ពេលលោកអ្នកមានកើតមុននៅលើផ្ទៃមុខលោកអ្នកពិតជាមានអារម្មណ៍មិនល្អឡើយ ពីព្រោះមុនធ្វើឱ្យផ្ទៃមុខលោកអ្នកបាត់បង់សំរស់អស់ពាក់កណ្ដាល ។ ហេតុនេះ បើចង់ឱ្យមុននៅលើផ្ទៃមុខនោះឆាប់ជាសះស្បើយ លោកអ្នកត្រូវអនុវត្ដន៍នូវវិធីសាស្ដ្រមួយចំនួនដូចខាងក្រោម ៖
-កុំប្រើកំណាត់ក្រាស់ជូតមុខ ៖ កំណាត់ប្រភេទនេះនឹងធ្វើឱ្យផ្ទៃមុខស្ងួត និងធ្វើឱ្យក្រពេញបញ្ចេញជាតិខ្លាញ់នៅលើផ្ទៃមុខធ្វើការច្រើន ។ នៅពេលដែលលោកអ្នកព្យា យាមផ្ដិតជាតិខ្លាញ់នៅលើមុខកាន់តែធ្វើឱ្យមុនដែលមានមូលហេតុពីក្រពេញជាតិខ្លាញ់កើនឡើងបានយ៉ាងងាយស្រួល ។
-ឈប់ញេចមុន ៖ ស្បែកនៅលើផ្ទៃមុខមិនគួរប៉ះពាល់ឡើយនៅពេលកើតមុន ហេតុនេះលោកអ្នកគួរតែបញ្ឈប់ការញេចមុន ដើម្បីធ្វើឱ្យផ្ទៃមុខលោកអ្នកបានសំរាក បើសិនជានៅបន្ដការញេចញឹកញាប់ទៀតនោះនឹងធ្វើឱ្យមុនកាន់តែរីកដុះដាល និងធ្វើឱ្យមានស្លាកស្នាមលើផ្ទៃមុខទៀតផង ។
-ចៀសវាងការប្រើថ្នាំលាបនៅលើមុន ៖ ជាពិសេសប្រភេទថ្នាំដែលមានគ្រឿងផ្សំ Benzoyl Peroxide ដែលធ្វើឱ្យស្បែកកាន់តែស្ងួត រមាស់ រលាក និងធ្វើឱ្យស្បែកនៅលើផ្ទៃមុខកើតស្លាកស្នាមបាន ។
-ហាមប្រើថ្នាំដុសធ្មេញ ឬប្រេងកូឡាលាបនៅលើមុន ៖ មានន័យថា វត្ថុក្ដៅទាំងនេះកាន់តែធ្វើឱ្យស្បែកស្ងួត រលាក និងទៅបិទរន្ធរោមលើផ្ទៃមុខជាហេតុធ្វើឱ្យមុន កាន់តែកើតឡើងច្រើនថែមទៀត ។
-កុំយកដៃទៅប៉ះលើផ្ទៃមុខ ៖ ម្រាមដៃលោកអ្នកផ្ទុកទៅដោយមេរោគជាច្រើនប្រភេទ បើសិនជាយកដៃមិនស្អាតនេះទៅប៉ះលើផ្ទៃមុខ ជាពិសេសកន្លែងមានគ្រាប់មុន នោះ នឹងធ្វើឱ្យមុនវិវត្ដទៅរកដំបៅក្លាយមិនខាន ដែលករណីនេះទាមទារការព្យាបាលក្នុងរយៈពេលយូរ និងអាចប៉ះពាល់ដល់អាយុជីវិតទៀតផង ។
-ត្រូវប្រយ័ត្នប្រយែងចំពោះសក់ ៖ សាប៊ូកក់សក់ដែលមានសារធាតុរមាស់ ក្រហាយ រួមទាំងទឹកលាបតុបតែងសក់ ក៏មានចំណែកធ្វើឱ្យកើតមុនបានដែរ ។ បើសិនជាលោក អ្នកប្រើប្រាស់វាគួរចៀសវាងកុំឱ្យសរសៃសក់ប៉ះនៅលើផ្ទៃមុខ ។
-ចៀសវាងការទទួលទានឱសថ ៖ ព្រោះថា ថ្នាំព្យាបាលបំបាត់មុនមួយចំនួនអាចធ្វើ ឱ្យបេះដូងលោកអ្នកញាប់ញ័រ ប្រភេទខ្លះទៀតមានគ្រោះថ្នាក់ដល់ថ្លើម ជាងនេះទៀត អ្នកដែលមានផ្ទៃពោះ (គភ៌) ត្រូវចៀសវាងការប្រើថ្នាំបំបាត់មុនជាដាច់ខាត ៕
ចែករំលែកព័តមាននេះ