ខេត្តតាកែវ ៖ លោកឧត្តមសេនីយ៍ទោ សុខ សំណាង ស្នងការខេត្តតាកែវធ្វើជាម្ចាស់ផ្ទះដឹកនាំក្នុងកិច្ចប្រជុំទ្វេភាគីកម្ពុជា-វៀតណាមដែលមានខេត្តចំនួន០៣ចូលរួម ។ កិច្ចប្រជុំនេះប្រារព្ធធ្វើឡើងនៅសាលប្រជុំនៃស្នងការដ្ឋាននគរបាលខេត្តតាកែវកាលព្រឹកថ្ងៃទី៣០ ខែវិច្ឆិកា ឆ្នាំ២០១៧…
ខេត្តតាកែវ ៖ លោកឧត្តមសេនីយ៍ទោ សុខ សំណាង ស្នងការខេត្តតាកែវធ្វើជាម្ចាស់ផ្ទះដឹកនាំក្នុងកិច្ចប្រជុំទ្វេភាគីកម្ពុជា-វៀតណាមដែលមានខេត្តចំនួន០៣ចូលរួម ។ កិច្ចប្រជុំនេះប្រារព្ធធ្វើឡើងនៅសាលប្រជុំនៃស្នងការដ្ឋាននគរបាលខេត្តតាកែវកាលព្រឹកថ្ងៃទី៣០ ខែវិច្ឆិកា ឆ្នាំ២០១៧ ដោយមានការចូលរួមពីប្រតិភូខេត្តទាំងបីនៃប្រទេសទាំងពីរប្រមាណ៨០រូបចូលរួមផងដែរ ។
លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្ត សមាជិកាអបដំណើរចំនួន២០រូប ដឹកនាំគណៈប្រតិភូលោកឧត្តមសេនីយ៍ត្រី ប៊ួយ ប៊ែទឺ មន្ទីរនគរបាលខេត្តនិសមាជិកសមាជិកាជាច្រើនទៀត ។
លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ និងលោកឧត្តមសេនីយ៍ទោ អ៊ាវ ចំរើន ស្នងការនៃស្នងការដ្ឋាននគរបាលខេត្តកណ្តាលបានឲ្យដឹងថា រយៈពេល១ឆ្នាំ២០១៧ ខេត្ដទាំង៣(ភាគីទាំង២) បានឯកភាពគ្នាចូលរួមការការពារបោះបង្គោលខណ្ឌសីមាព្រំដែន និងការពារតម្រុយបង្គោលបំពេញបន្ថែម ដែលគណកម្មការបោះបង្គោលខ័ណ្ឌសីមាព្រំដែនថ្នាក់ជាតិនៃប្រទេសទាំងពីរបានឯកភាពគ្នា ។ លោកបានបន្តថាសភាពការណ៍បទល្មើសពាក់ព័ន្ធខេត្ដទាំង៣មានលក្ខណៈល្អប្រសើរបើប្រៀបធៀបរយៈពេលដូចគ្នាកាលពីឆ្នាំ២០១៦ ។
ទន្ទឹមនោះភាគីទាំង២បានបន្ដសហការគ្នាក្នុងការផ្លាស់ប្ដូរផ្ដល់ព័ត៌មានពាក់ព័ន្ធមុខសញ្ញាល្មើសច្បាប់ផ្សេងៗ ជាពិសេសបទល្មើសជួញដូរអាវុធគ្រឿងញៀន សេដ្ឋកិច្ច ជួញដូរមនុស្សឆ្លងកាត់ព្រំដែន ។ ស្នងការខេត្ដទាំង៣ នៃប្រទេសទាំង២ប្តេជ្ញាបង្កើនចំណងសាមគ្គីភាព មិត្ដភាព កិច្ចសហប្រតិបត្តិការ ក្នុងការបង្ការទប់ស្កាត់ និងប្រយុទ្ធប្រឆាំងបទល្មើសគ្រប់ប្រភេទសំដៅធានាសន្ដិសុខ សណ្ដាប់ធ្នាប់នៅតាមតំបន់ព្រំដែនរវាងនគរបាលខេត្ដទាំង៣ (ភាគីទាំង២) ឲ្យបានឯកភាពគ្នា និងលើកទិសដៅសហរប្រតិបត្ដិការបន្ដទៅទៀត ។
បន្ទាប់ពីកិច្ចប្រជុំអស់រយៈពេល១ព្រឹកប្រកបដោយកិច្ចសហការល្អរវាងប្រទេសទាំងពីរ និងបានចុះហត្ថលេខាលើកំណត់ហេតុរួចមកនគរបាលខេត្តទាំងបី បានជូនកាដូរអនុស្សាវរីយ៍ទៅវិញទៅមក ៕
ចែករំលែកព័តមាននេះ