តាមការស្រាវជ្រាវឃើញថា ស្ថានភាពភូមិសាស្ត្រនឹងប្រែប្រួលពីកម្រិតនីវ៉ូទឹកសមុទ្រកើនឡើងខ្ពស់ប្រហែល១ម៉ែត្រ។ អ្នកបុរាណវិទ្យាពីមហាវិទ្យាល័យថេនណេសស៊ី សហរដ្ឋអាមេរិកឱ្យដឹងថា នឹងមានឱកាសធ្វើឱ្យទឹកជន់លិចទីតាំងបុរាណដែលសំខាន់នៅភាគខាងកើតឆៀងខាងត្បូងអាមេរិក ដោយមានជំនឿថាទីតាំងជាង១៣.០០០កន្លែងនឹងលិចនៅបាតទឹកក្នុងពេលអនាគត ។
អ្នកបុរាណវិទ្យាបានផ្តល់ទិន្នន័យថា ទីតាំងប្រវត្តិសាស្ត្រជានិមិត្តរូបដ៏លេចធ្លោរបស់អាមេរិកដូចជាក្រុងឆាលតុន, ជេមថោន, មជ្ឈមណ្ឌលអវកាសកេណ្ណឺឌី, សង់អូហ្គាស្ទីន និងប៉មសមុទ្ររបស់អាមេរិកកំពុងទទួលរងការគំរាមកំហែងពីកម្រិតទឹកសមុទ្រកើនឡើងប្រហែលពី១ទៅ៣ម៉ែត្រ ។
ក្រៅពីនេះមានទីតតាំងប្រវត្តិសាស្ត្រប្រហែល១០០០កន្លែង និងទីតាំងវប្បធម៌ដ៏សំខាន់មួយចំនួនទៀតនឹងលិចទៅក្នុងទឹក ។ ជាពិសេសនៅរដ្ឋផ្លរីដា រំពឹងថានឹងទទួលការខាតបង់ព្រោះជារដ្ឋជាប់នៅមាត់សមុទ្រ ចំណែកនៅរដ្ឋផ្សេងទៀតដែលមានហានិភ័យខ្ពស់ ដូចជារដ្ឋល្វីស៊ីណា និងរដ្ឋវើជីនៀ ។
ក្រៅពីកន្លែងប្រវត្តិសាស្ត្រនឹងបាត់បង់នោះនៅមានការទស្សន៍ទាយថា ពលរដ្ឋជាង៣លាននាក់នៅភាគខាងកើតឆៀងខាងត្បូងជាកន្លែងស្នាក់នៅរបស់ពួកគេនឹងត្រូវជន់លិចដោយសារទឹកសមុទ្រឡើងខ្ពស់នៅសតវត្សក្រោយ ៕
ចែករំលែកព័តមាននេះ