ចិន ៖ តាមប្រភពព័ត៌មាន Shanghaiist បានឲ្យដឹងថា ស្តេចប្រដាល់ Floyd Mayweather បានធានាចិញ្ចឹមសត្វខ្លាឃ្មុំផេនដាមួយក្បាលនៅប្រទេសចិន ដោយដាក់ឈ្មោះវាឲ្យដូចនឹងឈ្មោះខ្លួនថា «TMT Floyd Mayweather» ។
តាមការពិតទៅ Floyd មិនបានយកខ្លាឃ្មុំនោះទៅផ្ទះរបស់ខ្លួនដើម្បីចិញ្ចឹមនោះទេ ។ រូបគេគ្រាន់តែចំណាយប្រាក់១៥០០០ដុល្លារ ដើម្បីប្តូរឈ្មោះវាពី «សណ្តែកសៀង» ទៅ « TMT Floyd Mayweather» តែប៉ុណ្ណោះ ។ ប្រាក់១៥០០០ដុល្លារនេះ គឺសម្រាប់ការចំណាយទៅលើចំណីអាហារ និងថ្លៃមើលថែរបស់ខ្លាឃ្មុំមួយក្បាលនោះ ។ នៅឆ្នាំក្រោយ សត្វខ្លាឃ្មុំនោះនឹងមានឈ្មោះធម្មតាវិញ បន្ទាប់ពីប្រាក់១៥០០០ដុល្លារនោះអស់ ។ ប្រសិនបើ Floyd ចង់ឲ្យបន្តឈ្មោះនោះទៀត Floyd ត្រូវបង់ប្រាក់១៥០០០ដុល្លារទៀត ។
គួរបញ្ជាក់ផងដែរថា Floyd បានទៅលេងនៅប្រទេសចិនដើម្បីជួបជាមួយនឹងអ្នកគាំទ្រនៅហុងកុង ម៉ាកាវ ប៉េកាំង ចឹងទូ និងសៀងហៃ ។ រាល់ថ្លៃចំណាយត្រូវបានគេឧបត្ថម្ភឲ្យទាំងអស់ ដែលមានថ្លៃសរុប៣លានដុល្លារអាមេរិក ៕
ចែករំលែកព័តមាននេះ