រាជធានីភ្នំពេញ ៖ ផ្ទុះអាវុ.ធជាច្រើនគ្រា.ប់ បង្កការភ្ញាក់ផ្អើលដល់អ្នកភូមិ និងសមត្ថកិច្ចចម្រុះចុះមកទីតាំងកើតហេតុព្រោងព្រាត តែជនបង្កបានគេចខ្លួនបាត់ស្រមោលតែម្ដង បន្សល់ទុកតែសំបកកាទុស កាលពីវេលាម៉ោង៣និង៥០នាទីទៀបភ្លឺ ថ្ងៃទី២ ខែឧសភា ឆ្នាំ២០២៤ ស្ថិតនៅតាមបណ្តោយផ្លូវ២៣៨ កែងផ្លូវលេខ១០៥ សង្កាត់បឹងព្រលិត ខណ្ឌ៧មករា រាជធានីភ្នំពេញ ។
យោងតាមប្រភពបឋមពីកន្លែងកើតហេតុ បានអោយដឹងថា មុនពេលកើតហេតុគេបានលឺសំឡេងផ្ទុះប្រមាណ៥គ្រា.ប់ ចេញពីម្តុំផ្លូវលេខ២៣៨ ដោយប្រជាពលរដ្ឋដែលរស់នៅក្បែរនោះមិនហ៊ានចុះពីលើផ្ទះទៅមើលនោះទេ ទើបគេនាំគ្នាទាក់ទងទៅកាន់សមត្ថកិច្ចមូលដ្ឋាន និងអ្នកសារព័ត៌មាន ។
លុះម៉ោង៤ទៀបភ្លឺ សមត្ថកិច្ចមូលដ្ឋាន និងអាវុធហត្ថខណ្ឌ បានចុះមកដល់ទីតាំងកើតហេតុ និងបានធ្វើការត្រួតពិនិត្យទីតាំងដែលប្រជាពលរដ្ឋថា មានលឺសំឡេងផ្ទុះក៏ស្រាប់តែប្រទះឃើញគ្រា.ប់បន្ទុះចំនួន០៥គ្រា.ប់ ដែលគ្រា.ប់ទាំងនេះស្ថិតនៅចន្លោះផ្លូវតូចមួយក្បែរសំយ៉ាបផ្ទះ។
សមត្ថកិច្ចបានរើសគ្រាប់បន្ទុះបង្ហាញទៅកាន់អ្នកសារព័ត៌មានឃើញថាគ្រាប់នោះជាប្រភេទគ្រា.ប់កាំភ្លើ.ងខ្លី តែមិនទាន់ដឹងកាំភ្លើងម៉ាកអ្វី នៅឡើយនោះទេ ។
ក្រោយកើតហេតុ សមត្ថកិច្ចបានយកគ្រា.ប់បន្ទុះនោះទៅរក្សាទុកជាបណ្តោះអាសន្ន ដើម្បីរង់ចាំបើកការស្រាវជ្រាវរកជនបង្កដែលបានបា.ញ់បោះយ៉ាងសេរីកណ្តាលទីក្រុង និងឈានដល់ការតាមឃាត់ខ្លួនខ្មាន់កាំភ្លើ.ងរូបនោះយកមកអនុវត្តតាមនីតិវិធីច្បាប់នៅពេលក្រោយផងដែរ ៕
ចែករំលែកព័តមាននេះ