ព្យុះដ៏កំណាចឈ្មោះ សាន់ឌី ដែលវាយប្រហារយ៉ាងខ្លាំងក្លាបំផុតលើសហរដ្ឋអាមេរិកនោះកាលពីថ្ងៃទី៣០ តុលា បានបោកបក់បន្តឆ្ពោះទៅកាណាដាតែវាបានចុះថមថយកម្លាំងហើយ ។តុល្យការបណ្តោះអាសន្នចុងក្រោយប្រកាសដោយអាជ្ញាធរអាមេរិករៀបរាប់ពីមនុស្សស្លាប់៣៩នាក់ ពិសេសនៅក្រុងញូវយ៉ក ដែលមានមនុស្សស្លាប់១៨នាក់ និងនៅរដ្ឋញូវចឺស៊ី ។
ព្យុះដ៏កំណាចឈ្មោះ សាន់ឌី ដែលវាយប្រហារយ៉ាងខ្លាំងក្លាបំផុតលើសហរដ្ឋអាមេរិកនោះកាលពីថ្ងៃទី៣០ តុលា បានបោកបក់បន្តឆ្ពោះទៅកាណាដាតែវាបានចុះថមថយកម្លាំងហើយ ។តុល្យការបណ្តោះអាសន្នចុងក្រោយប្រកាសដោយអាជ្ញាធរអាមេរិករៀបរាប់ពីមនុស្សស្លាប់៣៩នាក់ ពិសេសនៅក្រុងញូវយ៉ក ដែលមានមនុស្សស្លាប់១៨នាក់ និងនៅរដ្ឋញូវចឺស៊ី ។
មនុស្ស៣នាក់ត្រូវរបួស កាលពីថ្ងៃទី៣០ តុលា ក្នុងអគ្គិភ័យយ៉ាងធំមួយដែលបំផ្លាញផ្ទះត្រូវទឹកជន់លិចប្រមាណជា១០០ខ្នងនៅទល់មុខនឹងមាត់សមុទ្រក្នុងសង្កាត់QUEENS ក្រុងញូវយ៉ក ។ ចំណែកមន្ទីរពេទ្យTISH HOSPITAL នៃសាកលវិទ្យាល័យញូវយ៉កអ្នកជំងឺប្រមាណជា២០០នាក់ត្រូវជម្លៀសចេញដោយសារតែគ្មានភ្លើងអគ្គិសនីទាំងភ្លើងបម្រុង ។ នៅសង្កាត់ម៉ាន់ហាតាន់ដងស្ទូចមួយនៅឯការដ្ឋានសាងសង់អគារកម្ពស់៩០ជាន់មួយបានបាក់ត្រង់ជាន់ទី៧៣ដោយសារខ្យល់ខ្លាំងហើយនៅយោលយ៉ាងគ្រោះថ្នាក់ពីលើវិថីសំខាន់មួយ ។
ដោយសារព្យុះនេះរលកខ្លាំងធ្វើឱ្យទំនប់មួយនៅរដ្ឋញូវចឺស៊ីត្រូវបាក់ ។ ប្រធានាធិបតីអាមេរិកលោកបារ៉ាក់អូបាម៉ា នឹងទៅកាន់រដ្ឋញូវចឺស៊ីដែលរងការប៉ះពាល់ខ្លាំងដោយសារព្យុះនេះ ។ លោកអូបាម៉ាទៅកាន់រដ្ឋនោះនាថ្ងៃទី៣១ តុលា។ក្រោយព្យុះពលរដ្ឋក្រុងញូវយ៉កជាច្រើនសិបពាន់នាក់នៅពុំទាន់មានអគ្គិសនីប្រើប្រាស់ឡើងវិញនៅឡើយ ។ រថយន្តបឺសមួយចំនួនចាប់ផ្តើមរត់វិញក៏ប៉ុន្តែបណ្តាសាលារៀននៅតែបិទទ្វារ ។ នាថ្ងៃទី៣១ តុលា ស្ពានទាំងឡាយភ្ជាប់ពីសង្កាត់ម៉ាន់ហាតាន់ទៅកាន់កន្លែងផ្សេងៗនៃទីក្រុងញូវយ៉កក៏បានបើកឡើងវិញដែរ ។ ព្រលានយន្តហោះJFK អាំចនឹងបើកវិញនាថ្ងៃទី៣១ តុលា ។ ចំណែកមេត្រូ ដែលត្រូវទឹកជន់លិច ឬត្រូវទឹកសមុទ្រចូលនឹងនៅបិទទ្វារបន្ត៣ទៅ៤ថ្ងៃទៀត ។ មេត្រូក្រុងញូវយ៉កដឹកអ្នកដំណើរគិតជាមធ្យមក្នុងថ្ងៃប្រមាណជា៥,៣លាននាក់ ហើយភាពច្របូកច្របល់ពិតជាមានព្រោះពលរដ្ឋក្រុងញូវយ៉កពឹងផ្អែកលើមេត្រូដើម្បីជិះទៅធ្វើការ ។
នៅរដ្ឋញូវចឺស៊ីបើតាមអភិបាលរដ្ឋនេះលោកCHRIS CHRISTIEថា ទឹកប្រាក់នៃការខូចខាត មិនអាចគណនាបាន ។ ខុទ្ទកាល័យក្រុមប្រឹក្សាIHS GLOBAL INSIGHT ប៉ាន់ប្រមាណការខូចខាតទ្រព្យសម្បត្តិថា មានប្រមាណជា២០ពាន់លានដុល្លារ និងការបង់ខាតការរកស៊ីថា មានពី១០ទៅ៣០ពាន់លានដុល្លារ ។នៅក្រុងញូវយ៉កសង្កាត់ម៉ាន់ហាតាន់ដែលមានជាពិសេសទីស្នាក់ការផ្សារហ៊ុនអាមេរិកWALL STREET មានទឹកជន់ឡើងជិតដល់៤ម៉ែត្រដោយលិចផ្លូវថ្នល់ទាំងឡាយ ទីតាំងកំពុងសាងសង់នៅឯមជ្ឈមណ្ឌលពាណិជ្ជកម្មពិភពលោកWTC រូងមេត្រូ និងផ្លូវរូងក្រោមដីទាំងឡាយ ។ពេលព្យុះកំពុងវាយប្រហារពលរដ្ឋអាមេរិករហូតដល់៨,២លាននាក់គ្មានអគ្គិសនីប្រើប្រាស់។ ព្រលានយន្តហោះស្ទើរទាំងអស់នៅភាគឦសានអាមេរិកនៅតែបិទទ្វារ ហើយជើងហោះហើរដល់ទៅជិត៦.០០០ជើងត្រូវលុបចោលសម្រាប់ថ្ងៃទី៣០ តុលា តែមួយគត់ ។
ចែករំលែកព័តមាននេះ