧%ទៀតជាស្រី ។
-ថ្ងៃនេះកាលពី៤៨១ឆ្នាំមុនស្តេចអង់គ្លេស Henry ទី៨ បានប្រកាស១៤ កុម្ភៈ ជាថ្ងៃឈប់សម្រាកសាធារណៈផ្សារភ្ជាប់ទៅនឹងមនោសញ្ចេតនា និងក្តីស្រឡាញ់ ។
-ស្ករសូកូឡារាងបេះដូងត្រូវបានលក់អស់ចំនួន៣០លានប្រអប់ក្នុងថ្ងៃ Valentines’ Day រៀងរាល់ឆ្នាំដែលវាបានផលិតដំបូងក្នុងឆ្នាំ១៨៦៨ ។
-លិខិតជូនពរ១៥០លានប្រភេទត្រូវបានប្រគល់ជូនគ្នាទៅវិញទៅមក ។
-ប្រហែលជនជាតិអាមរិក៥៥%បានរៀបចំពិធីបុណ្យនេះ ហើយពួកគេចំណាយដល់ទៅ ១៨,២ប៊ីលានដុល្លារឯណោះក្នុង១ឆ្នាំដែលក្នុងនោះរួមមានការចំណាយច្រើនជាង១,៧ប៊ីលានដុល្លារលើការទិញស្ករគ្រាប់ ។
-ការលក់ស្រោមអនាម័យកើនឡើងប្រមាណពី២០% ទៅ៣០% ក្នុងថ្ងៃទី១៤ខែកុម្ភៈ ។
-Valentines’ Day គឺជាថ្ងៃបុណ្យដ៏អស្ចារ្យទីពីរបន្ទាប់ពីថ្ងៃបុណ្យគ្រីស្មាស់ដែលមនុស្សនាំគ្នាជូនលិខិតជូនពរទៅឱ្យគ្នាទៅវិញទៅមក ៕
ចែករំលែកព័តមាននេះ