មេរោគមួយត្រូវបានប្រទះឃើញនៅលើហ្វេសប៊ុក
ទីក្រុងសិង្ហបុរី ៖ ប្រសិនបើអ្នកទទួលបានសារមួយលើ Facebook ពីមិត្តរបស់អ្នកដែលសួរថា «តើធ្លាប់ឃើញវីដេអូនេះទេ» សូមកុំចុចលើវា ព្រោះវាអាចជាមេរោគ Malware ។…
ទីក្រុងសិង្ហបុរី ៖ ប្រសិនបើអ្នកទទួលបានសារមួយលើ Facebook ពីមិត្តរបស់អ្នកដែលសួរថា «តើធ្លាប់ឃើញវីដេអូនេះទេ» សូមកុំចុចលើវា ព្រោះវាអាចជាមេរោគ Malware ។…
ទីក្រុងសិង្ហបុរី ៖ ប្រសិនបើអ្នកទទួលបានសារមួយលើ Facebook ពីមិត្តរបស់អ្នកដែលសួរថា «តើធ្លាប់ឃើញវីដេអូនេះទេ» សូមកុំចុចលើវា ព្រោះវាអាចជាមេរោគ Malware ។
អ្នកប្រើប្រាស់កម្មវិធី Facebook Messenger ក្នុងប្រទេសសិង្ហបុរីបានរាយការណ៍ថា មើលឃើញមិត្តរបស់ពួកគេផ្ញើសារបោកបញ្ឆោតឲ្យចុចដូចខាងលើ ។
គេទំព័រ Hoax Slayer បានព្រមានពីសារនេះ ដោយនិយាយថា គេបង្កើតសារទាំងនេះឡើងដើម្បីលួចព័ត៌មានសម្ងាត់ទាក់ទិននឹងការចូលប្រើគណនីរបស់អ្នកប្រើប្រាស់ ឬបោកឲ្យអ្នកប្រើប្រាស់បញ្ចូលមេរោគ Malware ។
ពួកគេនិយាយថា ៖« ប្រសិនបើអ្នកទទួលបានសារនេះពីមិត្តលើ Facebook វាអាចមានន័យថា គណនីមិត្តរបស់អ្នកប្រហែលជាត្រូវបានគេចូលប្រើប្រាស់ហើយ » ។
ពួកគេបន្ថែមថា អ្នកដែលចុចលើ Link ក្នុងសារនេះ នឹងមើលឃើញគេហទំព័រមួយមានរូបរាងដូចនឹងគេហទំព័រ Login របស់ Facebook ហើយវានឹងឲ្យអ្នកវាយព័ត៌មានសម្ងាត់របស់ខ្លួនចូលក្នុងគេហទំព័រនោះ ដូចនៅពេលអ្នក Login ទើបអាចមើលវីដេអូនោះបាន។
ប៉ុន្តែវាគ្មានវីដេអូអ្វីឡើយ បន្ទាប់មក វានឹងលួចព័ត៌មានដើម្បីយកគណនីរបស់អ្នកទៅផ្ញើសារដូចៗគ្នាទៅកាន់មិត្តរបស់អ្នកនៅលើ Facebook ។
ការបោកបញ្ឆោតមួយទៀត គឺឲ្យអ្នកប្រើប្រាស់ Copy និង Paste លេខកូដម្យ៉ាងចូលទៅកាន់ Address Bar នៃកម្មវិធី Browser របស់ពួកគេដើម្បីមើលវីដេអូ ។ ប៉ុន្តែកូដនេះគឺជាមេរោគ Malware ដែលអនុញ្ញាតឲ្យពួក Hacker អាចគ្រប់គ្រងគណនីរបស់អ្នកប្រើប្រាស់ ។
ក្រុមហ៊ុន Kaspersky ក៏បានព្រមានអ្នកប្រើប្រាស់ពីការបោកបញ្ឆោតមួយទៀត ដែលឲ្យអ្នកប្រើប្រាស់ចុចលើគេហទំព័រមួយដើម្បីមើលភាពយន្ត ។ ប្រសិនបើយើងចុចលើវានោះ មេរោគនឹងគ្រប់គ្រងកម្មវិធី Browser និងទទួលបានព័ត៌មានសំខាន់ៗពីយើងថែមទៀត ។
បន្ទាប់មក មេរោគនេះនឹងប្រើប្រាស់កម្មវិធី Cookies ដើម្បីតាមដានសកម្មភាពរបស់អ្នកប្រើប្រាស់លើអ៊ីនធើរណេត, រៀបចំការផ្សាយពាណិជ្ជកម្មមួយចំនួនត្រូវនឹងចំណូលចិត្តអ្នកប្រើប្រាស់ ឬអាចជំរុញឲ្យយើងចុចលើការផ្សាយពាណិជ្ជកម្មទាំងនោះថែមទៀត ។
លោក David Jacoby អ្នកស្រាវជ្រាវផ្នែកសន្តិសុខក្នុង Kaspersky និយាយថា ៖«អ្នកនៅពីក្រោយការបោកបញ្ឆោតនេះ ប្រហែលជាកំពុងរកប្រាក់បានយ៉ាងច្រើនក្នុងផ្នែកផ្សាយពាណិជ្ជកម្ម ឬកំពុងគ្រប់គ្រងគណនី Facebook ជាច្រើន » ៕
ចែករំលែកព័តមាននេះ