ឆ្នាំ១៤៩២
-វេយ្យាករណ៍ភាសាអេស្ប៉ាញជាលើកទី ១ត្រូវបានបង្ហាញ និងថ្វាយម្ចាស់ក្សត្រីអ៊ីសា ប៊ែលឡាទី១ដែលជាមហេសីរបស់ព្រះអង្គ ហ្វេឌីណង់ទី២នៃអាណាចក្រអារាហ្គន។
ឆ្នាំ១៧៦១
-កងទ័ពអង់គ្លេសបានវាយដណ្ដើមកាន់ កាប់តំបន់ពុនឌីហ្សេរីរបស់ឥណ្ឌា ពីកងទ័ព បារាំង ។
ឆ្នាំ១៨០៩
-កងទ័ពប្រទេសអង់គ្លេសបានវាយ បណ្ដេញកងទ័ពប្រទេសបារាំងក្នុងការប្រយុទ្ធ គ្នានៅឡាកូរូណា ក្នុងឧបទ្វីបអ៊ីប៊ែររៀន។
ប្រទេសអង់គ្លេសមានកងទ័ពថ្មើរជើង ១៦.០០០នាក់ និងកាំភ្លើងធំ៩ដើម ចំណែក ខាងបារាំងមានកងទ័ពថ្មើរជើង១២.០០០
នាក់ កងទ័ពសេះ៤.០០០នាក់ និងកាំភ្លើងធំ ២០ដើម ហើយធ្វើឱ្យកងទ័ពអង់គ្លេសស្លាប់ និងរបួស៩០០នាក់ក៏សំរេចចិត្ដដកថយ ចំណែកកងទ័ពបារាំងវិញស្លាប់ និងរបួស ១.៥០០នាក់។
ឆ្នាំ១៨៧៨
-មានការប្រយុទ្ធគ្នានៅទីក្រុងប្លូវឌីវ ប្រទេសហុងគ្រី រវាងប្រទេសរុស្ស៊ីដែលមាន កងទ័ព១២.០០០នាក់ និងប្រទេសទួរគីដែល មានកងទ័ព៦.០០០នាក់ ។ សង្គ្រាមនេះធ្វើ ឡើង ពីព្រោះតែប្រទេសរុស្ស៊ីចង់រំដោះ ទីក្រុងនេះចេញពីការគ្រប់គ្រងរបស់ប្រទេសទួរគី។ កងទ័ពរុស្ស៊ីស្លាប់១.៣០០នាក់ ឯ ទួរគីស្លាប់៣.០០០នាក់ និង២.០០០នាក់ ទៀតក្លាយជាឈ្លើយសឹករបស់កងទ័ពរុស្ស៊ី ។
ឆ្នាំ១៩៤៥
-មេដឹកនាំណាហ្ស៊ីអាដុល ហ៊ីទ្លែរ និង ភរិយា អ៊ីវាប្រូន បានគេចខ្លួនទៅរស់នៅ ក្រោមវិមានអធិការបតីរបស់ខ្លួនដែលមាន ជំរៅ៨ម៉ែត្រចុះទៅក្រោម ។ ក្នុងការលាក់ ខ្លួនក្រៅពីហ៊ីទ្លែរ មានប្រជាជនជាច្រើន និង គ្រូពេទ្យផងដែរនៅជាមួយដោយគ្មានទឹក និងភ្លើងអគ្គិសនីប្រើប្រាស់ ។ កន្លែងលាក់ខ្លួន នេះគេហៅថា លេណដ្ឋានរបស់អធិការបតី តែទោះបីជាលំបាកយ៉ាងណាក៏មេដឹកនាំរូប នេះនៅតែផឹកតែមួយថ្ងៃពី១០ទៅ១៦កែវ ដែរ ។ ពេលកំពុងតែលំបាកក្នុងការរកទឹកផឹក នោះ ជារឿយៗមានមនុស្សចេញទៅយកទឹក នៅក្រៅលេណដ្ឋានសំរាប់ឱ្យកូន ឬក្មេងៗផឹក តែភាគច្រើនមិនដែលឃើញមកវិញឡើយ ពីព្រោះពេលនោះទីក្រុងប៊ែរឡាំងដែលមាន
