ការជាប់ពាក់ព័ន្ធគ្នារវាងភាពតានតឹងក្នុងអារម្មណ៍ និងជំងឺវិកលចរិតតែងតែមានភាពមិនច្បាស់លាស់ តែបើយោងតាមការសិក្សាថ្មីមួយបានបង្ហាញថា ភាពតានតឹងនៅក្នុងអារម្មណ៍អាចនាំឱ្យកើតជំងឺវិកលចរិតបាន ។ ការរកឃើញដែលត្រូវបានគេបោះពុម្ពផ្សាយនៅក្នុងកាសែត Neurology របស់អាមេរិក ជាលទ្ធផលដែលកើតចេញពីការសិក្សាលើអ្នកស្ម័គ្រចិត្ដជិត១ពាន់នាក់ដោយចំណាយពេលជិត១៧ឆ្នាំ ។ នៅក្នុងការពិសោធន៍ដែល ប្រកបទៅដោយកំរិតស្ដង់ដាមួយ ក្រុមអ្នកស្រាវជ្រាវបានរកឃើញថា អ្នកដែលមានភាពតានតឹងខ្លាំងនៅក្នុងអារម្មណ៍គឺជាអ្នកដែលប្រឈមនឹងការកើតជំងឺវិកលចរិតទ្វេ
ដង ព្រមទាំងបង្កើនឱ្យមានជំងឺភ្លេចភ្លាំងផងដែរ ។
លោកវេជ្ជបណ្ឌិត Richard Issacson បាននិយាយថា នេះប្រហែលជាលទ្ធផលដ៏ល្អបំផុតមួយ ដ្បិតយើងបានចំណាយពេលដ៏យូរ ។ ដោយឡែក ការសិក្សាពីលើកមុនក៏បានពិនិត្យមើលពីការជាប់ទាក់ទងគ្នារវាងភាពតានតឹងក្នុងអារម្មណ៍ជាមួយនឹងជំងឺវិកលចរិតផងដែរ ប៉ុន្ដែលទ្ធផលពុំទាន់ច្បាស់លាស់នៅឡើយទេ ដ្បិតការសិក្សាមានរយៈពេលខ្លីពេក ។ នេះមានន័យថា ការសិក្សានោះមិនបានបង្ហាញឱ្យច្បាស់ថា តើភាពតានតឹងនៅក្នុងអារម្មណ៍អាចធ្វើឱ្យមានវិកលចរិត ឬក៏ពាក់ព័ន្ធជាមួយអ្វីមួយទៀតទេ ។
មូលហេតុនៃការជាប់ពាក់ព័ន្ធគ្នារវាងភាពតានតឹងក្នុងអារម្មណ៍ និងជំងឺវិកលចរិត គឺថាភាពតានតឹងតប់ប្រមល់ជាសញាដំបូងនៃការផ្លាស់ប្ដូរខួរក្បាល ដែលប្រការនេះនាំឱ្យមានជំងឺវិកលចរិត ។ លំហាត់ប្រាណ និងការធ្វើការងារនៅក្នុងសង្គមផ្សេងៗត្រូវបានគេរកឃើញថា អាចទប់ស្កាត់ការកើតជំងឺ វិកលចរិតបាន ។ ការសិក្សាក៏បានរកឃើញទៀតថា មនុស្សដែលមានអារម្មណ៍តានតឹងមិនចង់ធ្វើអ្វីមួយនោះទេ ពោលគឺចូលចិត្ដនៅស្ងៀម ហើយតែងតែមានចិត្ដរុញរាច្រើន ។ ទំលាប់ទាំងអស់នោះហើយដែលសុទ្ធតែជាមូលហេតុនាំឱ្យកើតជំងឺវិកលចរិត។
លោកវេជ្ជបណ្ឌិតRichard Issacson បាននិយាយទៀតថា មនុស្សដែលមានចិត្ដសប្បាយៗក្លៀវក្លាពិតជាអាចគេចផុតពីជំងឺវិកល
ចរិតបាន ។ មួយវិញទៀតការទទួលទានអាហារដែលសំបូរទៅដោយអាស៊ីតខ្លាញ់ អូមេហ្គា៣ ការគ្រប់គ្រងកូឡេស្ដេរ៉ូល និងកំរិតជាតិស្ករក្នុងឈាមឱ្យនៅថេរ ក៏ជាផ្នែកមួយជួយការពារមិនឱ្យកើតជំងឺមហារីកផងដែរ ៕
ចែករំលែកព័តមាននេះ