សត្វទាកាបមួយនេះចេះនោះចេះ តែស្តាយងាប់បាត់
- កំពត
ខេត្តកំពត ៖ សត្វទាឈ្មោលមួយក្បាល សំបុរខ្មៅ ត្រូវពលរដ្ឋម្នាក់រស់នៅភូមិកោះត្រាច ឃុំស្វាយទងខាងត្បូង ស្រុកកំពង់ត្រាច រើសបានកាលពីឆ្នាំ២០១៦ មកចិញ្ចឹមរហូតដល់សព្វថ្ងៃ ។…
ខេត្តកំពត ៖ សត្វទាឈ្មោលមួយក្បាល សំបុរខ្មៅ ត្រូវពលរដ្ឋម្នាក់រស់នៅភូមិកោះត្រាច ឃុំស្វាយទងខាងត្បូង ស្រុកកំពង់ត្រាច រើសបានកាលពីឆ្នាំ២០១៦ មកចិញ្ចឹមរហូតដល់សព្វថ្ងៃ ។ ប៉ុន្តែអ្វីជាការសម្គាល់ និងភ្ញាក់ផ្អើលនោះ គឺវាបានស្គាល់និងស្រឡាញ់ម្ចាស់ខ្លាំណាស់ ដោយវាចូលចិត្តដើរតាមម្ចាស់ជានិច្ច ។ អ្វីដែលកាន់តែចម្លែកទៀតនោះ សូម្បីតែម្ចាស់ទៅឈរមើលគេលេងបាល់ ឬទៅចូលរួមមង្គលការអ្នកភូមិ ក៏វាហើរទៅតាមម្ចាស់ដែរ ។
បើតាមអ្នកភូមិកោះត្រាច ម្នាក់ៗគឺសុទ្ធតែបានស្គាល់ទាំងអស់ហើយអះអាងថា សត្វទាមួយក្បាលនេះ ពិតជាអស្ចារ្យណាស់ ចេះដើររកម្ចាស់មិនថា យប់ឬថ្ងៃឡើយ ។ ឯស្ត្រីជាប្រពន្ធម្ចាស់ទាក៏បាននិយាយដែរថា ដោយសាតែទាមួយក្បាលចេះដើរតាមប្ដីស្និទ្ធិពេក គាត់ក៏បានទៅរកគ្រូទស្សទាយមើលទៀតផង ។
បើតាមប្រពន្ធម្ចាស់ទានិយាយថា សត្វទាដែលចេះមួយក្បាលនេះបានងាប់ កាលពីថ្ងៃទី០៩ មករា កន្លងមក គឺក្នុងពេលប្តីគាត់ឈ្មោះតុល ប៉ុក ជាម្ចាស់ទា បានចេញទៅដូរកន្ទេលថ្នូរយកស្រូវនៅឯខេត្តផ្សេងៗមក ។ នៅពេលប្តីគាត់មិននៅផ្ទះ គាត់ឃើញទានេះហាក់ដូចនឹកម្ចាស់ណាស់ ដោយវាអត់ព្រមស៊ីចំណីអ្វីទាំងអស់ រហូតដល់វាងាប់តែម្តង ។
មកទល់ថ្ងៃទី១៥ មករា នេះ គាត់មិនទាន់បានប្រាប់ដំណឹងសត្វទានេះងាប់ទៅដល់ប្ដីគាត់ទេ ដោយរង់ចាំប្តីត្រឡប់មកផ្ទះវិញសិន ។
ចែករំលែកព័តមាននេះ