ខេត្តព្រះវិហារ ៖ មន្ត្រីឧទ្យានុរក្ស នៃមន្ទីរបរិស្ថានខេត្តព្រះវិហារ បានបង្ក្រាបករណីដឹកជញ្ជូនឈើដោយខុសច្បាប់ រឹបអូសបានរថយន្តមួយគ្រឿង និងឈើប្រណីតជាច្រើនដុំ ខណៈជនសង្ស័យបានរត់គេចខ្លួនបាត់ស្រមោល ។ ករណីបង្ក្រាបការដឹកជញ្ជូនឈើដោយខុសច្បាប់នេះ…
ខេត្តព្រះវិហារ ៖ មន្ត្រីឧទ្យានុរក្ស នៃមន្ទីរបរិស្ថានខេត្តព្រះវិហារ បានបង្ក្រាបករណីដឹកជញ្ជូនឈើដោយខុសច្បាប់ រឹបអូសបានរថយន្តមួយគ្រឿង និងឈើប្រណីតជាច្រើនដុំ ខណៈជនសង្ស័យបានរត់គេចខ្លួនបាត់ស្រមោល ។
ករណីបង្ក្រាបការដឹកជញ្ជូនឈើដោយខុសច្បាប់នេះ ធ្វើឡើងកាលពីថ្ងៃទី៣០ ខែមីនា ឆ្នាំ២០២៦ ដោយកម្លាំងមន្ត្រីឧទ្យា
នុរក្ស ប្រចាំស្នាក់ការក្បាលដំរី ដឹកនាំដោយលោក នៅ ប្រុស អនុប្រធានការិយាល័យដែនជម្រកសត្វព្រៃព្រះរកា-ឆែប បានចុះស្ទាក់ចាប់រថយន្តដឹកឈើខុសច្បាប់ ខណៈកំពុងធ្វើសកម្មភាពលួចលាក់ឆ្លងកាត់តំបន់ការពារធម្មជាតិ ។
បើតាមមន្ត្រីជំនាញអោយដឹងថា ប្រតិបត្តិការនេះ បានធ្វើឡើងនៅចំណុចនិយាមកា(៥៣៦៧០៦-១៥៦១១៣៨) ស្ថិតក្នុងភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ ។
វត្ថុតាងដែលដកហូតបាននៅក្នុងកិច្ចប្រតិបត្តិការនោះ សមត្ថកិច្ចបានដកហូតវត្ថុតាងរួមមាន ៖ រថយន្តមួយគ្រឿង ម៉ាក Highlander ពណ៌ស្ករ ពាក់ស្លាកលេខ ភ្នំពេញ 2AP-1443 ។ ឈើប្រភេទ សុក្រំ (ឈើជ្រុង) ចំនួន ០.៨៦៧ ម៉ែត្រត្រីគុណ។
ទាក់ទិនករណីខាងលើនេះតាមប្រភពព័ត៌មានអោយដឹងថា ក្នុងអំឡុងពេលសមត្ថកិច្ច ពង្រាយកម្លាំងស្ទាក់ចាប់ អ្នកបើកបររថយន្តបង្កបានឆ្លៀតឱកាសរត់គេចខ្លួនបាត់ពីកន្លែងកើតហេតុ បន្សល់ទុកតែរថយន្ត និងវត្ថុតាងឈើតែប៉ុណ្ណោះ ។
បច្ចុប្បន្ន វត្ថុតាងរថយន្ត និងឈើសុក្រំទាំងអស់ ត្រូវបានមន្ត្រីជំនាញនាំយកទៅរក្សាទុកជាបណ្តោះអាសន្ននៅស្នាក់ការក្បាលដំរី ដើម្បីរៀបចំកសាងសំណុំរឿងបញ្ជូនទៅកាន់តុលាការ និងចាត់ការតាមនីតិវិធី នៃច្បាប់ស្តីពីតំបន់ការពារធម្មជាតិ ៕
ចែករំលែកព័តមាននេះ