យោងតាមការសិក្សាថ្មីមួយ ការធ្វើសមាធិអាចជួយកាត់បន្ថយអត្រារងគ្រោះដោយជំងឺគាំងបេះដូង និងដាច់សរសៃឈាមក្នុងខួរក្បាល ។ ក្រុមអ្នកស្រាវជ្រាវបានរកឃើញថា ការតាំងសមាធិដោយភាវនាធម៌អាចកាត់បន្ថយការគាំងបេះដូងបានពាក់កណ្តាល ។
នៅក្នុងការពិសោធ អ្នកមានជំងឺបេះដូងដែលតាំងសមាធិដោយទន្ទេញធម៌ក្នុងចិត្តរយៈពេល២០នាទី២ដងក្នុងមួយថ្ងៃប្រឈមនឹង
យោងតាមការសិក្សាថ្មីមួយ ការធ្វើសមាធិអាចជួយកាត់បន្ថយអត្រារងគ្រោះដោយជំងឺគាំងបេះដូង និងដាច់សរសៃឈាមក្នុងខួរក្បាល ។ ក្រុមអ្នកស្រាវជ្រាវបានរកឃើញថា ការតាំងសមាធិដោយភាវនាធម៌អាចកាត់បន្ថយការគាំងបេះដូងបានពាក់កណ្តាល ។
នៅក្នុងការពិសោធ អ្នកមានជំងឺបេះដូងដែលតាំងសមាធិដោយទន្ទេញធម៌ក្នុងចិត្តរយៈពេល២០នាទី២ដងក្នុងមួយថ្ងៃប្រឈមនឹងការគាំងបេះដូង ដាច់សរសៃឈាមក្នុងខួរក្បាលតែ៤៨ភាគរយប៉ុណ្ណោះធៀបទៅនឹងអ្នកជំងឺផ្សេងដែលមិនធ្វើសមាធិ ។ បន្ថែមពីលើនេះទៀត ការសមាធិតាំងអារម្មណ៍ជួយបញ្ចុះសម្ពាធឈាម កាត់បន្ថយបានភាពតានតឹង ( Stress) និងកំហឹងទៀតផង ។
អ្នកដឹកនាំការស្រាវសិក្សា វេជ្ជបណ្ឌិត Robert Schneiderនាយកវិទ្យាស្ថានឱសថធម្មជាតិនិងការបង្ការបានថ្លែងថា ៖«យើងទាញបានសម្មតិកម្មថា កាត់បន្ថយ Stress ដោយការគ្រប់គ្រងទំនាក់ទំនងចិត្ត និងរាងកាយនឹងជួយធ្វើឱ្យល្អប្រសើរនូវកម្រិតជំងឺឆ្លង ។ វាបានបង្ហាញថា ការធ្វើសមាធិភាវនាធម៌ គឺជាបច្ចេកទេសមួយដែលបើកឱសថស្ថានផ្ទាល់របស់រាងកាយដើម្បីជួសជុលនិងថែរក្សាខ្លួនវា »។ លោកវេជ្ជបណ្ឌិតបានបន្ថែមថា ៖«ការធ្វើសមាធិនេះ មិនត្រឹមតែមានអត្ថប្រយោជន៍តែលើអ្នកជំងឺបេះដូងប៉ុណ្ណោះទេ ប៉ុន្តែសម្រាប់អ្នកមានសុខភាពធម្មតាក៏ទទួលបានលទ្ធផលដូចគ្នាដែរ» ៕
ចែករំលែកព័តមាននេះ