ការម៉ាស្សា គឺជាវិធីសាស្ត្របែបបុរាណដែលគេប្រើសម្រាប់ព្យាបាលតាមបែបចលនា ហើយអាចជួយឲ្យសរសៃឈាមរត់បានស្រួល ក៏ដូចជាជួយបំបាត់នៅការឈឺចុកចាប់លើសារពាង្គកាយ ភាពហត់នឿយ ស្មុគស្មាញនៅក្នុងអារម្មន៍ជាដើម។ ការម៉ាស្សាមានច្រើនប្រភេទ។ បច្ចុប្បន្ននេះការម៉ាស្សាបែបបុរាណខ្មែរ កំពុងតែពេញនិយមសម្រាប់អ្នកចូលចិត្តម៉ាស្សា ដើម្បីធ្វើឱ្យខ្លួនឯងមានអារម្មណ៍ស្រស់ថ្លា និងសុខភាពល្អ។
ម៉ាស្សាបុរាណខ្មែរ គឺជាប្រភេទម៉ាស្សាបែបស្ងួត ដោយផ្តោតទៅលើចំណុចសំខាន់ៗមួយចំនួននៃសារពាង្គកាយដូចជា ប្រព័ន្ធសន្លាក់ សរសៃពួរនៃសាច់ដំ និងចំណុចផ្សេងៗទៀតដែលមានការឈឺ ចុករោយនិងស្ពឹកស្រពន់។ល។ ហើយជាហាងដែលបម្រើការម៉ាស្សាលេខមួយ លើការម៉ាស្សាបែបខ្មែរបុរាណ អ្នកជំនាញខាងម៉ាស្សាម្នាក់នៅហាង ចំប៉ីស្ប៉ា បានប្រាប់ថា ខ្មែរម៉ាស្សា គឺជាប្រភេទម៉ាស្សាតាមបែបបុរាណដែលពេញនិយមខ្លាំងសម្រាប់អតិថិជន ។
លោកបានឱ្យដឹងថា របៀបនៃការធ្វើខ្មែរម៉ាស្សា គឺវាមានលក្ខណៈចុចជាបន្ទាត់ សង្កត់តាមសរសៃពួរសាច់ដុំ ពត់ដៃ ពត់ជើង ពត់ចង្កេះ និងធ្វើចលនានៅតាមប្រព័ន្ធសាច់ដុំ សន្លាក់ដៃ សន្លាក់ជើងដែលមានការឈឺចុករោយ ស្ពឹកស្រពន់ និងបញ្ហាផ្សេងទៀតដែលឧស្សាហ៍កើតមាននៅលើសារពាង្គកាយទាំងមូល ជាពិសេសនោះគឺនៅលើសាច់ដុំនៃសរសៃពួរជើង សរសៃពួរនៃឆ្អឹងខ្នង សន្លាក់ដៃ សន្លាក់ជើង ត្រគៀក ចង្កេះ និងភាពធុញថប់ដែលកើតមាននៅក្នុងអារម្មណ៍។
លោក វ៉ាត់ ណាឡុំ បានប្រាប់បន្តថា ការម៉ាស្សាប្រភេទនេះ គឺវាសាកសមសម្រាប់អតិថិជនដែលគាត់មានការហត់នឿយក្នុងអារម្មណ៍ ដោយសារសំពាធការងារច្រើន ឧស្សាហ៍ឈឺចុករោយតាមសន្លាក់ដៃ សន្លាក់ជើង ត្រគៀក ចង្កេះ…ល។
គ្រូបង្រៀននៅហាងចំប៉ីស្ប៉ារូបនេះ បានប្រាប់បន្ថែមថា «ការរួមបញ្ជូលគ្នារវាងបញ្ហាផ្លូវចិត្ត និងបញ្ហាផ្នែករាង្គកាយ គឺវាមានផលប៉ះពាល់ជាច្រើនដល់សុខភាពអារម្មណ៍ ការលេងកីឡា និងធ្វើការធ្ងន់ៗ វាបណ្តាលសារពាង្គកាយមានការឈឺចុករោយ អញ្ចឹងនៅពេលដែលយើងធ្វើខ្មែរម៉ាស្សាវាអាចជួយកាត់បន្ថយនៅភាពតានតឹងក្នុងអារម្មណ៍ ធ្វើឱ្យយើងគេងលក់ស្រួល បំបាត់ការឈឺចុកចាប់លើសារពាង្គកាយដោយសារតែការព្យាបាលតាមបែបចលនាមួយនេះ ។
អត្ថប្រយោជន៍ ៖ វាមានសារសំខាន់ណាស់ក្នុងការជូយបំបាត់នូវការឈឺចុករោយ ស្ពឹកស្រពន់ កាត់បន្ថយនៅការឈឺសន្លាក់ផ្សេងៗ និងសាច់ដុំនៃសារពាង្គកាយទាំងមូលបាន ជាពិសេសវាអាចជួយបង្កើនថាមពលនៅក្នុងអារម្មណ៍ដែលធ្វើឱ្យសារពាង្គកាយទាំងមូលទទួលបាននូវភាពធូរស្រាល និងអារម្មណ៍រីករាយស្រស់ថ្លា។
លោកបញ្ជាក់ថា សម្រាប់ហាងចំប៉ីស្ប៉ា ប្រភេទសេវាកម្មខ្មែរម៉ាស្សា គឺឈរនៅលំដាប់លេខមួយ ដែលបានលក់ដាច់ និងល្អជាងគេនៅរាជធានីភ្នំពេញ។ មានអតិថិជន70ភាគរយ ដែលគាត់ចូលចិត្តម៉ាស្សា ពួកគេបានជ្រើសរើសយកសេវាកម្មមួយនេះទាំងជនជាតិខ្មែរ និងភ្ញៀវបរទេស ដោយសារតែលក្ខណៈនៃការម៉ាស្សាធ្វើឡើងមិនស៊ាំញ៉ាំ និងជាការម៉ាស្សាបែបស្ងួត។ ចលនានៃការធ្វើម៉ាស្សាមានស្តង់ដាខ្ពស់ តំលៃសមរម្យ បុគ្គលិកមានភាពរួសរាយរាក់ទាក់ ផ្តល់សេវាកម្មប្រកបទៅដោយជំនាញ និងបទពិសោធន៍ច្បាស់លាស់ ទីកន្លែងស្រសស្អាត សុវត្តិភាព និងអនាម័យល្អ ។
លោកពន្យល់ថា «ចំប៉ីស្ប៉ា គឺមានលោកគ្រូ អ្នកគ្រូដែលពួកគាត់មានជំនាញច្បាស់លាស់ និងបទពិសោធន៍ច្រើនឆ្នាំសំរាប់ធ្វើការបង្ហាត់បង្រៀនទៅលើបុគ្កលិកផ្នែកម៉ាស្សាគ្រប់រូប ដោយធានាឱ្យបាននៅគុណភាពខ្ពស់ សេវាកម្មល្អ និងស្ទាត់ជំនាញ»។
ចែករំលែកព័តមាននេះ