តាមប្រភពព័ត៌មាន News18 បានឲ្យដឹងថា កីឡាករជើងខ្លាំងប្រចាំក្លឹបអ្នកមានបុណ្យ បានអះអាងថា ខ្លួនត្រូវខិតខំបន្តទៀត ដើម្បីឲ្យល្អគ្រប់ជ្រុងជ្រោយ ។
នេះមិនដូច Ronaldo ទេ ដែលអួតខ្លួនឯងថា ល្អផ្តាច់គេគ្រប់ផ្នែកនៃបាល់ទាត់ ។ Lionel Messi ថា ខ្លួននៅមិនទាន់ខ្លាំងគ្រប់នោះទេ ព្រោះថានៅខ្សោយខាងស៊ុតប៉េណាល់ទី ។
ការនិយាយបែបនេះ ហាក់បីដូចជាមិនសូវសមដែរ ព្រោះតែ Messi ជាជើងខ្លាំងស្រាប់ក្នុងភ្នែកមនុស្សភាគច្រើន ។ ជាងនេះទៅទៀត Messi ក៏ទើបតែរកគ្រាប់បាល់ជូនក្រុមកាលពីប្រកួតជាមួយនឹង Real Madrid នៅ Clasico កាលពីពេលកន្លងទៅ ដោយប្រើប្រាស់បច្ចេកទេសស៊ុតប៉េណាល់ទីដែរ ។ នេះពិតជាខ្លាំង ហើយនៅតែដាក់ខ្លួនទៀត ។
ដោយសារតែអាយុរបស់ Messi ឆ្នាំនេះ ៣០ឆ្នាំទៅហើយ ។ គេមិនសូវសង្ឃឹមទេថា នឹងអាចឃើញ Messi លេងនៅ World Cup ២០២២ ។ នៅពេលគេសួរពីគម្រោងនៅថ្ងៃអនាគតក្រោយពេលចូលនិវត្តន៍ Messi ថា ខ្លួននឹងប្រហែលមិនធ្វើជាគ្រូបង្វឹកទេ ។ រូបលោកគ្រាន់តែចង់ធ្វើជាឪពុកល្អម្នាក់តែប៉ុណ្ណោះ ៕
ចែករំលែកព័តមាននេះ