វិមានអធិការបតី ដោយមានហ៊ីទ្លែរកំពុង សម្ងំនៅពីក្រោម ត្រូវរងការវាយប្រហារពី កងទ័ពសម្ព័ន្ធមិត្ដ។ រហូតដល់ថ្ងៃទី៣០ មេសា ឆ្នាំ១៩៤៥ ទើបការលាក់ខ្លួនរបស់ ហ៊ីទ្លែរត្រូវបានបញ្ចប់ ។
ឆ្នាំ២០០១
-លោកប្រធានាធិបតីកុងហ្គោ (Congo) ឡូរ៉ង់ ដេស៊ីរ៉េ កាប៊ីឡា ត្រូវបានគេធ្វើឃាត នៅទីក្រុងគីនសាសា ក្នុងវ័យ៦១ឆ្នាំ ដោយ អង្គរក្សរបស់លោកផ្ទាល់ឈ្មោះរ៉ាស៊ី ឌីកាសេ រេកា និងក្រោយមកអង្គរក្សក្បត់នោះត្រូវ គេសំលាប់ចោល ។ តំណែងប្រធានាធិបតី ក៏ធ្លាក់ទៅលើកូនប្រុសរបស់លោកឈ្មោះ ចូសេប ។ លោកឡូរ៉ង់ កាប៊ីឡា ធ្វើជាប្រធា នាធិបតីតាំងពីឆ្នាំ១៩៩៧ ។ ការស៊ើបអង្កេត ជុំវិញការសំលាប់លោកឡូរ៉ង់ កាប៊ីឡា ត្រូវ បានរកឃើញថា ជាប់ពាក់ព័ន្ធនឹងក្មួយប្រុស របស់លោកឈ្មោះអេឌី កាពេន ដែលមាន ឋានន្ដរស័ក្ដិជាវរសេនីយ៍ឯក ។ ទាំងក្មួយ ប្រុស និងមនុស្ស២៥នាក់ទៀតត្រូវកាត់ ទោសប្រហារជីវិត និងមនុស្ស៦៤នាក់ផ្សេង ទៀតត្រូវកាត់ទោសឱ្យជាប់ពន្ធនាគារអស់ មួយជីវិត ។
ឆ្នាំ២០០៤
-គ្រោះរញ្ជួយដីនៅទីក្រុងបាម ជាក្រុង បុរាណរបស់ប្រទេសអ៊ីរ៉ង់បានសំលាប់មនុស្ស ៤.៥០០នាក់។
-សាធារណរដ្ឋប្រជាមានិតចិនបានចាប់ ខ្លួនមន្ដ្រីកំពូលហុងកុងម្នាក់មកកាត់ទោសពី បទចោទថា បានធ្វើចារកម្មឱ្យចក្រភពអង់ គ្លេស ។
ឆ្នាំ២០០៥
-លោកស្រីអាឌ្រីយ៉ាណា អ៊ីលីស្គូ ជនជាតិ រ៉ូម៉ានី ដែលជាអ្នកនិពន្ធសៀវភៅសំរាប់កុមារ បន្ទាប់ពីចូលនិវត្ដន៍បានក្លាយជាស្ដ្រីទី១របស់ ពិភពលោកដែលឱ្យកំណើតកូននៅក្នុងអាយុ ៦៦ឆ្នាំ ។
ឆ្នាំ២០០៧
-ប្រទេសថៃបានកោះអញ្ជើញឯកអគ្គរដ្ឋ ទូតសិង្ហបុរីឱ្យមកជួបដើម្បីធ្វើការប្រឆាំង ទៅនឹងដំណើរទស្សនកិច្ចដែលធ្វើឡើងដោយ អតីតនាយករដ្ឋមន្ដ្រីថៃ ថាក់ស៊ីន ស៊ីណាវ៉ា ត្រា ដែលត្រូវបានគេទំលាក់ដោយការធ្វើរដ្ឋ ប្រហារនៅឆ្នាំ២០០៦ ៕
ចែករំលែកព័តមាននេះ