លេចធ្លាយថា Ronaldo ចង់ក្លាយជាតារាសម្ដែង
តាមប្រភពព័ត៌មាន Goal បានឲ្យដឹងថា ម្ចាស់ពាន Ballon d’Or ឆ្នាំ២០១៧ Cristiano Ronaldo បានបង្ហើបថា…
តាមប្រភពព័ត៌មាន Goal បានឲ្យដឹងថា ម្ចាស់ពាន Ballon d’Or ឆ្នាំ២០១៧ Cristiano Ronaldo បានបង្ហើបថា…
តាមប្រភពព័ត៌មាន Goal បានឲ្យដឹងថា ម្ចាស់ពាន Ballon d’Or ឆ្នាំ២០១៧ Cristiano Ronaldo បានបង្ហើបថា ខ្លួនចង់ទៅប្រឡូកក្នុងវិស័យភាពយន្ត ក្រោយពេលបញ្ចប់អាជីពបាល់ទាត់របស់ខ្លួន ។
ទោះបីជា Ronaldo មិនទាន់ដល់ពេលត្រូវព្យួរស្បែកជើងក៏ដោយ ក៏កីឡាករវ័យ៣២ឆ្នាំរូបនេះ បានគ្រោងសម្រាប់ថ្ងៃអនាគតរួចហើយដែរ ។
Ronaldo បាននិយាយថា ៖ “ពេលនេះខ្ញុំផ្ដោតលើបាល់ទាត់សិន ។ តែបើពេលចូលនិវត្តន៍មកដល់ ខ្ញុំនឹងអាចរីករាយនឹងអ្វីដែលខ្ញុំនឹងធ្វើ ។ ខ្ញុំនឹងមានជីវិតចូលនិវត្តន៍ដ៏ល្អមួយ ។ នេះមិនមែនមកពីខ្ញុំមានលុយច្រើននោះទេ តែមកពីខ្ញុំនឹងសាកអ្វីដែលថ្មីៗ ។”
លោកបានបន្តថា ៖ “ខ្ញុំចង់សាកប្រឡូកក្នុងវិស័យភាពយន្ត ។ ខ្ញុំក៏មានក្រុមហ៊ុនរបស់ខ្ញុំផ្ទាល់ដូចជា សណ្ឋារគារ ក្លឹបហាត់ប្រាណ និងទំនាក់ទំនងជាមួយនឹង Nike ផងដែរ ។ ខ្ញុំចង់រៀនធ្វើជាអ្នកជំនួញ ហើយខ្ញុំបានគិតពីវាតាំងពីខ្ញុំនៅអាយុ២៧ឆ្នាំមកម្ល៉េះ ។”
តើ Ronaldo នឹងក្លាយទៅជា Beckham និង Cantona ទីពីរដែរឬទេ ដែលក្លាយទៅជាតារាភាពយន្តក្រោយពេលបញ្ចប់អាជីពជាកីឡាករបាល់ទាត់ ?
ចែករំលែកព័តមាននេះ