រាជធានីភ្នំពេញ ៖ ទីផ្សារដោះដូរកីឡាករក្នុងលីគកំពូលម៉ាឡេស៊ី ពេលនេះកំពុងដំណើរការយ៉ាងសស្រាក់សស្រាំ ក្នុងនោះក្លិបផ្សេងៗនៅលីគកំពូលម៉ាឡេស៊ី (MSL) បាននាំយកកីឡាករបរទេសស្ថិតក្នុងប្រទេសអាស៊ានចំនួន៨រូបមកលេងឱ្យក្លិបរបស់ខ្លួន ។
ជាការកត់សម្គាល់ កីឡាករក្នុងលីគកំពូលកម្ពុជា និងសិង្ហបុរីហាក់មានហាងឆេងខ្ពស់ជាងគេក្នុងក្រសែភ្នែកក្លិបនានាក្នុងលីគកំពូលម៉ាឡេស៊ីនៅក្នុងទីផ្សារដោះដូរកីឡាករសម្រាប់លេងនៅរដូវកាលក្រោយនេះ ។
កីឡាករកម្ពុជាដែលក្លិបនៅលីគកំពូលម៉ាឡេស៊ីសម្រេចចុះកុងត្រាលេងឱ្យក្លិបរបស់គេគិតត្រឹមថ្ងៃទី១៨ ធ្នូ នេះមាន ៖
១-ធារី ចន្ថាប៊ីន លេងឱ្យក្លិប Terrengganu FC ,
២-កែវ សុខផេង លេងឱ្យក្លិប PKNP FC
និង៣-ចាន់ វឌ្ឍនាកា លេងឱ្យក្លិប Pahang FA។
ចំណែកកីឡាករសិង្ហបុរីមាន ៖
១-ខ្សែបម្រើ Hariss Harun លេងឱ្យក្លិបJohor Darul Ta’zim ,
២-ខ្សែការពារMadhu Mohana លេងឱ្យក្លិប Negeri Sembilan
និង៣-ខ្សែការពារ Safuwan Baharudin លេងឱ្យក្លិបPahang FA។
ដោយឡែកកីឡាករឥណ្ឌូណេស៊ី២រូប ក៏ត្រូវបានក្លិបនៅលីគកំពូលម៉ាឡេស៊ី ចុះកុងត្រានាំទៅលេងឱ្យក្លិបគេនារដូវកាលក្រោយដែររួមមាន ៖
១-ខ្សែប្រយុទ្ធ Ilham Armaiyn
និង២-ខ្សែបម្រើ Evan Dimas លេងឱ្យក្លិប Selangor ទាំងពីរនាក់ ៕
ចែករំលែកព័តមាននេះ