កំពង់ស្ពឺ ៖ យ៉ាងហោចណាស់មានមនុស្ស២នាក់ដែលជាម្តាយ និងកូន ត្រូវបាននគរបាកខេត្តកំពង់ស្ពឺធ្វើការឃាត់ខ្លួនដោយសារតែបានប្រព្រឹត្តបទល្មើសក្លែងអត្តសញ្ញប័ណ្ណ។ ក្រោយពេលឃាត់ខ្លួន សមត្ថកិច្ចដកហូតបានវត្ថុតាងបម្រើឲ្យការផលិតអត្តសញ្ញាណប័ណ្ណក្លែងក្លាយមួយចំនួនផងដែរ។ ការបង្ក្រាបនេះធ្វើឡើងកាលពីវេកាម៉ោង៣ និង២០នាទី ថ្ងៃសុក្រ…
កំពង់ស្ពឺ ៖ យ៉ាងហោចណាស់មានមនុស្ស២នាក់ដែលជាម្តាយ និងកូន ត្រូវបាននគរបាកខេត្តកំពង់ស្ពឺធ្វើការឃាត់ខ្លួនដោយសារតែបានប្រព្រឹត្តបទល្មើសក្លែងអត្តសញ្ញប័ណ្ណ។ ក្រោយពេលឃាត់ខ្លួន សមត្ថកិច្ចដកហូតបានវត្ថុតាងបម្រើឲ្យការផលិតអត្តសញ្ញាណប័ណ្ណក្លែងក្លាយមួយចំនួនផងដែរ។ ការបង្ក្រាបនេះធ្វើឡើងកាលពីវេកាម៉ោង៣ និង២០នាទី ថ្ងៃសុក្រ ១១រោច ខែបុស្ស ឆ្នាំរកា នព្វស័ក ពស២៥៦១ ត្រូវនឹងថ្ងៃទី១២ ខែមករា ឆ្នាំ២០១៨ នៅចំណុចភូមិព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ។
ការបង្ក្រាបនេះ ដឹកនាំកម្លាំងដោយលោកឧត្តមសេនីយ៍ត្រី សោម បូរ៉ា ស្នងការរង នគរបាលខេត្តកំពង់ស្ពឺ សហការណ៍ជាមួយកម្លាំងជំនាញ នៃស្នងការដ្ឋាននគរបាលខេត្តកំពង់ស្ពឺ អធិការដ្ឋាននគរបាលស្រុកសំរោងទង ប៉ុស្តិ៍នគរបាលឃុំត្រពាំងគង។ ក្រោមការដឹកនាំសម្របសម្រួលដោយលោក អ៊ូ ផាត ព្រះរាជអាជ្ញារងអមសាលាដំបូងខេត្តកំពង់ស្ពឺ បានធ្វើការចុះបង្ក្រាបកន្លែងធ្វើអត្តសញ្ញាណប័ណ្ណក្លែងក្លាយមួយកន្លែងមានស្លាកយីហោ ស៊ី ណាត ថតរូបបោះពុម្ពធៀបការ ស្ថិតនៅក្នុងភូមិផ្សារព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ និងឃាត់ខ្លួនមនុស្ស ២នាក់មានឈ្មោះដូចខាងក្រោម៖
១.ឈ្មោះ ញឹល គឹមស្រ៊ុន ភេទស្រី អាយុ៤៣ ឆ្នាំ(ម្តាយ) នៅភូមិផ្សារព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ ។ ២.ឈ្មោះ ណាំ ប៊ុនហេង ភេទប្រុស អាយុ១៧ឆ្នាំ (ត្រូវជាកូន)នៅភូមិផ្សារព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ។ វត្ថុតាងដែលដកហូតបានរួមមាន ម៉ាស៊ីនព្រីន ១គ្រឿង,CPU ១គ្រឿង,ម៉ូនីទ័រ ១គ្រឿង ,ម៉ាស៊ីនស្កេន១គ្រឿង,សម្ភារអ៊ុតកាត១គ្រឿង, keyboard ១បន្ទះ, mouse ១គ្រឿង និងអត្តសញ្ញាណប័ណ្ណសញ្ជាតិខ្មែរ ១សន្លឹក។ បន្ទាប់ពីឃាត់ខ្លួនជនសង្ស័យទាំង២នាក់ ត្រូវបានបញ្ជូនទៅកាន់ស្នងការនគរបាលខេត្តកសាងសំណុំរឿងបញ្ជូនទៅសាលាដំបូងចាត់ការតាមនីតិវិធី៕
ចែករំលែកព័តមាននេះ