ខេត្តរតនគិរី ៖ ដីព្រៃការពារដោយបរិស្ថានរាប់រយហិកតាត្រូវបានក្រុមឈ្មួញកំពុងប្រើគ្រឿងចក្រជាច្រើនគ្រឿងធ្វើការឈូសឆាយយ៉ាងអនាធិបតេយ្យយកធ្វើជាកម្មសិទ្ធដោយពុំមានសមត្ថកិច្ចហ៊ានចូលទៅត្រួតពិនិត្យឬបង្ក្រាប់ឡើយ។
ទីតាំងដែលក្រុមឈ្មួញប្រើប្រាស់គ្រឿងចក្រកំពុងធ្វើការឈូសឆាយរំលោភយកធ្វើជាកម្មសិទ្ធនោះស្ថិតនៅភូមិសាយ៉ោះ ឃុំកាឡែង ស្រុកលំផាត់ខេត្តរតនគិរី។
តាមប្រភពពិប្រជាពលរដ្ឋនៅក្បែរនោះបានឱ្យដឹងថាដីដែលក្រុមឈ្មួញធ្វើការឈូសឆាយនោះមានរាប់រយរាប់ពាន់ហិកតាឯណោះគឺផ្តើមឡើងពីក្រុមឈ្មួញកណ្តាល(អ្នកគួកជេ)ប្រមូលទិញចំការស្វាយចន្ទីពីប្រជាពលរដ្ឋអ្នកភូមិហើយលក់បន្តឱ្យឈ្មួញធំហើយក៏មានការឃុបឃិតគ្នាជាប្រព័ន្ធធ្វើប្លង់ក្តោបចូលដល់ដីដែនគ្រប់គ្រងដោយបរិស្ថាន គឺទិញបានដុំៗ រួចឈូសប្រមូលយកទាំងដុលតែម្តង ។
ប្រភពបន្តថាអ្នកដែលប្រមូលទិញដីចំការចន្ទីពីប្រជាពល់រដ្ឋនោះជាងមួយឆ្នាំមកហើយគឺជាកុងសែរត្បូងប្រចាំនៅខេត្តរតនគិរីនេះហើយក្រោយពីបានធ្វើប្លង់ក្តោបដល់ដីដែនគ្រប់គ្រងដោយបរិស្ថាន់នោះរួចមកក្រុមឈ្មួញក៏បានដាក់គ្រឿងចក្រឈូសឆាយតែម្តងដោយរំលោភយកដល់ដីបរិស្ថាន យ៉ាង អនាធិបតេយ្យ ដោយពុំមានសមត្ថកិច្ចណាហ៊ានចូលត្រួតពិនិត្យឬបង្ក្រាបឡើយ។
ឯការឈូសឆាយនោះក្រុមឈ្មួញបានប្រើគ្រឿងចក្រឈូសឆាយរយៈពេលជាងពីខែមកហើយរហូតមកដល់បច្ចុប្បន្នកំពុងតែធ្វើការឈូសឆាយនៅឡើយ ឡើងវាលអស់ហើយ។
ប្រជាពល់រដ្ឋភាគច្រើនមានការព្រួយបារម្ភខ្លាំងណាស់ដែលឃើញក្រុមឈ្មួញឈូសឆាយដីដែលមិនត្រឹមតែដីដែលពួកគាត់បានលក់ឱ្យនោះទេបែជាឈូសចូលដល់ដីដែនបរិស្ថានរាប់រយហិកតាយកធ្វើជាកម្មសិទ្ធបែបនេះដែលជាដីរបស់រដ្ឋដោយអាជ្ញាធរគ្រប់លំដាប់ថ្នាក់មិនអើពើសោះឡើយ។
ទាក់ទឹននិងការឈូសឆាយដីចូលដល់ដែនគ្រប់គ្រងដោយបរិស្ថាននេះដែរមិនអាចសុំការបំភ្លឺពីអាជ្ញាធរនិងមន្ត្រីជំនាញបានឡើយខ្លះទូរស័ព្ទមិនចូល ខ្លះចូលហើយមិនខ្ចីលើកឡើយបែបស្គាល់ជាអ្នកកាសែតនាំពិបាកឆ្លើយតែដឹង? សង្ឃឹមថានិងមានមន្ត្រីនិងសមត្ថកិច្ចជំនាញចុះស៊ើបអង្កេតក្នុងកណីខាងលើនេះ ដើម្បីយកមកវិញ ឬមួយក៏ឃុបឃិតជាមួយឈ្មួញអ្នកមានអស់ទៅហើយ ក៏មិនទាន់ហ៊ានចោទដែរ…ហេ! ហេ! ។
ព័ត៌មានបន្តមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