ខេត្តកំពង់ចាម ៖ នៅស្នាក់ការគណបក្សប្រជាជនកម្ពុជាស្រុកកងមាស កាលពីរសៀលថ្ងៃទី២ ធ្នូ ឆ្នាំ២០១២ មានប្រារព្ធធ្វើមីទ្ទិញអបអរសាទរខួបអនុស្សាវរីយ៍លើកទី៣៤ថ្ងៃកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា ក្រោមអធិបតីភាពលោកមិន ឃិន អនុប្រធាន អចិន្ត្រៃយ៍ និងជាអគ្គលេខាធិការក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា និងជាប្រធានក្រុមការងារ
ខេត្តកំពង់ចាម ៖ នៅស្នាក់ការគណបក្សប្រជាជនកម្ពុជាស្រុកកងមាស កាលពីរសៀលថ្ងៃទី២ ធ្នូ ឆ្នាំ២០១២ មានប្រារព្ធធ្វើមីទ្ទិញអបអរសាទរខួបអនុស្សាវរីយ៍លើកទី៣៤ថ្ងៃកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា ក្រោមអធិបតីភាពលោកមិន ឃិន អនុប្រធាន អចិន្ត្រៃយ៍ និងជាអគ្គលេខាធិការក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា និងជាប្រធានក្រុមការងារចុះជួយស្រុកកងមាស ដោយមានការចូលរួមពីសមាជិក សមាជិកាចំនួន១៨០នាក់ ។
លោកមិន ឃិន បានអានសាររបស់សម្តេចអគ្គមហាពញាចក្រី ហេង សំរិន ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា ដែលបានលើកឡើងថា ការប្រារព្ធធ្វើមីទ្ទិញអបអរសាទរខួបអនុស្សាវរីយ៍លើកទី៣៤ទិវាកំណើតរណសិរ្ស២ធ្នូ ជាប្រវត្តិសាស្ត្រដែលបានរំដោះ និងសង្គ្រោះជាតិមាតុភូមិ និងប្រជាជនកម្ពុជាឲ្យរស់រានមានជីវិតឡើងវិញរួចផុតពីគ្រោះមហន្តរាយ និងការកាប់សម្លាប់នៃរបបកម្ពុជាប្រជាធិបតេយ្យរបស់ប៉ុលពត ។ ផ្អែកលើមូលដ្ឋាននេះហើយដែលធ្វើឲ្យប្រជាជនកម្ពុជានៅចងចាំបានថា រណសិរ្ស២ធ្នូគឺជាបុព្វការីដ៏មានមហាគុណូបការៈចំពោះជាតិ និងប្រជាជនកម្ពុជា ស្របនឹងទិសស្លោកជាសច្ចធម៌ជាប្រវត្តិសាស្ត្រដែលថា មានថ្ងៃ២ធ្នូ ទើបមានថ្ងៃ៧មករា មានថ្ងៃ៧មករា ទើបមានការរីកចម្រើនដូចសព្វថ្ងៃនេះ ក្រោមការដឹកនាំប្រកបដោយគតិបណ្ឌិតខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
លោកមិន ឃិន មានប្រសាសន៍បញ្ជាក់ថាមីទ្ទិញដែលយើងប្រារព្ធធ្វើនាពេលនេះគឺក្នុងស្មារតីគោរពដឹងគុណយ៉ាងជ្រាលជ្រៅបំផុតចំពោះវីរយុទ្ធជន យុទ្ធនារី និងអ្នកស្នេហាជាតិគ្រប់ជំនាន់ ដែលបានធ្វើពលីកម្មធំធេងនៅគ្រប់សម័យកាល ។ រណសិរ្ស២ធ្នូ មិនត្រឹមតែសង្គ្រោះយើងទាំងអស់គ្នាឲ្យចាកផុតពីគ្រោះមហន្តរាយនៃរបបប្រល័យពូជសាសន៍ប៉ុណ្ណោះទេ ប៉ុន្តែរណសិរ្ស២ធ្នូបានជួយស្តារ កសាង និងអភិវឌ្ឍន៍សង្គមជាតិនៅគ្រប់ទិសទីធ្វើឲ្យមាតុភូមិកម្ពុជាមានការកែប្រែមុខមាត់ថ្មីជាបន្តបន្ទាប់ ។
លោកស្រី ឈឹម ខេមា អនុប្រធានរណសិរ្សសាមគ្គីអភិវឌ្ឍន៍មាតុភូមិកម្ពុជា ស្រុកកងមាសថ្លែងថា រណសិរ្សសាមគ្គីអភិវឌ្ឍន៍មាតុភូមិកម្ពុជា គឺជាបុព្វការីដ៏មានគុណបំផុតរបស់យើងខ្ញុំ ព្រោះថារណសិរ្សនេះហើយដែលនាំមកនូវមហាជ័យជម្នះថ្ងៃ៧មករា ដែលបានសង្គ្រោះជីវិតឲ្យរួចផុតពីសេចក្តីស្លាប់ និងបានរស់នៅក្នុងកិត្តិយស សេចក្តីថ្លៃថ្នូរ រីកចម្រើនសម្បូរសប្បាយ និងមានសិទ្ធិសេរីភាពយ៉ាងទូលំទូលាយ ។
យើងខ្ញុំចងចាំជានិច្ចអ្នកមានគុណដែលបានសង្គ្រោះជីវិត បានហូបទឹកមិនភ្លេចប្រភពទឹក បានហូបផ្លែឈើមិនភ្លេចអ្នកដាំ ។ក្នុ្ងងឱកាសនោះ លោកមិន ឃិន ក៏បានឧបត្ថម្ភដល់សមាជិក សមាជិកាដែលបានចូលរួមទាំង១៨០នាក់ ក្នុងម្នាក់ៗទទួលបានសារុង១ សៀវភៅមហាសង្រ្កាន្ត១ក្បាល និងប្រតិទិន១សន្លឹក ៕
ចែករំលែកព័តមាននេះ