រាជធានីភ្នំពេញ ៖ អ្នកគាំទ្រនៅចាំបានទេ? តួរអង្គ ម៉ារីម៉ា ដែលប្រិយមិត្តតាមដានភ្លេចបាយភ្លេចទឹកកាលពីកន្លងទៅ ឬខ្លះមានកូនមួយពីរហើយនោះ ពេលនេះស្រីស្រស់ ម៉ារីម៉ា បានវិលមកថ្មីហាក់ដូចជាដាស់អារម្មណ៍អ្នកគាំទ្រឡើងវិញ ។
ជាមួយគ្នានេះដែរ កាលពីពេលថ្មីៗនេះ អ្នកនាង ម៉ារីម៉ា ដែលមានឈ្មោះពិតថា Marian Rivera និយាយថា នាងទទួលយកការសម្តែងជាថ្មីក្នុងរឿង «My Guardian Alien» ដូច្នេះកូនៗ របស់នាងអាចមើលរឿងភាគដែលខ្លួនបានសម្តែងផងដែរ ។
ជាការពិតណាស់ ស្ថិតក្នុងវ័យ៣៩ឆ្នាំក្តីក៏ស្រីស្រស់ Rivera នៅតែមានរូបសម្រស់ស្រស់សោភាដដែល ការត្រឡប់មកវិញរបស់ Marian Rivera នាពេលនេះធ្វើអោយបណ្តាលទូរទស្សន៍ផ្សេងៗមានការចាប់អារម្មណ៍ខ្លះ ខណៈសន្ទុះនៃការគាំទ្រនៅតែមាន ទោះនាងមានស្វាមី និងកូនពីរនាក់ក្តី ។
នៅក្នុងរឿង «My Guardian Alien» ម្ចាស់ក្សត្រី Kapuso Primetime បានត្រឡប់មកវិញ បន្ទាប់ពីរយៈពេល៥ឆ្នាំ ដោយទទួលយកការប្រកួតប្រជែងប្រកបដោយភាពច្នៃប្រឌិតក្នុងការលេងមនុស្សក្រៅភពក៏ដូចជា ម្តាយដែលស្រលាញ់មនុស្សដែលមានឈ្មោះថា Katherine ។
ក្នុងសន្និសីទសារព័ត៌មានដ៏ធំមួយនៅក្នុងកម្មវិធីនៅឯសណ្ឋាគារ Luxent ក្នុងទីក្រុង Quezon កាលពីថ្ងៃព្រហស្បតិ៍ អ្នកនាងម៉ារីម៉ាបាននិយាយថា នាងពិតជាចង់ធ្វើរឿងភាគអោយកូនៗរបស់នាង Zia និង Sixto អាចមើលបានផងដែរ ។ My Guardian Alien” គឺជាការវិលត្រឡប់របស់ Marian ទៅក្នុងវគ្គដំបូងជាមួយតួអង្គមនុស្សក្រៅភពមួយចំនួន ហើយបានចុះចតនៅលើភពផែនដី បន្ទាប់ពីការធ្លាក់ដោយចៃដន្យពីលំហអាកាស ។
នៅលើភពផែនដី មនុស្សភពក្រៅមានទម្រង់ជាស្ត្រីដែលស្លា.ប់ឈ្មោះ Katherine ។ ហើយរឿងមួយនេះផងដែរ ជារឿងបែបច្នៃប្រឌិតលក្ខណៈវិទ្យាសាស្ត្រា ដែលធ្វើអោយអ្នកតាមដានចង់ដឹងជាខ្លាំង ក្រោយនាងខកខានការសម្តែងនោះ ។ ទន្ទឹមនឹងនេះរឿង «My Guardian Alien» ចាក់បញ្ចាំងនៅថ្ងៃទី១ ខែមេសា នៅលើកញ្ចក់ទូរទស្សន៍ GMA Prime ។
គួរបញ្ជាក់ដែរថា ស្រីស្រស់ Marian Rivera ជាតារាស្រីដែលលេចធ្លោ និងពហុជំនាញ នាងជាតារាសម្តែង ម៉ូដែល អ្នករាំ និងជាតារាចម្រៀងផងដែរ ។ កុំភ្លេចតាមដានទាំងអស់គ្នាណា ក្រោយអាយដលរបស់អស់លោកអ្នកវិញមកជាថ្មី ៕ ដោយ៖លីហួ គីមឆាយ
ចែករំលែកព័តមាននេះ