សម័យនេះ មនុស្សជាច្រើនចាប់អារម្មណ៍ទៅរស់នៅក្នុងខុនដូ មិនថាជាខុនដូប្រណីត, ខុនដូកម្រិតកណ្តាល និងគម្រោងតម្លៃសមរម្យទេ ព្រោះវាអាចឆ្លើយតបនឹងការធ្វើដំណើរងាយស្រួល, សុវត្ថិភាព និងបែបផែននៃជីវិតរស់នៅទាន់សម័យ ប៉ុន្តែអ្នកជ្រាបឬទេថា ការរស់នៅខុនដូមានច្បាប់កំណត់គួរអនុវត្តជាច្រើនចំណុច…
សម័យនេះ មនុស្សជាច្រើនចាប់អារម្មណ៍ទៅរស់នៅក្នុងខុនដូ មិនថាជាខុនដូប្រណីត, ខុនដូកម្រិតកណ្តាល និងគម្រោងតម្លៃសមរម្យទេ ព្រោះវាអាចឆ្លើយតបនឹងការធ្វើដំណើរងាយស្រួល, សុវត្ថិភាព និងបែបផែននៃជីវិតរស់នៅទាន់សម័យ ប៉ុន្តែអ្នកជ្រាបឬទេថា ការរស់នៅខុនដូមានច្បាប់កំណត់គួរអនុវត្តជាច្រើនចំណុច ដែលអាចនឹងមិនងាយស្រួលដូចការរស់នៅក្នុងលំនៅឋានទ ថែមទាំងមានរឿងដែលត្រូវអត់ធ្មត់ក្នុងការរស់នៅរួមគ្នាជាមួយមនុស្សជាច្រើនទៀត ។
រឿងសំខាន់ចម្បងដែលអ្នកចាំបាច់ត្រូវជ្រាប គឺម្ចាស់កម្មសិទ្ធិបន្ទប់មានតួនាទីត្រូវចំណាយថ្លៃចំណែកកណ្តាល មិនថាមិនបានរស់នៅក្នុងខុនដូក៏ដោយ ហើយវាជាបន្ទុកចំណាយបន្តបន្ទាប់រហូតដល់អ្នកនឹងលក់ចោល ឬរកអ្នកមករស់នៅជំនួសបាន ។
បើខុនដូដែលអ្នកទិញនោះសាងសង់នៅលើដីជួល ចំណុចនេះគឺជាបញ្ហាសាំចិត្តបំផុតក៏អាចថាបាន ព្រោះបើអ្នក និងអ្នកដទៃរស់នៅទីនេះ ចង់ក្លាយជាម្ចាស់កម្មសិទ្ធិលើដី គឺត្រូវរកប្រាក់បន្ថែមទៀតមកទិញដីនោះ (ក្នុងករណីម្ចាស់ដីយល់ព្រមលក់) ។
បន្ទាប់មក អ្នកជ្រាបឬទេថា ខុនដូភាគច្រើន បើលក់មិនបានពាក់កណ្តាលទេ វិនិយោគិនខុនដូតែងមិនវិនិយោគសាងសង់ទេ បន្ទាប់ពីស្ថាប័នហិរញ្ញវត្ថុភាគច្រើននឹងផ្តល់កម្ចីដល់ខុនដូ ហើយបើគម្រោងអាចលក់បានក្រោម៥០% គឺអ្នកត្រូវរង់ចាំបន្តទៀត ឬរង់ចាំដោយគ្មានកំណត់ និងបានប្រាក់មកវិញក្នុងករណីមិនអាចសាងសង់បានតាមពេលកំណត់ ឬផ្អាកការសាងសង់ ។ វាប្រៀបដូចជាអ្នករង់ចាំមកនោះខាតបង់ទទេ ឬបាត់ឱកាសក្នុងការក្លាយជាម្ចាស់ខុនដូផ្សេងទៀត ។
ចំណែករបៀបរបបរស់នៅក្នុងខុនដូក៏ដូចគ្នាដែរ គឺអាចគ្មានសេរីភាពដូចការរស់នៅក្នុងលំនៅឋានទេ ព្រោះការរស់នៅក្នុងខុនដូជាការរស់នៅរួមគ្នាជាមួយមនុស្សច្រើន ដែលត្រូវមានការកំណត់ការរស់នៅដើម្បីមានរបៀបរៀបរយដូចជា ហាមចិញ្ចឹមសត្វឆ្កែ ឬឆ្មា ។ អ្នកសាកល្បងនឹកដល់ក្លិន និងសំឡេងព្រូសរបស់វាមើល បើអ្នករស់នៅបន្ទប់ក្បែរៗ ឬឃើញវា តើនឹងមានអារម្មណ៍បែបណា និងហាមប្រើប្រាស់ហ្គាសក្នុងការចម្អិនអាហារ ទាំងនេះក៏ដើម្បីការពារអគ្គិភ័យ, ហាមលក់ដូរ, ហាមស្តុកទំនិញ, ហាមតុបតែង ថែមថយ ឬជួសជុលបន្ទប់ក្នុងថ្ងៃសៅរ៍-អាទិត្យ ព្រោះរំខានអ្នកជិតខាងដែលត្រូវការសម្រាកជាដើម ។
រឿងសំខាន់ ការរស់នៅក្នុងខុនដូ អ្នកត្រូវ ចែករំលែក(Share)គ្រប់យ៉ាងតាំងពីជញ្ជាំងបន្ទប់ ឥដ្ឋ ដំបូល ផ្លូវដើរ ផ្លូវចូល ចំណតរថយន្ត អាងហែលទឹក បន្ទប់ហាត់ប្រាណ ។ល។ ហើយគិតថា អ្នកនឹងជាអ្នកជិតខាងល្អប៉ុនណា ? ឬនឹងជួបអ្នកជិតខាង (បន្ទប់ក្បែរគ្នា) ប្រភេទណា ហើយធ្វើបានដែរឬទេក្នុងការត្រូវបិទទ្វារថ្នមៗ ដើរថ្នមៗ មិនឲ្យឮសំឡេងខ្លាំងពេក ឬត្រូវដើរទៅជក់បារីដើម្បីមិនឲ្យរំខានបន្ទប់ក្បែរខាង ។
នៅពេលអ្នកជ្រាប និងទទួលយកនូវការកំណត់ទាំងនេះបាន អ្នកក៏អាចមានក្តីសុខជាមួយជីវិតរស់នៅក្នុងខុនដូបានហើយ ៕
ចែករំលែកព័តមាននេះ