រាជធានីភ្នំពេញ ៖ ជនសង្ស័យម្នាក់ជំនាញខាងយកបោករថយន្ត កាលពីថ្ងៃទី២៥ មករា ២០១៨ ត្រូវបានសមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់ក្រសួងមហាផ្ទៃឃាត់ខ្លួនតាមពាក្យបណ្តឹងរបស់ជនរងគ្រោះ៥នាក់។ ជនសង្ស័យមានឈ្មោះ សេង វិសិទ្ធ…
រាជធានីភ្នំពេញ ៖ ជនសង្ស័យម្នាក់ជំនាញខាងយកបោករថយន្ត កាលពីថ្ងៃទី២៥ មករា ២០១៨ ត្រូវបានសមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់ក្រសួងមហាផ្ទៃឃាត់ខ្លួនតាមពាក្យបណ្តឹងរបស់ជនរងគ្រោះ៥នាក់។ ជនសង្ស័យមានឈ្មោះ សេង វិសិទ្ធ ភេទប្រុស អាយុ២៨ឆ្នាំ មានទីកំណើតនៅ ស្រុកឈូក ខេត្តកំពត។ ជនរងគ្រោះដែលត្រូវជនសង្ស័យដាក់ថ្នាំសណ្តំយករថយន្តមាន៥នាក់ ១.ឈ្មោះ ផន សុផល ភេទប្រុស អាយុ២៦ឆ្នាំ ២.ឈ្មោះ រ៉ន ភា ភេទប្រុស អាយុ៣៩ឆ្នាំ ៣.ឈ្មោះ ជន ជឿន ភេទប្រុស អាយុ៣៥ឆ្នាំ ៤.ឈ្មោះ វ៉ា វង់ហេង ភេទប្រុស អាយុ៣២ឆ្នាំ ទាំង៥នាក់មុខរបរជាអ្នករត់តាក់ស៊ី ។ ក្នុងនោះសមត្ថកិច្ចដកហូតរថយន្តពីជនសង្ស័យបានមកឲ្យម្ចាស់វិញចំនួន៣គ្រឿង រថយន្តម៉ាក សាំងយ៉ុង ១គ្រឿង ហាយឡែនឌ័រ១គ្រឿង និងកាមរីបាឡែន១គ្រឿង ២គ្រឿងទៀត ត្រូវបានជនសង្ស័យ លក់បន្តបាត់ស្រមោល។ នៅចំពោះមុខសមត្ថកិច្ចជនសង្ស័យបានសារភាពថា កាលពីវេលម៉ោង៩ និង៣០នាទីព្រឹក ថ្ងៃទី១៥ មករា ២០១៨ ខ្លួនបានជិះរថយន្ត១គ្រឿងម៉ាកបាឡែន ពណ៌ទឹកមាស ពីខេត្តកំពតមកភ្នំពេញ មកដល់ម្តុំម៉ុងឌីយ៉ាល់ដើររកមើលរថយន្តណាដែលត្រូវដាក់ថ្នាំសណ្តំម្ចាស់ យករថយន្តនោះ។
ពេលនោះបានឃើញរថយន្តម៉ាកសាំយ៉ុង១គ្រឿង ពណ៌ខៀវ គេសរសេរដាក់ស្លាកមាន រថយន្តសម្រាប់ជួល ដោយមានដាក់លេខទូរស័ព្ទជាប់លើកញ្ចក់រថយន្តដើម្បីឲ្យទាក់ទងផង។ ខ្លួនក៏បាន ដើរចូលទៅក្នុងផ្សារឃ្លាំងរំសេវរកទិញស៊ីមទូរស័ព្ទដែលមិនប្រើអត្តសញ្ញាណប័ណ្ណតម្លៃ១ដុល្លារអាមេរិក និងទិញទូរស័ព្ទណូគាអិនចុចពិល១គ្រឿងតម្លៃ២៥ដុល្លារ ហើយខ្លួនក៏បានទូរស័ព្ទទៅម្ចាស់រថយន្ត សួរថា មានរថយន្តសម្រាប់ជួលដឹកអីវ៉ាន់ទេ? ខ្លួនមានបងប្អូនមកពីស្រុកក្រៅ និងមានវ៉ាលីធំៗ ចង់ជួលរថយន្ត ទៅខេត្តសៀមរាម តើយកតម្លៃប៉ុន្មាន ?។ ម្ចាស់រថយន្តបានឆ្លើយថា១ថ្ងៃយក៨០ដុល្លារ ខ្លួនក៏បានប្រាប់ ទៅម្ចាស់រថយន្តវិញថា អីចឹងចាំណាត់ថ្ងៃជួបគ្នា ដើម្បីចរចាពីតម្លៃ និងថ្ងៃដែលត្រូវជួល។ បន្ទាប់មករំលង បាន១ថ្ងៃ គឺថ្ងៃទី១៦ មករា វេលាម៉ោង៩ព្រឹកខ្លួន(ជនសង្ស័យ) បានទូរស័ព្ទទាក់ទងទៅបក្ខពួកម្នាក់ ដោយនិយាយប្រាប់ថា អញរកបានរថយន្តម៉ាកសាំយ៉ុង១គ្រឿងហើយ ចឹងចាំដាក់ថ្នាំសណ្តំយករថយន្ត នេះ។
នៅថ្ងៃទី១៧ មករា ខ្លួនបានត្រឡប់ទៅខេត្តកំពតវិញ លុះដល់ថ្ងៃទី២៤ មករា បានមកភ្នំពេញ និងបានទូរស័ព្ទណាត់ម្ចាស់រថយន្តជួបគ្នានៅម្តុំង៧០ ដើម្បីដាក់ថ្នាំសណ្តំយករថយន្តនោះ ពេលម្ចាស់រថយន្តមកដល់គេបានត្រៀមស្រាបៀរសម្រាប់ផឹកស៊ី និងដាក់ថ្នាំសណ្តំយករថយន្ត ។ ជនសង្ស័យបានសារភាពទៀតថា សកម្មភាពដែលគេបានប្រព្រឹត្តទាំង៥លើក គឺបានប្រើល្បិចដាក់ថ្នាំ សណ្តំយករថយន្តមិនខុសពីលើកនេះដែរ ហើយពេលបានរថយន្តហើយច្រើនយកទៅដាក់លក់ ឬបញ្ចាំនៅកាស៊ីណូមួយកន្លែង ក្រុងសួងខេត្តត្បូងឃ្មុំ និងលុយដែលទទួលបានផលពីដាក់ថ្នាំ លួចរថយន្តនោះ ក៏បានយកទៅលេងល្បែងនៅកាស៊ីណូនោះអស់ដែរ។ ជនសង្ស័យត្រូវបានសមត្ថកិច្ច កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ តាមនីតិវិធី ពីបទ(ដាក់ថ្នាំសណ្តំលួចរថយន្ត)៕
https://youtu.be/P5FJCJDYBM8
ចែករំលែកព័តមាននេះ